Íbúafundur í kvöld á Norðurlandi vestra vegna riðu

Íbúafundur vegna riðu í Vatnsneshólfi verður haldinn í kvöld, fimmtudaginn 26. febrúar, kl. 20:30 í Félagsheimilinu á Hvammstanga þar sem farið verður yfir stöðu mála með bændum.

Í tilkynningu frá Matvælastofnun kemur fram að fulltrúar frá Matvælastofnun og atvinnuvega- og nýsköpunarráðuneytinu verði á fundinum og mun Jón Kolbeinn Jónsson, settur héraðsdýralæknir Matvælastofnunar í Norðvesturumdæmi, fara yfir málið og svara spurningum fundarmanna.  Gunnar Ríkharðsson hjá Búnaðarsambandi Húnaþings og Stranda verður fundarstjóri.