Ekki stemning fyrir að breyta nafninu

Ekki er stemning eða áhugi á meðal heimamanna í Skeiða- og Gnúpverjahreppi að breyta nafni sveitarfélagsins samkvæmt nafnakosningu sem fór fram laugardaginn 9. janúar. 

 

Á kjörskrá voru 397. Atkvæði greiddu 209, eða 52,6 % af þeim sem voru á kjörskrá. Atkvæði féllu á þann vega að 111 kusu nafnið Skeiða- og Gnúpverjahreppur, það eru 53,11 % greiddra atkvæða. 45 kusu Þjórsárhrepp, það gera 21,53 %, 40 kusu Þjórsársveit eða 19,14 %, 8 kusu Þjórsárbyggð. Eystribyggð fékk 2 atkvæði. Þjórsárbakkar og Eystrihreppur fengu sitt atkvæðið hvort. Einn seðill var ógildur.