Vinsamlegast athugið að þetta efni er eldra en 10 mánaða.
Sigursveit KR í C-flokki, frá vinstri: Róbert Heiðar Skúlason, Jón Fenrir Ragnarsson, Theodór Nóel Schram, Praanvi Kandukuri, Venkata Abhinay Chowdary Dasari.
Sigursveit KR í C-flokki, frá vinstri: Róbert Heiðar Skúlason, Jón Fenrir Ragnarsson, Theodór Nóel Schram, Praanvi Kandukuri, Venkata Abhinay Chowdary Dasari.
Líf og starf 30. desember 2025

Fjölmargir krýndir í yngri flokkum

Höfundur: Gauti Páll Jónsson gauti.pj@hotmail.com

Dagana 29. og 30. nóvember fóru fram tvö Íslandsmót. Annars vegar Íslandsmót einstaklinga í fimm aldursflokkum, eða frá 8 ára og yngri og upp í aldursflokk 15 til 16 ára, en tveir árgangar kepptu í hverjum flokki.

Mótið var fjölmennt og fór fram í Miðgarði í Garðabæ. Þegar greinarhöfundur var yngri voru aðeins tveir aldursflokkar á þessum Íslandsmótum en flestir eru sammála um að þetta kerfi sé langtum betra. Sérstaklega í yngstu flokkunum. Gallinn er þó að elstu flokkarnir geta oft verið fámennir, enda mesta brottfallið í skákíþróttinni á síðustu árum grunnskóla og byrjun menntaskóla.

Eftirfarandi snillingar unnu titla á mótinu, Íslandsmeistarar (efstir í flokknum), og Íslandsmeistarar stúlkna (efst stúlkna í flokknum): u8 ára: Róbert Heiðar Skúlason og Emilía Klara Tómasdóttir. u10 ára: Pétur Úlfar Ernisson og Þóra Kristín Jónsdóttir. u12 ára: Haukur Víðis Leósson og Katrín Ósk Tómasdóttir. u14 ára: Jósef Omarsson og Emilía Embla Berglindardóttir. u16: Mikael Bjarki Heiðarsson og Guðrún Fanney Briem. Hér með hafa þau skráð nöfn sín á spjöld sögunnar! Greinarhöfundur var skákstjóri í flokki u10 ára og tók sérstaklega eftir því að 12 af 27 keppendum hafa alþjóðleg skákstig. Það er mín tilfinning að krakkarnir séu að verða betri yngri, en það er samt sem áður enn vandamál fyrir hreyfinguna hve margir hætta eða minnka taflmennsku stórlega á unglingsárum.

En samkvæmt tölfræðinni ætti það smám saman að breytast á næstu árum, í krafti fjöldans!

Daginn eftir fór fram Íslandsmót barna- og unglingasveita í skák á sama stað. Mótið svipar til Íslandsmóts skákfélaga, nema fyrir börn á grunnskólaaldri. Teflt er í þremur flokkum, einum opnum og tveimur yngri flokkum, frá 1.–3. bekk og frá 4.–7. bekk. Sterkir ungir skákmenn tefla þó oft með sínum félögum í opna flokknum ef því er að skipta. Skákdeild KR vann C-flokkinn, 1.–3. bekk, og er þetta þeirra fyrsti Íslandsmeistaratitill í liðakeppni í skák. KR-ingar hafa byggt upp öflugt starf á undanförnum árum og uppskera nú! Taflfélag Reykjavíkur vann B-flokkinn eftir spennandi keppni gegn Fjölni, en aðeins munaði einum vinningi á þeim. Skákdeild Breiðabliks vann opna flokkinn og varði titilinn frá því í fyrra. Ef lesendur Bændablaðsins luma á áhugaverðum skákum geta þeir haft samband.

Er hár yðar óstýrilátt?
Líf og starf 13. nóvember 2026

Er hár yðar óstýrilátt?

Margir þekkja þá raun að eiga við hárið á sér, sumir fremur öðrum auðvitað og ei...

Tilmæli um ábyrga notkun gervigreindar
Líf og starf 12. nóvember 2026

Tilmæli um ábyrga notkun gervigreindar

Bandalag íslenskra listamanna (BÍL) hefur ákveðið að hrinda af stað átaki þar se...

Aldarafmæli Láru Brynhildar
Líf og starf 12. nóvember 2026

Aldarafmæli Láru Brynhildar

Lára Brynhildur Eiríksdóttir, sem býr á hjúkrunarheimilinu Lögmannshlíð á Akurey...

Lausn á vísnagátunni úr 20 tölublaði
Líf og starf 10. nóvember 2026

Lausn á vísnagátunni úr 20 tölublaði

Hér er lausnin á vísnagátunni sem birtist í 20. tölublaði Bændablaðsins. 

Svar við loftmyndagetraun
Líf og starf 9. nóvember 2026

Svar við loftmyndagetraun

Í loftmyndagetrauninni að þessu sinni voru lesendur beðnir um að bera kennsl á l...

Stjörnuspá vikunnar
Líf og starf 5. nóvember 2026

Stjörnuspá vikunnar

Sporðdrekinn hefur beðið spenntur eftir einhverju sem hann taldi dramatískt, en ...

TR trónir á toppnum
Líf og starf 4. nóvember 2026

TR trónir á toppnum

Taflfélagi Reykjavíkur gekk vel í þeim sveitakeppnum sem fram fóru síðustu helga...

Rosaleg blöð að norðan
Líf og starf 4. nóvember 2026

Rosaleg blöð að norðan

„Það væri afrek að komast í þrjú grönd.“ Þetta sagði Ragnar Hermannsson stórspi...