Fjárréttir haustið 2014

Um langt árabil hefur Bændablaðið tekið saman lista yfir helstu fjár- og stóðréttir á landinu. Hefur sú samantekt notið mikilla vinsælda hjá lesendum blaðsins og meðal annars mikið verið nýtt af aðilum í ferðaþjónustu. 

 

Réttarlistinn í ár er birtur með töluvert breyttu sniði. Í fyrsta sinn eru réttir um landið birtar á korti sem unnið hefur verið af Ólafi Valssyni. Er það von blaðamanna að sú breyting muni skila lesendum enn betri upplýsingum, þar eð auðvelt er að glöggva sig á hvar réttir eru í hverjum landshluta á kortinu. Smellið á myndina hér til vinstri til að sjá kortið stórt (það var uppfært 10. september).

 

 

Þá var farin sú leið að senda öllum sveitarfélögum í landinu póst þar sem farið var fram á upplýsingar um réttarhald í hverju sveitarfélagi. Það vinnulag skilaði góðum árangri, í flestum tilfellum, og varð meðal annars til þess að réttum á listanum fjölgaði umtalsvert. Vanti upplýsingar um réttir inn á kortið sem nú birtist, ýmist svo að réttir vanti eða tímasetningar, er ástæðan sú að upplýsingar hafa ekki borist frá sveitarfélögunum. Eru forsvarsmenn þeirra hvattir til að hafa samband við Bændablaðið vilji þeir koma upplýsingum á framfæri og eins eru lesendur hvattir til að hafa samband við forsvarsmenn sinna sveitarfélaga telji þeir að réttir vanti inn á listann.

 

Upplýsingar um 171 fjárrétt er að finna á kortinu. Flestar eru þær á Mið-Norðurlandi, í Skagafirði og Eyjafirði, alls 33 talsins. Fyrsta rétt haustsins verður Rugludalsrétt í Blöndudal í Austur-Húnavatnssýslu en réttað verður þar laugardaginn 30. ágúst. Upplýsingar um dagsetningar annarra rétta birtast hér til hliðar, skipt eftir landshlutum en í stafrófsröð innan hvers landshluta. Listi yfir helstu stóðréttir á landinu mun birtast í næsta blaði.

 

Rétt er að minna á að villur geta slæðst inn í lista af þessu tagi og eins geta náttúruöflin orðið til þess að breyta þarf tímasetningum á smalamennsku og þar með réttarhaldi. Eru lesendur því hvattir til að hafa samband við heimamenn á hverjum stað til að fullvissa sig um réttar dag- og tímasetningar.

 

 

 

Suðvesturland

Fossvallarétt v/Lækjarbotna, sunnudaginn 21. sept. um kl. 11.00

Hraðastaðarétt í Mosfellsdal, sunnudaginn 21. sept. um kl. 13.00

Kjósarrétt í Kjós, sunnudaginn 21. sept. um kl. 15.00

Krýsuvíkurrétt, Gullbringusýslu laugardaginn 27. sept. um kl. 13.00

Þórkötlustaðarétt í Grindavík, laugardaginn 20. sept. um kl. 14.00

 

Vesturland

Arnarhólsrétt í Helgafellssveit, sunnudaginn 21. sept. um kl. 11.00

Brekkurétt í Norðurárdal, Mýr. sunnudaginn 14. sept.

Brekkurétt í Saurbæ, Dal., sunnudaginn 21. sept. um kl. 11.00

Fellsendarétt í Miðdölum, Dal., sunnudaginn 14. sept. um kl. 14.00

Flekkudalsrétt á Fellsströnd, Dal., laugardaginn 20. sept.

Fljótstungurétt á Hvítársíðu, Mýr., sunnudaginn 14. sept.

Gillastaðarétt í Laxárdal, Dal., sunnudaginn 21. sept. um kl. 12.00

Grímsstaðarétt á Mýrum, Mýr., þriðjudaginn 16. sept.

Hamrar í Grundarfirði, laugardaginn 20. sept.

Hítardalsrétt í Hítardal, Mýr. mánudaginn 15. sept.

Hornsrétt í Skorradal, Borg. sunnudaginn 14. sept.

Hólmarétt í Hörðudal, Dalabyggð, sunnudaginn 21. sept. um kl. 10.00

Kaldárbakkarétt í Kolb., Hnappadalssýslu, sunnudaginn 6. sept.

Kirkjufellsrétt í Haukadal, Dal., laugardaginn 13. sept.

Ljárskógarétt í Laxárdal, Dal., laugardaginn 13. sept.

Mýrar í Grundarfirði, laugardaginn 20. sept.

Mýrdalsrétt í Hnappadal, þriðjudaginn 23. sept.

Nesmelsrétt í Hvítársíðu, Mýr., laugardaginn 6. sept.

Núparétt á Melasveit, Borg., sunnudaginn 14. sept. um kl. 13.00

Oddsstaðarétt í Lundarreykjadal, Borg., miðvikudaginn 10. sept.

Ósrétt á Skógarströnd, Dal., föstudaginn 3. okt. um kl. 10.00

Rauðsgilsrétt í Hálsasveit, Borg., sunnudaginn 21. sept.

Reynisrétt undir Akrafjalli, Borg., laugardaginn 20. sept.

Skarðsrétt á Skarðsströnd, Dal., sunnudaginn 21. sept. um kl. 11.00

Skerðingsstaðarétt í Hvammsveit, Dal.,  sunnudaginn 21. sept. um kl. 11.00

Svarthamarsrétt á Hvalfj.str., Borg.,  sunnudaginn 14. sept. um kl. 10.00

Svignaskarðsrétt, Svignaskarði, Mýr., mánudaginn 15. sept.

Tungurétt á Fellsströnd, Dal., sunnudaginn 14. sept.

Vörðufellsrétt á Skógarströnd, Dal., laugardaginn 20. sept. um kl. 13.00

Þverárrétt Eyja- og Miklaholtshr, Snæf.,  sunnudaginn 21. sept.

Þverárrétt í Þverárhlíð, Mýr., mánudaginn 15. sept.

 

Vestfirðir

Arnardalsrétt í Arnardal í Skutulsfirði, laugardaginn 20. sept.

Eyrarrétt á Eyri í Kollafirði, Reykhólahrepp, A-Barð., laugardaginn 13. sept.

Grundarrétt í Reykhólahreppi, A-Barð., föstudaginn 19. sept.

Hjarðardalsrétt í Hjarðardal í Dýrafirði, laugardaginn 20. sept.

Hraunsrétt við Hraun í Hnífsdal í Skutulsfirði, laugardaginn 20. sept.

Innri-Múlarétt á Barðaströnd, V.-Barð., sunnudaginn 28. sept. um kl. 14.00

Kinnarstaðarrétt í Reykhólahr., A-Barð., sunnudaginn 21. sept. um kl. 11.00

Kirkjubólsrétt við Kirkjuból í Engidal í Skutulsfirði, laugardaginn 20. sept.

Kirkjubólsrétt í Steingrímsfirði, Strand., sunnudaginn 21. sept. um kl. 14.00

Kjósarrétt í Árneshreppi, Strand., laugardaginn 20. sept.

Króksfjarðarnesrétt í Reykhólasv., A-Barð., laugardaginn 20. sept.

Melarétt í Árneshreppi, Strand., laugardaginn 13. sept.

Skarðsrétt í Bjarnarfirði, Strand., laugardaginn 20. sept. um kl. 14.00 

Skeljavíkurrétt í Steingrímsfirði, Strand., laugardaginn 13. sept. um kl. 16.00 

Staðarrétt í Steingrímsfirði, Strand., sunnudaginn 14. sept. um kl. 14.00

Traðarrétt við Tröð í Bjarnardal í Önundarfirði, laugardaginn 20. sept.

 

Norðvesturland

Auðkúlurétt við Svínavatn, A.-Hún., laugardaginn 6. sept. um kl. 8.00

Fossárrétt í A-Hún.,  laugardaginn 6. sept.

Hamarsrétt á Vatnsnesi, V.-Hún., laugardaginn 13. sept.

Hlíðarrétt við Bólstaðarhlíð, A.-Hún., laugardaginn 6. sept.

Hrútatungurétt í Hrútafirði, V.-Hún., laugardaginn 6. sept. um kl. 9.00

Hvalsárrétt í Hrútafirði, Strand.,  laugardaginn 20. sept. um kl. 16.00 

Miðfjarðarrétt í Miðfirði, V.-Hún., laugardaginn 6. sept. um kl. 9.00

Rugludalsrétt í Blöndudal, A-Hún., laugardaginn 30. ágúst 

Skrapatungurétt í Laxárdal, A.-Hún., sunnudaginn 7. sept. um kl. 10.00

Stafnsrétt í Svartárdal, A.-Hún., laugardaginn 6. sept.

Undirfellsrétt í Vatnsdal, A.-Hún., föstudaginn 5. sept. um kl. 15.00 og laugardaginn 6. sept. um kl. 9.00

Valdarásrétt í Fitjárdal, V.-Hún., föstudaginn 5. sept. um kl. 9.00

Víðidalstungurétt í Víðidal, V.-Hún., laugardaginn 6. sept. um kl. 10.00

Þverárrétt í Vesturhópi, V.-Hún., laugardaginn 13. sept.

 

Mið-Norðurland

Akureyrarrétt við Hrafnsstaði, Eyf., laugardaginn 13. sept.

Árskógsrétt á Árskógsströnd, Eyf., laugardaginn 13. sept. um kl. 12.00

Deildardalsrétt í Deildardal, Skag., laugardaginn 13. sept.

Flókadalsrétt í Fljótum, Skag., laugardaginn 13. sept.

Héðinsfjarðarrétt í Héðinsfirði, föstudaginn 19. sept. og sunnudaginn 21. sept.

Hlíðarrétt í Skagafirði sunnudaginn 14. sept.

Hofsrétt í Skagafirði, laugardaginn 13. sept.

Holtsrétt í Fljótum, Skag., laugardaginn 13. sept.

Hólsrétt við Dalvík, sunnudaginn 14. sept, um kl. 16.00

Hraunarétt í Fljótum, Skag.,  fimmtudaginn 11. sept.

Hraungerðisrétt í Eyjafjarðarsveit, laugardaginn 6. sept.

Kleifnarétt í Fljótum, Skag.,  laugardaginn 6. sept.

Laufskálarétt í Hjaltadal, Skagafirði, sunnudaginn 14. sept

Mælifellsrétt í Skagafirði, sunnudaginn 7. sept.

Möðruvallarétt í Eyjafjarðarsveit, sunnudaginn 7. sept.

Ósbrekkurétt í Ólafsfirði, föstudaginn 19. sept. og laugardaginn 20. sept.

Reistarárrétt í Hörgársveit, Eyf., laugardaginn 13. sept.

Reykjarétt í Ólafsfirði, miðvikudaginn 10. sept. og fimmtudaginn 11. sept.

Sauðárkróksrétt, Skagafirði, laugardaginn 6. sept. 

Selárrétt á Skaga, Skag., laugardaginn 6. sept.

Siglufjarðarrétt í Siglufirði laugardaginn 20. sept.

Silfrastaðarétt í Blönduhlíð, Skag., mánudaginn 15. sept. um kl. 9.00

Skálárrrétt í Hrollleifsdal, Skag., laugardaginn 13. sept.

Skarðarétt í Gönguskörðum, Skag., laugardaginn 6. sept.

Staðarbakkarétt í Hörgárdal, Eyf., föstudaginn 12. sept.

Staðarrétt í Skagafirði, sunnudaginn 7. sept.

Selnesrétt á Skaga, Skag., laugardaginn 6. sept.

Stíflurétt í Fljótum, Skag.,  föstudaginn 12. sept.

Tungurétt í Svarfaðardal, sunnudaginn 14. sept um kl. 12.00

Unadalsrétt í Unadal við Hofsós, Skag. laugardaginn 13. sept.

Þorvaldsdalsrétt í Hörgársveit, Eyf., laugardaginn 13. sept.

Þórustaðarétt á Moldhaugnahálsi, Eyf., laugardaginn 13. sept.

Þverárrétt ytri, Eyjafjarðarsveit, Eyf., sunnudaginn 7. sept. um kl. 10.00

Þverárrétt í Öxnadal, Eyf., mánudaginn 15. sept.