Íslandsmeistarakeppni í matarhandverki 2014

Höfundur: smh

Dagana 12.–14. nóvember síðastliðna var sannkölluð matarmenningarhátíð haldin í Reykjavík í kringum Íslandsmeistarakeppni í matarhandverki 2014. Vörurnar voru 110 talsins og kepptu þær í átta flokkum.

Það var Matís sem hafði veg og vanda að skipulagningu viðburðanna, sem haldnir voru í tengslum við verkefnið Nýsköpun í lífhagkerfinu, sem er hluti af Norræna lífhagkerfinu (Nordbio). Það er svo þáttur í formennsku-áætlun Íslands í Norrænu ráðherranefndinni.

Í flokki kjötafurða fékk Sjónarsker gull fyrir vöruna Klett, þurrkryddaðan, saltaðan og reyktan ærkjöts-lærvöðva. Klaus Kretzer með bestu kjötafurðina.

Ákveðið var að hafa opið fyrir þátttöku framleiðenda á öllum Norðurlöndunum í keppninni. Vörurnar voru smakkaðar á miðvikudeginum 12. nóvember í húsakynnum Matís og verðlaunaafhendingin var svo daginn eftir í Norræna húsinu.

Auk keppninnar var framleiðendum boðið upp á vettvangsferðir til íslenskra smáframleiðenda á höfuðborgarsvæðinu og á Suðurlandi.

Þá var ráðstefnuhald í Norræna húsinu á undan verðlaunaafhendingunni á fimmtudeginum þar sem hægt var að fræðast um hvernig frændur okkar á Norðurlöndunum hafa stutt og markaðssett matarframleiðslu úr héraði.

Á föstudeginum var boðið upp á margvísleg námskeið og fyrirlestra fyrir smáframleiðendur og aðra áhugasama um matvælaframleiðslu.

Úrslitin urðu eftirfarandi:

Mjólkurafurðir:
Gull
Arla Unika, Sirius (ostur), Danmörk
Silfur
Den Blinde ku,
Blåmandag (ostur), Noregur
Brons
Skärvångens bymejeri, Rosalina (ostur), Svíþjóð

Kjötafurðir:
Gull
Sjónarsker, Klettur (þurrkryddaður, saltaður og reyktur lærvöðvi), Ísland
Silfur Bjarteyjarsandur, Birkireyktur bláberjavöðvi, Ísland
Brons
Bjärhus gårdsbutik, Bjärhus ölpinne (þurrkuð hrápylsa), Svíþjóð

Fiskafurðir:
Gull
Leif Sørensen, Fish chips, Færeyjar

Silfur
Sólsker, Makrílpate, Ísland

Brons
Sólsker, Heitreyktur makríll, Ísland

Ber, ávextir og grænmeti:
Gull
Útoyggjafelagið, Meadowsweet syrup, Færeyjar

Silfur
Útoyggjafelagið, Rabarbarasaft, Færeyjar

Silfur
Holt og heiðar, Rabarbarasulta með vanillu, Ísland

Bakstur:
Gull
Cum Pane ekologisk bakverkstad, Fröknäcke (hrökkbrauð), Svíþjóð

Súrdeigs bakstur:
Gull
Sandholt, Reykt graskersbrauð, Ísland

Silfur
The Coocoo's Nest, Súrdeigsbrauð, Ísland

Nýsköpun í matarhandverki:
Gull
Örtagård Öst, Skuren marmelad, Svíþjóð

Silfur
Urta Islandica, SPRETTUR-orku og úthalds jurtate fyrir íþrótta- og fjallgöngufólk, Ísland

Salt:
Gull
Saltverk, Birkireykt salt, Ísland

Silfur
Norður & Co, Norðursalt - íslenskt flögusalt, Ísland

Matarhandverk er:

Matvara, framleidd úr hráefni úr héraði með tengingu við framleiðslustað, sögu eða matargerðarhefðir héraðsins.

Matvara, framleidd og unnin staðbundið samkvæmt gildandi heilbrigðiskröfum eftir náttúrulegum ferlum, þar sem mannshöndin og handverkið nýtur sín í öllu framleiðsluferlinu.

Heimilt er að nota vélbúnað til að létta líkamlegt erfiði við framleiðsluna, en allri sjálfvirkni skal haldið í algjöru lágmarki.

Reglur:

Keppnin er opin fyrir alla matvælaframleiðendur á Íslandi og á Norðurlöndunum sem framleiða vörurnar sínar í litlum mæli.

Að minnsta kosti fjórar vörur verða að vera skráðar í hverjum keppnisflokki til að keppt verði í honum.

Öll hráefni skulu koma úr héraði eins og frekast er kostur.

Meginreglan er að aðalhráefnið sé íslenskt.

Aukaefni og hjálparefni eru ekki leyfð nema í undantekningartilfellum.

7 myndir: