Bændafundur um riðurannsóknir
30. júní næstkomandi verður haldinn bændafundur um riðurannsóknirnar í Húnaveri og á Zoom. Athygli er vakin á breyttri dag- og staðsetningu.
Síðan 2021 hefur stór alþjóðlegur hópur leiðandi riðusérfræðinga unnið að því að finna brautryðjandi lausnir fyrir landið okkar - með frábærum árangri! Og ný þekking bætist enn við, til dæmis:
- Riðunæmi: Mjög ólíkir íslenskir riðustofnar „sérhæfa“ sig í ólíkum arfgerðum - einn „ljósgrænn“ breytileiki sýnir veikleika
- Umhverfissmit: Þrátt fyrir ítarlega sótthreinsun er smitálagið í mismunandi „riðufjárhúsum“ mjög misjafnt
- Og margt fleira - m.a. voru skoðuð 28 smitefni úr flestum landshlutum, bornar saman 20 riðuhjarðir frá 1997 til 2023, mælt smit í fjárhúsum á 7 mismunandi riðubæjum og rannsakaðir faraldsfræðilegir áhættuþættir.
Nýjustu niðurstöðurnar verða núna kynntar opinberlega. Christine Fast, verkefnastjóri, kemur á þriðjudagskvöld, 30. júní, í félagsheimilið Húnaver í Langadal, rétt við þjóðveg 1.
Stefanía Þorgeirsdóttir, Keldum, mætir a.m.k. á Zoom, en kannski á staðinn.
Vincent Béringue, sérfræðingur í næmismælingum, mætir á Zoom.
Karólína Elísabetardóttir verður á staðnum, þýðir jafnóðum yfir á íslensku og tekur einnig saman nokkra verkþætti.
Við byrjum kl. 18 - í boði verður léttur kvöldverður, og það verður nógur tími til að tala við Christine og hina sérfræðingana. Það má spyrja og ræða allt á milli himins og jarðar sem tengist riðu. Fundurinn hentar bæði byrjendum og lengra komnum!
Nákvæm dagskrá birtist á Facebook stuttu áður.
Fundinum verður streymt.
Upptökum verður deilt 2-3 dögum eftir fundinn.
Áhugasamir eru hvattir til að skrá sig á vefslóðinni ridaneitakk.net til að fá hugmynd um gestafjölda svo hægt sér að gera ráðstafanir með veitingar. Síðasti skráningar frestur er 29. júní, en óhætt er að mæta án þess að vera skráður.
