Vinsamlegast athugið að þetta efni er eldra en 1 árs.
Fallegir sokkar úr Drops Nord
Hannyrðahornið 19. júlí 2022

Fallegir sokkar úr Drops Nord

Höfundur: Handverkskúnst, www.garn.is

Sokkarnir eru prjónaðir með stroffprjóni og fölskum köðlum úr Drops Nord. Garnið verður á 30% afslætti hjá okkur frá 8.-31. júlí.

Skóstærð: 35/37 (38/40) 41/43

Lengd fótar: ca 22 (24) 27 cm.

Hæð á sokk niður að hæl: ca 12 cm í öllum stærðum.

Garn: DROPS NORD (fæst í Handverkskúnst) 100 (100) 100 g, litur á mynd nr 18, gulur

Prjónfesta: 26 lykkjur með sléttu prjóni = 10 cm. Prjónar: sokkaprjónar nr 2,5

Mynstur: Sjá mynsturteikningu A.1 og A.2.

Hælúrtaka

UMFERÐ 1 (= rétta): Prjónið sléttar lykkjur þar til 8 (8) 9 lykkjur eru eftir, lyftið næstu lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð, snúið stykkinu.

UMFERÐ 2 (= ranga): Prjónið brugðnar lykkjur þar til 8 (8) 9 lykkjur eru eftir, lyftið næstu lykkju eins og prjóna eigi brugðið, prjónið 1 lykkju brugðið, steypið lyftu lykkjunni yfir lykkjuna sem var prjónuð, snúið stykkinu.

UMFERÐ 3 (= rétta): Prjónið sléttar lykkjur þar til 7 (7) 8 lykkjur eru eftir, lyftið næstu lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð, snúið stykkinu.

UMFERÐ 4 (= ranga): Prjónið brugðnar lykkjur þar til 7 (7) 8 lykkjur eru eftir, lyftið næstu lykkju eins og prjóna eigi brugðið, prjónið 1 lykkju brugðið, steypið lyftu lykkjunni yfir lykkjuna sem var prjónuð, snúið stykkinu.
Haldið áfram með úrtöku alveg eins með því að prjóna þar til eftir er 1 lykkja færri áður en 1 lykkju er lyft af prjóni, þar til 13 (15) 17 lykkjur eru eftir á prjóni.

ÚRTAKA-2 (á við um tá):

Prjónið þar til 3 lykkjur eru eftir á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa tveggja lykkja), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri við prjónamerki og alls 4 lykkjur færri í umferð).

SOKKUR: Fitjið upp 66 (68) 72 lykkjur á sokkaprjóna 2,5 með Nord. Byrjun á umferð = mitt að aftan. Prjónið 1 umferð slétt. Næsta umferð er prjónuð þannig: *1 lykkja brugðið, 1 lykkja slétt*, prjónið frá *-* yfir fyrstu 14 (14) 16 lykkjur, prjónið A.1 (= 39 lykkjur), *1 lykkja slétt, 1 lykkja brugðið*, prjónið frá *-* yfir næstu 12 (14) 16 lykkjur og endið með 1 lykkja slétt. Haldið svona áfram með stroffprjón þar til A.1 hefur verið prjónað til loka. Fækkið um 2 lykkju í síðustu umferð í mynsturteikningu A.1 = 64 (66) 70 lykkjur. Stykkið mælist ca 3 cm. Næsta umferð er prjónuð þannig: Prjónið stroffprjón eins og áður yfir fyrstu 14 (14) 16 lykkjur, prjónið A.2 (= 37 lykkjur) og prjónið stroffprjón eins og áður yfir þær 13 (15) 17 lykkjur sem eftir eru. Haldið svona áfram með mynstur þar til stykkið mælist 12 cm í öllum stærðum. Prjónið nú hæl þannig: Haldið eftir fyrstu 14 (14) 16 lykkjur og síðustu 13 (15) 17 lykkjur á prjóni fyrir hæl = 27 (29) 33 hællykkjur. Setjið þær 37 lykkjur sem eftir eru mitt á fæti á þráð eða látið þær hvíla á prjóni. Prjónið stroffprjón eins og áður fram og til baka yfir hællykkjur og fitjið jafnframt upp 1 nýja lykkju í hvorri hlið í fyrstu umferð (= kantlykkjur) = 29 (31) 35 hællykkjur.

Prjónið þar til hællinn mælist 5 (51⁄2) 6 cm og fellið jafnframt af 1 kantlykkju í hvorri hlið í síðustu umferð = 27 (29) 33 hællykkjur. Setjið 1 prjónamerki mitt í síðustu umferð – prjónamerkið er notað síðar til að mæla lengd á fæti frá. Prjónið

HÆLÚRTAKA – sjá útskýringu að ofan. Eftir hælúrtöku er næsta umferð prjónuð þannig: Prjónið sléttprjón yfir 13 (15) 17 hællykkjur, prjónið upp 13 (14) 16 lykkjur meðfram hlið á hæl innan við 1 kantlykkju, setjið 1 prjónamerki, prjónið A.2 eins og áður yfir 37 lykkjur ofan á fæti, setjið 1 prjónamerki og prjónið upp 13 (14) 16 lykkjur meðfram hinni hlið á hæl innan við 1 kantlykkju = 76 (80) 86 lykkjur. Haldið svona áfram með mynstur með A.2 ofan á fæti og sléttprjón yfir þær lykkjur sem eftir eru undir fæti. JAFNFRAMT er lykkjum fækkað núna hvoru megin við 37 lykkjur á milli prjónamerkja á fæti þannig: Prjónið 2 síðustu lykkjur á undan fyrra prjónamerki á fæti snúnar slétt saman og prjónið 2 fyrstu lykkjur á eftir seinna prjónamerki á fæti slétt saman.

Fækkið lykkjum svona í annarri hverri umferð alls 12 (12) 13 sinnum = 52 (56) 60 lykkjur.

Prjónið áfram þar til stykkið mælist ca 17 (19) 21 cm undir fæti frá prjónamerki á hæl (nú eru eftir ca 5 (5) 6 cm til loka máls, mátið e.t.v. sokkinn og prjónið að óskaðri lengd). Takið frá öll prjónamerkin í stykkinu og setjið 1 nýtt prjónamerki í hvora hlið á sokknum þannig að það verða 26 (28) 30 lykkjur bæði ofan á fæti og undir fæti. Prjónið sléttprjón hringinn og fækkið lykkjum fyrir tá hvoru megin við bæði prjónamerkin – sjá ÚRTAKA (= 4 lykkjur færri). Fækkið lykkjum svona í annarri hverri umferð alls 7 (6) 8 sinnum og síðan í hverri umferð alls 4 (6) 5 sinnum = 8 lykkjur eftir í öllum stærðum.

Klippið þráðinn frá, þræðið í gegnum þær lykkjur sem eftir eru, herðið á þræði og festið vel. Sokkurinn mælist ca 22 (24) 27 cm undir fæti frá prjónamerki á hæl. Prjónið hinn sokkinn alveg eins.

Skylt efni: sokkar | garn

Létt pils fyrir sumarið
Hannyrðahornið 19. mars 2024

Létt pils fyrir sumarið

Létt og skemmtilegt pils prjónað úr Drops Safran. Nýttu þér 30% bómullarafslátti...

Baldur
Hannyrðahornið 5. mars 2024

Baldur

Stærðir: S M L XL

Þykk og góð hipsterhúfa
Hannyrðahornið 20. febrúar 2024

Þykk og góð hipsterhúfa

Fljótprjónuð húfa úr DROPS Snow á prjóna númer 7. Snow er ullargarn sem fæst í 5...

Yrja vettlingar
Hannyrðahornið 6. febrúar 2024

Yrja vettlingar

EFNI: 75g Hörpugull og sauðalitaður þingborgarlopi – undið tvöfalt

Kaðlasmekkur fyrir litlu krílin
Hannyrðahornið 23. janúar 2024

Kaðlasmekkur fyrir litlu krílin

Prjónaður smekkur fyrir börn úr DROPS Safran. Stykkið er prjónað fram og til bak...

Jólahúfa
Hannyrðahornið 19. desember 2023

Jólahúfa

Ein stærð

Jólakósí
Hannyrðahornið 11. desember 2023

Jólakósí

Prjónuð flöskuhulstur úr DROPS Nepal

Lopagleði
Hannyrðahornið 27. nóvember 2023

Lopagleði

Lopagleði er sjal eða teppi og passar á alla! Hún nýtist á svölum sumarkvöldum í...