Tvíhliða samningar Sviss og ESB

Í byrjun mánaðar skrifuðu Ursula Von Der Leyen, forseti framkvæmdastjórnar Evrópusambandsins (ESB) og Guy Parmelin, forseti Sviss, undir tvíhliða samning sem miðar að auknu samstarfi Sviss og ESB.

Í viðræðum náðist samkomulag um uppfærslu á fjórum samningum sem þegar voru í gildi. Það eru samningur um aðgang Sviss að innri markaði ESB, samningur um samgöngur á lofti og landi, samningur um frjálst flæði fólks yfir landamæri, ásamt samningi um samræmismatskerfi.

Í nýju samningunum sameinast Sviss og ESB að auki um svokallað matvælaöryggissvæði sem nær yfir alla matvælakeðjuna. Eins var skrifað undir samning er snýr að rafmagni sem gefur Sviss aðgang að raforkuflutningskerfi Evrópu. Þar að auki náðist samkomulag um heilsu sem auðveldar viðbrögð við heilbrigðisógnum sem ná yfir landamæri. Enn fremur hefur Sviss samþykkt að leggja til fjármagn sem miðar að félagslegri samloðun innan sambandsins. Með nýju samningunum verður Sviss jafnframt aðili að Geimvísindastofnun Evrópu. Sviss er hluti af EFTA (Fríverslunarsamtökum Evrópu) en stendur fyrir utan EES (Evrópska efnahagssvæðið) og ESB.