Vinsamlegast athugið að þetta efni er eldra en 1 árs.
Heldri borgarar njóta góðs af hlunnindum
Mynd / Unsplash
Fréttir 6. september 2022

Heldri borgarar njóta góðs af hlunnindum

Höfundur: Sigrún Pétursdóttir

Þeir eru ófáir ferðalangar sumarsins sem hafa rekið sig á afleiðingar manneklu flugvalla.

Þá í allmörgum tilvikum er snerta farangursflutning, en eftir faraldur Covid hafa helst til margir starfsmenn flugvallanna kosið að snúa ekki aftur í sín störf eftir fjöldauppsagnir þess tíma.

Vegna faraldurs Covid, hafa átt sér stað verulegar fjöldauppsagnir flugvallastarfsfólks síðan árið 2020 og því víða mikill skortur á vinnuafli.
Yfirmenn flugfélaga standa í burði farangurs

Ástandið er þannig víðs vegar um heiminn að ýmsir hafa þurft að stíga í hlutverk þess að ferma og afferma farangur, meira að segja stjórnarmeðlimir flugfélaga, eins og þeir hjá Qantas, einu helsta flugfélagi Ástrala.

Fréttir þess efnis bárust á vefsíður ljósvakans nýverið. Í fréttum The Guardian kemur fram sú staðreynd að einungis komist ein af hverjum tíu ferðatöskum á leiðarenda – á réttum tíma – hjá ferðalöngum Qantas þessa dagana. Vegna faraldursins, sem er enn í hápunkti þarlendis, hafa átt sér stað verulegar fjöldauppsagnir flugvallastarfsfólks síðan árið 2020 og því mikill skortur á vinnuafli.

BBC tekur undir slæma stöðu félagsins og greinir frá því að stjórn Qantas hafi lagt til að yfirmenn þess taki að sér ýmis störf næstu mánuði á borð við umsjón og hleðslu farangurs auk þjónustu flugvéla almennt.

Nýr vinkill á málið

New York Times fjallaði einnig um málið, en þó með nýjum vinkli. Þar tók fréttamaður viðtal við hjónin Mariu og Joey Boyd-Scott, konur á eftirlaunaaldri, sem sáu sér leik á borði þegar hörgull var á fólki til þess að hlaða og afferma farangur á alþjóðaflugvellinum í Ontario í San Bernardino-sýslu Kaliforníu nú í fyrravor.

Maria, sú yngri – þá sextug, gerðist þar starfsmaður á gólfi með það fyrir augum að vinna 15 klst. vikulega og öðlast í kjölfarið þau hlunnindi sem flugvallastarfmönnum United fyrirtækisins er boðið upp á.

Með þeim geta hún og eiginkona hennar ferðast ókeypis innan Bandaríkjanna á svokölluðu standby fari sem felur í sér að ef að laus sæti eru í flugvél, mega þeir sem hafa hug á, nýta sér þau að kostnaðarlausu. Svipað á við er kemur að ferðalögum utan Bandaríkjanna, en þá hljóta starfsmenn United verulegan afslátt á slíkum fargjöldum.

Í kjölfar þess að Maria festi sig í sessi sem flugvallarstarfsmaður tryggði eiginkona hennar, sem er nær sjötugu, sér hlutastarf sem móttökustúlka eins Hilton hótelanna, en starfsfríðindin þar fela í sér verulegan afslátt af hótelherbergjum keðjunnar sem eru tæplega sjö þúsund á heimsvísu.

Upplagt fyrir fólk yfir fimmtugt

Hjónin eru því vel sett þegar kemur að fríðindum er varða ferðalög og nýta sér þau til hins ýtrasta. Þau eru hluti af vaxandi hópi þarlendra eldri borgara sem ganga í stöður starfsmanna sem stigu til hliðar í faraldrinum.

Fyrir utan háan meðalaldur eiga starfsmennirnir það sameiginlegt að ásælast ferðahlunnindin og það blygðunarlaust.

Kemur fram í frétt New York Times að stjórnendur hótela og flugfélaga lítist afar vel á þessa nýju starfsmenn sína og telji þá hiklaust með áreiðanlegri og röggsamari starfsmönnum – en áætlað er að frá upphafi heimsfaraldursins hafi að minnsta kosti 65 prósent nýráðninga í þessi lægst launuðu hlunnindastörf, verið fólk yfir fimmtíu ára aldri.

Skylt efni: utan úr heimi

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...