Trausti áfram formaður
Höfundur: Sigurður Már Harðarson
Á búgreinaþingi 2023 var Trausti Hjálmarsson í Austurhlíð endurkjörinn formaður búgreinadeildar sauðfjárbænda hjá Bændasamtökum Íslands.
Hann hafði einn lýst yfir framboði og fékk um 94 prósent greiddra atkvæða. Aðrir í stjórn lýstu einnig yfir framboði til endurkjörs; þau Ásta Fönn Flosadóttir, Höfða 1, Jóhann Ragnarsson, Laxárdal 3, Sigurborg Hanna Sigurðardóttir, Oddsstöðum 1 og Sveinn Rúnar Ragnarsson, Akurnesi – og voru sjálfkjörin.
Í varastjórn voru kjörin þau Sigríður Ólafsdóttir, Víðidalstungu 1. varamaður, Hulda Brynjólfsdóttir, Tyrfingsstöðum 2. varamaður og Ragnar Jónsson, Halldórsstöðum 3. varamaður.
