Vinsamlegast athugið að þetta efni er eldra en 7 mánaða.
Blómaskreytingar 1: Hluti af nemendahópnum á blómaskreytingabraut, sem sótti heimsmeistaramótið.
Blómaskreytingar 1: Hluti af nemendahópnum á blómaskreytingabraut, sem sótti heimsmeistaramótið.
Mynd / Aðsendar
Líf og starf 21. nóvember 2023

Heimsmeistaramót í blómaskreytingum

Höfundur: Magnús Hlynur Hreiðarsson

Nemendur í blómaskreytingum hjá Fjölbrautaskóla Suðurlands fóru ásamt kennurum og fagmönnum á heimsmeistarakeppnina í blómaskreytingum í Manchester í Englandi í byrjun september.

Blómaskreytingakennararnir Bryndís Eir Þorsteinsdóttir (t.h.) og Valgerður Jóndís Guðjónsdóttir.

„Tilgangur ferðarinnar var fyrst og fremst að njóta og læra af þeim snillingum sem þarna voru að keppa í blómaskreytingum. Alls voru keppendur frá 20 löndum og fór keppnin þannig að Þýskaland lenti í fyrsta sæti, Noregur í öðru sæti og Bretland í þriðja sæti. Íslendingar hafa aldrei keppt í þessari keppni en vonandi munum við senda frá okkur fulltrúa einn daginn,“ segir Bryndís Eir Þorsteinsdóttir, blómaskreytingakennari. Þátttakendur í ferðinni voru tólf, tveir kennarar, sjö nemendur og þrír blómaskreytar, sem vinna í faginu hér heima.

Mikið lagt í umgjörð keppninnar

Heimsmeistaramótið Interflora er stærsti alþjóðlegi viðburður í heimi blómaskreytinga. Mótið hefur verið haldið á nokkurra ára fresti víðs vegar um heiminn allt frá árinu 1972. Fyrirtækið Interflora átti 100 ára afmæli á þessu ári og var því mikið lagt í skreytingar og umgjörð keppninnar, auk þess sem þetta var í fyrsta skipti sem keppnin var opin bæði fagfólki og almenningi.

„Um 600 manns sóttu heimsmeistaramótið. Keppnin sjálf stóð í þrjá daga og þurftu keppendur að gera þrjú undirbúin verkefni og þrjú óundirbúin. Þarna reyndi heldur betur á keppendur að vera fljótir að hugsa og að ná að vinna verkefnin á skömmum tíma,“ segir Bryndís Eir.

Njóta og læra

Bryndís segir ferðina hafa verið ákaflega lærdómsríka. „Það var til dæmis magnað að sjá hvað margir keppenda hugsuðu langt út fyrir boxið í efnisvali og komu fram með nýstárlegar og eiginlega ótrúlegar hugmyndir. Nemendur og við kennararnir vorum hæstánægð með ferðina, áttum þarna frábæra daga sem skilja svo sannarlega eftir sig svimandi háa innistæðu í minningabankanum,“ segir Bryndís Eir alsæl.

Blómabransinn hefur breyst mikið

Þegar Bryndís Eir er spurð út í gildi og mikilvægi blómaskreytingabraut­ arinnar er hún fljót til svars.

„Blómaskreytar sinna mjög fjölbreyttu starfi og útbúa skreytingar fyrir viðskiptavini sína við alla helstu viðburði lífsins, frá vöggu til grafar og alls þess á milli. Starfið er mjög gefandi og skemmtilegt og margir möguleikar í boði, hvort sem fólk vill vinna í blómabúð eða taka að sér sjálfstæð verkefni. Blómabransinn hefur breyst mikið á stuttum tíma, fólk vill hafa meira af blómum í kringum sig, hvort sem það er á vinnustað, heima við, við opinbera viðburði eða viðburði í einkalífinu, svo sem brúðkaup og fleira. Það hefur líka verið mjög vinsælt hjá erlendu fólki að gifta sig á Íslandi og það er stór og vaxandi markaður sem blómaskreytar sinna.“

Blómaskreytinganámið í Garð­yrkjuskólanum, sem nú heyrir undir Fjölbrautaskóla Suðurlands, er tveggja ára nám, auk 60 vikna verknáms í faginu. Þennan veturinn eru sjö nemendur á brautinni og aðalkennarar brautarinnar eru þær Bryndís Eir, sem er námsbrautarstjóri og Valgerður Jóndís Guðjónsdóttir blómaskreytir.

Hluti af hópnum með heimsmeistaranum í blómaskreytingum 2023, Nicolaus Peters frá Þýskalandi.

Innan um blóm alla daga

Bryndís Eir er að lokum innt eftir hennar skoðun á framtíð brautarinnar, hvernig hún sjái hana. „Við Valgerður segjum alltaf að lífið sé skemmtilegra með blómum. Blómin gefa frá sér orku, fegurð og gleði og það er ekki hægt að hugsa sér betri vinnu en að vera innan um blóm alla daga. Svo viljum við koma því sérstaklega á framfæri að það er eingöngu jákvætt, hláturmilt og skemmtilegt fólk sem vinnur með blóm. Þetta er ekki úr lausu lofti gripið, við erum sannfærðar um að ef gerðar væru vísindalegar rannsóknir á þessu þá yrði niðurstaðan þessi: Blómum fylgir hamingja og gleði. Það er allavega gleði og hlátur alla daga á blómaskreytingabrautinni, sem ómar um skólabygginguna og bergmálar í Reykjafjallinu.“

 

Stjörnuspá vikunnar
Líf og starf 15. júlí 2024

Stjörnuspá vikunnar

Vatnsberinn er eitthvað órór þessa dagana enda einhver stífla á verkefnum í krin...

Gerum okkur dagamun
Líf og starf 12. júlí 2024

Gerum okkur dagamun

Nú er ekki seinna vænna en að fara að leggja línurnar fyrir sumarið og með það t...

Bænder
Líf og starf 12. júlí 2024

Bænder

Sumir fara á Tinder. Aðrir hafa ekki tíma í slíkt vegna anna í búskapnum. Hér, k...

Vættafundur á Eyjabökkum
Líf og starf 10. júlí 2024

Vættafundur á Eyjabökkum

Orðsins list kemur að þessu sinni frá Oddbjörgu Sigfúsdóttur.

Sumarkveðja
Líf og starf 10. júlí 2024

Sumarkveðja

Nú þegar lífið kviknar með sumrinu og golan leikur við kinn, skulum við gleðjast...

Himbrimi
Líf og starf 9. júlí 2024

Himbrimi

Himbrimi er nokkuð stór vatnafugl og er einn af einkennisfuglum íslenskra heiðav...

Sumarsveiflan 2024
Líf og starf 8. júlí 2024

Sumarsveiflan 2024

Áherslur tískunnar fara nokkuð vítt og breitt þetta árið en nú þegar er farið að...

Dugur og elja ofar öllu
Líf og starf 8. júlí 2024

Dugur og elja ofar öllu

Eitt þeirra mætu kvenfélaga sem hér á landi sitja er Kvenfélag Hringsins sem hef...

Farsæll áhugaræktandi
15. júlí 2024

Farsæll áhugaræktandi

Bænder
12. júlí 2024

Bænder

Skammur aðdragandi að sölunni
11. júlí 2024

Skammur aðdragandi að sölunni

Magnað Landsmót 2024
12. júlí 2024

Magnað Landsmót 2024

Stjörnuspá vikunnar
15. júlí 2024

Stjörnuspá vikunnar