Vinsamlegast athugið að þetta efni er eldra en 3 ára.
Möndluflöguhjúpuð ýsa.
Möndluflöguhjúpuð ýsa.
Mynd / BGK
Matarkrókurinn 29. janúar 2021

Rauðrófubrauð, ýsa og ristaður aspas

Höfundur: Bjarni Gunnar Kristinsson

Matarmikið og gott brauð sem virkar jafn vel í morgunmat og í samlokur. Helst með miklu grænmeti og góðum osti. Gott til að fá holl næringarefni og járn úr rauðrófum sem er ofurfæða.

Rauðrófubrauð

Hráefni:

200 g súrsaðar rauðrófusneiðar (safinn þurrkaður af)

300 g hveiti

30 g dl sólblómafræ

150 g dl vatn

75 g dl dökkt brauðsíróp

120 g fínt rúgmjöl

2/3 pakki þurrger (12 g)

20 g salt

200 g brauðsúr ef hann er til (má sleppa)


Aðferð

Blandið öllum innihaldsefnum saman.

Keyrið deigið á miðlungshraða í 8 mínútur / hnoðið það hratt í 5 mínútur.

Látið deigið lyfta sér við stofuhita í 2 klukkustundir.

Smyrjið og stráið hveiti í brauðform.

Brjótið deigið saman og rúllið því í rúgmjöli.

Setjið deigið í mótið og látið það lyfta sér í 60–90 mínútur.

Hitið ofninn við 250 gráður.

Setjið í mótið, úðið vatni inn í ofninn og lækkið hitann í 190 gráður.

Bakið í um það bil 50 mínútur.

Takið brauðið úr forminu og látið það hvíla í allt að sólarhring.

Möndluflöguhjúpuð ýsa
Þetta er betri útgáfan af hinum vinsælu fiskbitum sem eru hjúpaðir stökkum hjúp. Bara heilbrigðara og bragðbetra að gera sjálfur sína „fiskifingur“. Brjótið möndlurnar í lokanlegum plastpoka með kökukefli eða stuttlega í matvinnsluvél.

Hráefni:

2 egg

2 tsk. Dijon sinnep

1/2 tsk. af salti og pipar

2 1/4 bolli möndluflögur (ristaðar og muldar)

500 g ýsa, sneiðar eða bitar, roð- og beinlaust

Sítrónubátar eða fersk steinselja (valfrjálst)

Remúlaði

3 msk. majónes

1 1/2 msk. piparrót

3 msk. ferskt estragon, saxað eða

þurrkað (1msk)

2 msk. ferskur sítrónusafi

1/4 bolli súrar gúrkur, skornar í fína teninga

Í lítilli skál, þeytið saman eggjum, sinnepi, salti og pipar. Setjið möndlur í aðra skál. Setjið ýsu í eggjablönduna, hristið af umfram egg. Svo er bitunum blandað saman við möndlurnar.

Bakið ýsubitana (fiskstrimla) á bökunarplötu með smjörpappír í 200 gráðu heitum ofni þar til fiskur brotnar auðveldlega niður í flögur, í 10 til 12 mínútur. Berið fram strax og skreytið með steinselju og sítrónubátum, ef vill.

Á meðan ýsubitarnir eru bakaðir er remúlaðið gert. Þeytið majónesið, piparrót, estragon, sítrónusafa og súrar gúrkur saman. Berið fram með ýsubitum.

Ljúffengur ristaður aspas með fullkominni auðveldri kryddblöndu og rifnum parmesanosti

1 búnt aspas (endar fjarlægðir)

2 msk. ólífuolía

1 msk. ósaltað smjör, brætt

1/2 tsk. fínt sjávarsalt, þurrkað ítalskt krydd

1/4 tsk. hvítlauksduft, pipar

1/3 bolli af pankó brauðmylsnu (eða brauðraspi )

1/3 bolli + 2 msk. nýrifinn parmesan- ostur, aðskilinn

Hitið ofninn í 200 gráður. Notið stærstu bökunarplötuna, þvoið undir köldu vatni og þurrkið alveg (gerið þetta fljótt með því að velta spjótunum á milli tveggja eldhúshandklæða). Smellið rótinni af aspasnum, hann brotnar þar sem hann er mjúkur og hendið harða endanum við rótina.

Setjið aspasspjótin beint á stóru pönnuna, penslið með ólífuolíu eða bræddu smjöri. Bætið saltinu, ítalska kryddinu, hvítlauksduftinu og piparnum saman við. Veltið þar til aspasinn er vel húðaður. Það þarf nóg af olíu eða smjöri svo pankóið og parmesan festist við; bætið við matskeið af olíu til viðbótar ef þörf krefur.

Stráið loks pankó-raspinu (asískur brauðraspur) og 1/3 bolla rifnum osti yfir. Veltið aftur varlega til að tryggja að pankóið og parmesanhúðin festist við.

Dreifið aspasnum í eitt jafnt lag; verið viss um að hann skarist ekki.

Bakið í 7–11 mínútur, eða þar til aspasinn er létt brúnaður, mjúkur og parmesanosturinn bráðnaður (þetta getur verið mismunandi eftir ofnhita og stærð aspasins). Takið úr ofninum og stráið tveimur matskeiðum af parmesanosti yfir á heitan aspasinn.

Njótið strax meðan heitt er, með góðu salati.

Hryggur um páskana
Matarkrókurinn 26. mars 2024

Hryggur um páskana

Það er nánast samofið páskunum að borða lambakjöt af einhverju tagi. Læri, hrygg...

Rasmus og Sven gera bollur
Matarkrókurinn 18. mars 2024

Rasmus og Sven gera bollur

Hakkréttir eru fín leið til að metta marga og vinsæll valkostur á heimilum lands...

Tvistað við ofurstann
Matarkrókurinn 4. mars 2024

Tvistað við ofurstann

Djúpsteiktur kjúklingur, sem flestir þekkja í gegnum ofursta nokkurn frá Kentuck...

Reykt ýsa, blaðlaukur og kartöflur
Matarkrókurinn 19. febrúar 2024

Reykt ýsa, blaðlaukur og kartöflur

Hvernig passar blaðlaukur, reykt ýsa og kartöflur saman? Jú barasta prýðilega, t...

Boli & brokkólí
Matarkrókurinn 31. janúar 2024

Boli & brokkólí

Nautakjöt og brokkólí er klassískur asísk-amerískur réttur sem á sennilega ættir...

Mátulega hátíðlegur ís
Matarkrókurinn 21. desember 2023

Mátulega hátíðlegur ís

Það er nær ómögulegt að fá alvöru rjómaís út úr búð á Íslandi og hvað þá úti í í...

Reykt ýsa
Matarkrókurinn 13. desember 2023

Reykt ýsa

Skammdegið með sínum kulda og myrkri kallar á ögn þyngri mat en annar tími ársin...

Buff í brúnni
Matarkrókurinn 23. nóvember 2023

Buff í brúnni

Kíló fyrir kíló og krónu fyrir krónu er nautahakkið sennilega fjölbreyttasta pró...