Töframenn á leið til Riga!
Það styttist í Evrópumótið í Riga.
Ísland tekur þátt í opnum flokki sem og í kvennaflokki. Í opna flokknum hefur nokkru verið kostað til að auka líkur á árangri. Má þar nefna landsleiki við ýmsar þjóðir, úr einni slíkri viðureign er spil dagsins:
Vestur gefur; allir á hættu
Þeir Aðalsteinn Jörgensen og Birkir Jón Jónsson voru funheitir í sögnum í spili fjögur, fyrstu lotu í landsleik gegn Hollendingum um miðjan maí. Hollenska parið í NS varðist gegn 3 spöðum og uppskar 100-kall en Íslendingarnir vildu meira.
Eftir opnun vesturs á hjarta og spaðasögn austurs meldaði Birkir Jón tvo tígla. Vestur svaraði makker með 2ja spaða sögn og nú er ekki alveg sjálfgefið að komast í geim með spil NS. En Birkir Jón úttektardoblaði 2 spaða til að sýna hámarkshendi fyrir innákomunni, sennilega 17 plús og þá fannst Aðalsteini (sem ekki er vanur að missa geim), sem að hann ætti vel fyrir stökki, þótt hápunktar hans væru aðeins 7 talsins. Einspilið í spaða algjört gull og Birkir Jón gerði vel í að lyfta í 5 lauf, 600 kall og 11 impar.
Þess má geta að Ísland vann leikinn gegn Hollandi, maraþonviðureign, sem lofar góðu fyrir framhaldið.
Brigesamband Íslands sendir einnig út kvennalandslið til Riga og þá fara á eigin vegum heldri spilarar. Matthías Imsland, framkvæmdastjóri Bridgesambands Íslands, segir að þáttur Einars Guðjohnsen sé stór í undirbúningi. Jón Hersir Elíasson, landsliðseinvaldur í opnum flokki, sagðist þokkalega bjartsýnn í viðtali á dögunum um að Ísland gæti náð góðum árangri.
Vonandi fylgja töfrar okkar fólki á leiðinni til Riga!
Umsjón: Björn Þorláksson, bjornthorlaksson[hjá]gmail.com
