Vinsamlegast athugið að þetta efni er eldra en 1 ára.
Einungis 200 villtar wollemi-furur finnast í gili í samnefndum þjóðgarði í Ástralíu. Mynd / https://www.npr.org.
Einungis 200 villtar wollemi-furur finnast í gili í samnefndum þjóðgarði í Ástralíu. Mynd / https://www.npr.org.
Umhverfismál og landbúnaður 17. febrúar 2020

Björguðu sjaldgæfum woolemi-furum

Höfundur: Vilmundur Hansen

Gróðureldarnir sem geisað hafa í Ástralíu undanfarna mánuði hafa valdið gríðarlegum skemmdum og dauða bæði manna og dýra. Eldarnir hafa einnig valdið ofboðslegum gróðurspjöllum en í flestum tilfellum er talið að gróðurinn muni jafna sig á nokkrum árum.

Um tíma höfðu menn áhyggjur af því að eini villti lundurinn af wollemi-furum, Wollemia nobilis, myndi verða eldinum að bráð en slökkviliðsmönnum tókst að bjarga honum. Lundurinn sem um ræðir er í þjóðgarði sem kenndur er við furuna og kallast Wollemi National Park.

Tegundin var talin útdauð

Mikil áhersla var á að bjarga furunum þar sem Wollemi-þjóðgarðurinn er eini staðurinn í heimi þar sem tegundin vex villt. Einungis er vitað um 200 wollemi-furur í þjóðgarðinum og vaxa þær allar í sama gilinu. Reyndar eru trén það sjaldgæf að fram til 1994 var talið að það væri útdautt, eða þar til fururnar fundust í Ástralíu.

Trén eru ekki bara merkileg fyrir það hversu sjaldgæf þau eru því að tegundin var upp á sitt besta á tíma risaeðlnanna fyrir um 35 til 65 milljónum ára.

Miklu kostað til og árangurinn góður

Björgunaraðgerðin var viðamikil og fólst meðal annars í því að flytja vatn með þyrlum og bleyta upp jarðveginn í kringum gilið þar sem fururnar vaxa og draga þannig úr líkum á að eldurinn kæmist að trjánum. Auk þess sem slökkviliðsmennirnir dreifðu eldhemjandi efnum umhverfis trén og héldu þeim blautum á meðan mesta eld­hættan gekk yfir.

Woolemi-fura í Kew-grasa­garðinum í London. Mynd / VH

 

Sjónarvottar segja að reykurinn í gilinu hafi verið svo mikill fyrst eftir að eldurinn fór í gegnum það að ekki hafi sést hvort björgunaraðgerðin hefði heppnast. Eftir að rofaði til ætluðu menn vart að trúa sínum eigin augum því einungis tvö tré höfðu orðið eldinum að bráð og nokkur önnuð sviðnað lítil­lega. 

Úttekt á fyrirtækjum í viðskiptum við tollabandalag Evrasíu
Umhverfismál og landbúnaður 16. október 2020

Úttekt á fyrirtækjum í viðskiptum við tollabandalag Evrasíu

Til stendur að hefja sérstakar úttektir hérlendis hjá fyrirtækjum sem vilja stun...

Sumarherferðir norsku bændasamtakanna vekja athygli
Fréttir 25. ágúst 2020

Sumarherferðir norsku bændasamtakanna vekja athygli

Norsku bændasamtökin keyra um þessar mundir tvær sumar­herferðir fyrir norska bæ...

Öll þök skulu vera græn
Umhverfismál og landbúnaður 8. apríl 2020

Öll þök skulu vera græn

Íbúar og yfirvöld í Utrecht í Hollandi ætla kerfisbundið að vinna í því að gera ...

Námsbraut um lífræna ræktun matjurta á Reykjum
Umhverfismál og landbúnaður 11. mars 2020

Námsbraut um lífræna ræktun matjurta á Reykjum

Framleiðsla líf­rænt ræktaðra mat­væla hefur farið mjög vaxandi á undan­förnum á...

Björguðu sjaldgæfum woolemi-furum
Umhverfismál og landbúnaður 17. febrúar 2020

Björguðu sjaldgæfum woolemi-furum

Gróðureldarnir sem geisað hafa í Ástralíu undanfarna mánuði hafa valdið gríðarle...

Hver eru áhrif ryks frá Íslandi á loftslag heimskautasvæða?
Umhverfismál og landbúnaður 13. febrúar 2020

Hver eru áhrif ryks frá Íslandi á loftslag heimskautasvæða?

Ryk í andrúmsloftinu á sér fjölbreyttan uppruna en oftast er það sett í samhengi...

Rannsókn á viðhorfi almennings til torfhúsa
Umhverfismál og landbúnaður 6. ágúst 2019

Rannsókn á viðhorfi almennings til torfhúsa

Þjóðminjasafn Íslands hefur sent út spurningaskrá um viðhorf almennings til torf...

Bændur geta haft margvíslegan hag af náttúruverndarstörfum
Umhverfismál og landbúnaður 5. júlí 2019

Bændur geta haft margvíslegan hag af náttúruverndarstörfum

Ráðgjafarmiðstöð landbúnaðar­ins hefur umsjón með verk­efninu Landbúnaður og nát...