Þór hf. hættir með DEUTZ-FAHR dráttarvélar
Höfundur: Þröstur Helgason
Þór hf. og SDF hafa komist að sameiginlegri niðurstöðu um að ljúka samstarfi um sölu DEUTZ-FAHR dráttarvéla á Íslandi.
Þór hf. mun áfram veita þjónustu og útvega varahluti fyrir DEUTZ-FAHR dráttarvélar þar til SDF, framleiðandi vélanna, hefur komið nýju fyrirkomulagi á sölu og þjónustu DEUTZ-FAHR á Íslandi.
Þetta kemur fram í fréttatilkynningu frá Þór hf.
„Það er sameiginlegt markmið Þórs hf. og SDF að þessar breytingar hafi sem minnst áhrif á eigendur DEUTZ-FAHR dráttarvéla. Fyrirtækin munu vinna saman að því að tryggja góða samfellu í þjónustu á meðan breytingarnar ganga yfir.“
