Ólafur Þórisson í formannsframboð
Ólafur Þórisson í Miðkoti í Landeyjum Rangár þngi eystra býur sig fram til formanns hrossaræktardeildar Bændasamtaka Íslands. Ólafur segir í Facebookfærslu að þónokkrir einstaklingar hafi haft samband við sig og skorað á hann a bjóða sig fram til formanns. „Ég lifi og hrærist í hrossarækt og tengdri starfsemi og þekki starfssviðið töluvert eftir að hafa verið í félagsmálum hestamanna á mörgum sviðum. Mig langar að leggja mitt af mörkum til að sýnileiki hrossaræktarinnar í samfélaginu verði sem mestur og við munum halda áfram að þróast og fylgja þeim málefnum sem munu hjálpa hrossaræktinni að lifa og dafna sem best í framtíðinni. Virkja grasrótina, styrkja grunnstoðir og vera sýnileg á sem flestum stöðum. Hestamennska á Íslandi og úti um allan heim byggist á því að hrossarækt sé stunduð og til hennar sé vanda til verks þannig að sem flestir fái a njóta íslenska hestsins til framtíðar,“ segir Ólafur enn fremur.
Ólafur rekur ásamt konu sinni, Söru Maagaard Nielsen, hrossaræktar- og tamningarstöð í Miðkoti. Þau hjón eiga saman þrjú börn. Nanna Jónsdóttir er sem stendur formaður deildar hrossabænda hjá Bændasamtökum Íslands en hún hefur ekki gefið upp áætlanir sínar um það hvort hún bjóði sig fram til áframhaldandi setu sem formaður.
