Rætt um úrbætur í reiðvegamálum

Landssamband hestamannafélaga stendur fyrir málþingi um úrbætur í reiðvegamálum þann 14. október næstkomandi í Menntaskóla Borgarfjarðar í Borgarnesi.

 

Málþingið hefst kl. 10 á skráningu og morgunverði og lýkur um kl. 15.30–16 með samantekt og útbúinni áskorun um úrbætur í reiðvegamálum, að því er fram kemur í tilkynningu frá LH. Léttur hádegismatur verður í boði Landssambandsins. Fulltrúar reiðveganefnda hestamannafélaga eru sérstaklega hvattir til að mæta, en málþingið er öllum opið sem hafa áhuga á málaflokknum.

 

Enginn þátttökukostnaður er en tilkynna þarf þátttöku á netfangið lh@lhhestar.is  fyrir 9. október nk.

Uppskeruhátíð hestamanna í Reykjavík

 

Félag hrossabænda og Lands­samband hestamannafélaga blása til uppskeruhátíðar hestamanna laugardagskvöldið 28. október á Hilton Reykjavik Nordica. 

 

Um er að ræða kvöldverð, skemmtun og ball að því er fram kemur í tilkynningu frá LH og Fhb. Hápunktur kvöldsins er alla jafna afhending verðlauna í hinum ýmsu flokkum hestaíþrótta og ræktunar. Veislustjóri verður Atli Þór Albertsson leikari og hljómsveitin Albatross leikur fyrir dansi, með Sverri Bergmann í broddi fylkingar. 

 

Miðaverð á uppskeruhátíðina eru 11.800 kr. og fer miðasala fram gegnum netfangið meetings@icehotels.is.

 

Þá býður Hilton Reykjavík Nordica gestum uppskeruhátíðarinnar sérstakt tilboð á gistingu í takmörkuðu magni. Samkvæmt því kostar tveggja manna herbergi í eina nótt 19.900 kr. án morgunverðar. Hægt er að bæta við aukanótt fyrir kr. 15.900 kr. Hægt er að bóka gistingu í gegnum netfangið meetings@icehotels.is eða í síma 444-5029, skv. tilkynningu.

 

Heimsmeistarari ræðir þjálfun fimmgangshesta

 

Fræðslunefnd hestama­nna­félagsins Geysis boðar til fræðslufundar með heims­meistaranum Magnúsi Skúlasyni á Hótel Strakta á Hellu 13. október kl. 20. Efni fundarins verður þjálfun fimmgangshests með áherslu á þjálfun skeiðs.

 

Magnús er þaulreyndur keppnismaður í hestaíþróttum og hefur verið verðlaunaður fyrir framgöngu sína á keppnisvellinum m.a. hampað heimsmeistaratitlum í fimmgangi og skeiðgreinum. Magnús varð enn á ný heimsmeistari á síðustu heimsleikum, nú í gæðingaskeiði og í samanlögðum fimmgangsgreinum.

 

Aðgangseyrir á fræðslufundinn er 2.000 kr. en félagar í hestamannafélaginu Geysi greiða 1.500 kr. Frítt er fyrir 14 ára og yngri, að því er fram kemur í tilkynningu frá Geysi.

 

Hestamenn vilja úrbætur í reiðvegamálum.