Magnús skipaður forstjóri Stofununnar atvinnuveganna
Magnús Kristjánsson hefur verið skipaður í embætti forstjóra Stofnunar atvinnuveganna. Forstjóri er skipaður til fimm ára og mun leiða undirbúning, móta skipulag og stýra starfsemi stofnunarinnar sem mun taka til starfa 1. janúar 2027.
Í sumar var samþykkt frumvarp Jóhanns Páls Jóhannssonar, umhverfis-, orku- og loftslagsráðherra, og Hönnu Katrínar Friðriksson atvinnuvegaráðherra um breytingar á eftirliti með matvælum, hollustuháttum og mengunarvörnum. Með nýjum lögum sem taka gildi 1. janúar 2027 munu þrjár stofnannir sameinast í eina. Það eru Matvælastofnun, Fiskistofa og Verðlagsstofa skiptaverðs sem sameinast í Stofunun atvinnuveganna. Þá flytjast verkefni á sviði matvælaeftirlits heilbrigðisnefnda sveitarfélaga til hinnar nýju stofunnar.
Magnús Kristjánsson lauk B.Sc. gráðu í tölvunarfræði árið 2000 frá Háskóla Íslands og MBA prófi í viðskiptafræði árið 2009 frá sama skóla. Magnús hefur farsæla reynslu af stjórnun og stefnumótun innan opinbers rekstrarumhverfis og á samkeppnismarkaði. Hann gegndi starfi forstjóra Orkusölunnar á árunum 2008 til 2026. Áður var hann upplýsingatæknistjóri hjá Rarik á árunum 2003 til 2006. Þá starfaði Magnús hjá TM Software – Business Solution sem verkefnastjóri á árunum 1999 til 2003 og sem aðstoðarframkvæmdastjóri á árunum 2006 til 2008. Magnús hefur gegnt formennsku í stjórnum Sunnlenskrar orku og Sjávarorku, verið stjórnarmaður og varaformaður stjórnar Samorku og sat í fulltrúaráði Samtaka atvinnulífsins.
