Fundaröð ráðherra um innflutningsmálin

Kristján Þór Júlíusson, sjávarútvegs- og landbúnaðarráðherra, stendur nú fyrir fundaröð á landsbyggðinni þar sem frumvarp atvinnuvega- og nýsköpunarráðuneytisins varðandi innflutning á búvörum – þar á meðal ófrystu kjöti, hráum eggjum og ógerilsneyddri mjólk – er til umræðu. Frumvarpið liggur í Samráðsgátt stjórnvalda til umsagnar til 6. mars.

Talið er að um 250 manns hafi sótt fyrsta fundinum sem haldinn var í Þingborg í Flóa á mánudaginn en síðasti fundurinn verður haldinn í Hótel Valaskjálf Egilsstöðum þriðjudaginn 5. mars. 

Fundadagskráin er eftirfarandi:

Fimmtudagur 28. feb. kl. 12:00:   Þjóðminjasafnið, Reykjavík

Fimmtudagur 28. feb. kl. 20:00:   Félagsheimilið Hlíðarbær, Hörgársveit

Mánudagur 4. mars kl. 20:30:   Hótel Hamar, Borgarnesi

Þriðjudagur 5. mars kl. 20:00:   Hótel Valaskjálf, Egilsstöðum