Vinsamlegast athugið að þetta efni er eldra en 3 ára.
Af hverju er skyndihjálparnámskeið ekki reglulega á fleiri vinnustöðum, hjá félagasamtökum og í skólum?
Af hverju er skyndihjálparnámskeið ekki reglulega á fleiri vinnustöðum, hjá félagasamtökum og í skólum?
Umhverfismál og landbúnaður 30. janúar 2018

Ég læri fyrir þig og þú lærir fyrir mig

Höfundur: Hjörtur L. Jónsson
Það var ánægjuleg lesning um Erlu Björgu Ástvaldsdóttur á Neðri-Hjarðardal í Dýrafirði sem kosin var manneskja ársins 2017 af lesendum Bæjarins besta á Ísafirði. 
 
Erla Björg hafði bjargað bónda sínum í byrjun sauðburðar síðastliðið vor þegar hann fékk hjartaáfall. Sú kunnátta sem kennd er á skyndihjálparnámskeiðum kom Erlu Björgu að miklu gagni (samkvæmt hennar orðum í viðtali við Bæjarins besta).
 
Alltaf þegar svona fréttir heyrast af nauðsyn þess að sem flestir fari á skyndihjálparnámskeið vakna spurningar um af hverju skyndihjálparnámskeið séu ekki á fleiri vinnustöðum, félagasamtökum og skólum. Sjálfur er ég í ferða- og útivistarfélagi þar sem árlega er haldið skyndihjálparnámskeið með einkunnarorðunum: Ég læri fyrir þig og þú fyrir mig.
 
Gramdist að sá sjúkrabíll sem næstur var kom ekki
 
Í samtalinu við Bæjarins besta sagði Erla Björg að henni hefði gramist að sá sjúkrabíll sem næst henni var kom ekki vegna þess að ekki var hægt að manna hann. Ég vil taka undir hennar orð og gremst mér líka og þetta er eitthvað sem má ekki klikka þegar mannslíf eru í húfi. Að búa í dreifbýli þar sem bið eftir sjúkrabíl getur verið yfir 30 mínútur þurfa þeir sem búa við svoleiðis aðstæður að huga vel að heilsu og áhættu með reglulegri læknisskoðun. Það er víðar en á Vestfjörðum að sjúkrabíllinn er of lengi á leiðinni á áfangastað. Sem dæmi þá er umferðarþungi svo mikill á Suðurlandi nokkra daga á sumrin þegar 2–3 skemmtiferðaskip eru í Reykjavíkurhöfn og megninu af farþegunum er ekið svokallaðan „Gullna hring“.
Á slíkum dögum þyrfti helst að vara fólk sem býr nálægt Gullfossi og Geysi við yfirvofandi umferð. Þá væru hjartaáföll og slys ábúenda í sveitunum með öllu bönnuð á þessum umferðarálagsdögum.
 
Verðlauna mætti oftar fólk eins og Erlu Björgu
 
Ég vil misnota aðstöðu mína sem pistlahöfundur hér og óska Erlu Björgu Ástvaldsdóttur á Neðra-Hjarðardal til hamingju með nafnbótina sem manneskja ársins á Vestfjörðum 2017, enda vel að titlinum komin. Of sjaldan er fólk sem hjálpar og gefur af sér verðlaunað nægilega samanber hjálparsveitir. Þegar verið er að horfa til baka og velja mann ársins þá finnst mér að þau sem gefa af sér til annarra ættu að fá verðlaunin. Samanber verðlaun Bæjarins besta sem fóru til Erlu Bjargar, konu sem gaf svo vel af sér að hún bjargaði mannslífi.
Úttekt á fyrirtækjum í viðskiptum við tollabandalag Evrasíu
Umhverfismál og landbúnaður 16. október 2020

Úttekt á fyrirtækjum í viðskiptum við tollabandalag Evrasíu

Til stendur að hefja sérstakar úttektir hérlendis hjá fyrirtækjum sem vilja stun...

Sumarherferðir norsku bændasamtakanna vekja athygli
Fréttir 25. ágúst 2020

Sumarherferðir norsku bændasamtakanna vekja athygli

Norsku bændasamtökin keyra um þessar mundir tvær sumar­herferðir fyrir norska bæ...

Öll þök skulu vera græn
Umhverfismál og landbúnaður 8. apríl 2020

Öll þök skulu vera græn

Íbúar og yfirvöld í Utrecht í Hollandi ætla kerfisbundið að vinna í því að gera ...

Námsbraut um lífræna ræktun matjurta á Reykjum
Umhverfismál og landbúnaður 11. mars 2020

Námsbraut um lífræna ræktun matjurta á Reykjum

Framleiðsla líf­rænt ræktaðra mat­væla hefur farið mjög vaxandi á undan­förnum á...

Björguðu sjaldgæfum woolemi-furum
Umhverfismál og landbúnaður 17. febrúar 2020

Björguðu sjaldgæfum woolemi-furum

Gróðureldarnir sem geisað hafa í Ástralíu undanfarna mánuði hafa valdið gríðarle...

Hver eru áhrif ryks frá Íslandi á loftslag heimskautasvæða?
Umhverfismál og landbúnaður 13. febrúar 2020

Hver eru áhrif ryks frá Íslandi á loftslag heimskautasvæða?

Ryk í andrúmsloftinu á sér fjölbreyttan uppruna en oftast er það sett í samhengi...

Rannsókn á viðhorfi almennings til torfhúsa
Umhverfismál og landbúnaður 6. ágúst 2019

Rannsókn á viðhorfi almennings til torfhúsa

Þjóðminjasafn Íslands hefur sent út spurningaskrá um viðhorf almennings til torf...

Bændur geta haft margvíslegan hag af náttúruverndarstörfum
Umhverfismál og landbúnaður 5. júlí 2019

Bændur geta haft margvíslegan hag af náttúruverndarstörfum

Ráðgjafarmiðstöð landbúnaðar­ins hefur umsjón með verk­efninu Landbúnaður og nát...