Á kind sem heitir Eyja

Ég heiti Ólöf Vala og bý í Árprýði, Flóahreppi og hef búið í sveit frá þriggja ára aldri. Það er ekki búskapur heima hjá mér en föður­amma mín og -afi á næsta bæ eru með kartöflurækt og kindur. Þar á ég kind sem heitir Eyja. 

 

Nafn: Ólöf Vala Heimisdóttir.

 

Aldur: 12 ára.

 

Stjörnumerki: Meyja.

 

Búseta: Árprýði, Flóahreppi.

 

Skóli: Flóaskóli.

 

Hvað finnst þér skemmtilegast í skólanum? Náttúrufræði og stærðfræði.

 

Hvert er uppáhaldsdýrið þitt? Hundur og kindur.

 

Uppáhaldsmatur: Þessa stundina er það mango chutney kjúklingur sem pabbi gerir.

 

Uppáhaldshljómsveit: Queen og Guns N' Roses.

 

Uppáhaldskvikmynd: Ég á enga sérstaka uppáhaldskvikmynd en horfi alltaf á Love Actually fyrir jólin.

 

Fyrsta minning þín? Þegar ég fór hringinn í kringum landið með mömmu og pabba í kringum þriggja ára aldurinn.

 

Æfir þú íþróttir eða spilarðu á hljóðfæri? Æfi dans og píanó.

 

Hvað ætlar þú að verða þegar þú verður stór? Arkitekt eða einhvers konar hönnuður.

 

Hvað er það klikkaðasta sem þú hefur gert? Þegar ég var í skemmtigarði í útlöndum og fékk að fara  í stóran róbóta sem sveiflaði mér mjög hratt í allar áttir.

 

Gerðir þú eitthvað skemmtilegt í sumar? Fór norður með fjölskyldunni minni í ferðalag.

 

Næst » Ólöf Vala ætlar að skora á Auðun Inga Davíðsson að svara næst.