Vinsamlegast athugið að þetta efni er eldra en mánaðar gamalt.
Haustlitirnir eru yndislega fallegir.
Haustlitirnir eru yndislega fallegir.
Umhverfismál og landbúnaður 1. október 2021

Haustgróðursetning

Höfundur: Guðríður Helgadóttir

Margir standa í þeirri kolröngu trú að þegar haustar eigi að forðast garðvinnu eins og heitan eldinn.
Það er af og frá. Haustið er einmitt tíminn þegar fagfólk í garðyrkju fer á stúfana og gróður­setur alls konar plöntur enda er þetta fagfólk, veit sínu viti og framkvæmir eftir því.

Græða marga daga

Haustgróðursetning plantna getur farið fram allt þar til jörðin er orðin svo gaddfreðin að ekki er nokkur einasti möguleiki á að stinga niður skóflu. Ýmsir kostir eru við það að koma plöntum í jörðina á haustin. Plönturnar, sem annaðhvort eru komnar í haustlit eða búnar að fella blöð, eru komnar í dvala og það skiptir þær ákaflega litlu máli hvort dvalartíminn fer fram inni í gróðrarstöð eða úti í garði.

Síðustu hlýju daga haustsins nýta plönturnar til að setja út rótakerfi og undirbúa sig þannig fyrir næsta sumar en ræturnar geta haldið áfram vexti á meðan jarðvegurinn er hæfilega hlýr. Næsta vor lifna þær samviskusamlega um leið og frost fer úr jörðu og sólin tekur að hækka á lofti og ef plönturnar eru þá á beði ná þær að koma sér vel fyrir og jafnvel hefja vöxt, áður en garðeigandinn er kominn í gróðursetningarstuðið. Þannig græða þær marga daga og jafnvel nokkrar vikur á endanlega vaxtarstaðnum og geta glatt garðeigandann enn lengur en ella.

Um að gera að nýta sér haustið

Það fer nú varla framhjá nokkrum manni að haustið er gjarnan votviðrasamt, miklu blautari árstíð en vorið og upphaf sumars og er það mikill kostur fyrir nýgróðursettar plöntur því ekki þarf að hafa áhyggjur af vökvuninni, veðurguðirnir sjá um það fyrir ræktendur.

Ungar plöntur sem gróðursettar eru að vori eiga oft erfitt uppdráttar vegna þurrkatíðar og vökvunarskorts. Með haustgróðursetningu er vökvunarþátturinn ekki eins krítískur. Að sjálfsögðu þarf að útbúa haustgróðursettar plöntur með áburði eins og aðrar plöntur og er best að setja vel af búfjár­áburði eða moltu með plöntunum.

Sá áburður brotnar hægt niður yfir veturinn en með hækkandi hitastigi að vori hefst niðurbrotið og áburðurinn verður aðgengilegur plöntunum. Um vorið má líka alveg skvetta nokkrum áburðarkornum með plöntunum ef garðeigandinn telur þörf á því, miðað við jarðvegsgerð og plöntutegund.
Garðyrkjustöðvar eru oft með opið hjá sér langt fram eftir haustinu og um að gera að nýta sér þennan möguleika, skutla niður í garðinn nokkrum runnum, trjám eða fjölæringum um leið og haustlaukarnir eru settir niður. Það er ávísun á að næsta sumar verði litríkt og blómlegt.

Skylt efni: Garðyrkja | Haustlitir

Líf og fjör í lotuviku á Reykjum
Umhverfismál og landbúnaður 18. október 2021

Líf og fjör í lotuviku á Reykjum

Nú er nýafstaðin verkefnavika á Garðyrkjuskólanum á Reykjum.

Haustgróðursetning
Umhverfismál og landbúnaður 1. október 2021

Haustgróðursetning

Margir standa í þeirri kolröngu trú að þegar haustar eigi að forðast garðvinnu e...

Krýsi - tryggðablóm - prestafífill
Umhverfismál og landbúnaður 20. september 2021

Krýsi - tryggðablóm - prestafífill

Krýsi er skrýtið orð en það hefur náð að festa sig nokkuð vel í sessi í málinu. ...

Verndun erfðafjölbreytileika til kynbóta
Umhverfismál og landbúnaður 17. september 2021

Verndun erfðafjölbreytileika til kynbóta

Villtar erfðalindir ræktaðra nytjaplantna eru tegundir plantna sem eru formæður ...

Heimsmarkaðsverð í hættu
Umhverfismál og landbúnaður 23. ágúst 2021

Heimsmarkaðsverð í hættu

Verð á Arabica kaffi hækkaði um tíu prósent nýverið, til viðbótar tuttugu prósen...

Angus holdanaut frá NautÍs fædd 2020
Umhverfismál og landbúnaður 21. júlí 2021

Angus holdanaut frá NautÍs fædd 2020

Hér er nú kynntur þriðji árgangur Angus-holdanauta frá Nautgripa­ræktarmiðstöð Í...

Nautaárgangurinn 2016 haslar sér völl
Umhverfismál og landbúnaður 21. júlí 2021

Nautaárgangurinn 2016 haslar sér völl

Nýtt kynbótamat var keyrt núna í júní að loknu maíuppgjöri og því ekki úr vegi a...

Fljótandi fjós
Umhverfismál og landbúnaður 12. júlí 2021

Fljótandi fjós

Á ársfundi IDF (International Dairy Federation), sem eru sam­tök bænda og úrvinn...