Vinsamlegast athugið að þetta efni er eldra en 4 ára.
Kúabændur - styðjum samkomulagið
Skoðun 26. nóvember 2019

Kúabændur - styðjum samkomulagið

Höfundur: Guðmundur Bjarnason, bóndi á Svalbarði
Guðmundur Bjarnason.

Nú liggur fyrir samkomulag um endurskoðun samnings okkar kúabænda. Við skoðun virðist þetta vel unnið og í samræmi við umræður og þá línu sem lögð var á aðalfundi LK síðastliðið vor, sem undirritaður sat. Því á ég erfitt með að skilja uppþotið sem hefur orðið í kringum þetta samkomulag. Vissulega hefði ég viljað sjá að við næðum öllum okkar kröfum í gegn, þá sérstaklega hvað varðar hámarksverð á kvótamarkaði.

Kúabændur kusu kvótann áfram

Undirskriftarlistinn sem okkur kúabændum var boðið að skrifa undir hér fyrir nokkrum dögum skildi ég ekki öðruvísi en hvatningu til okkar fólks að freista þess að ná fram skýrari línum í ákveðnum atriðum og er ekkert athugavert við það. Mér þykir mjög miður að atkvæðagreiðslunni hafi verið frestað enda flest þau atriði, sem ég og fleiri teljum að megi vera skýrari, verða unnin í gegnum komandi reglugerðarvinnu. Það kom mér á óvart að í kjölfarið myndu vakna upp gamlir draugar sem finna allt að kvótakerfinu, sérstaklega eftir að 89,4% kúabænda kusu kvótann áfram í vor

Gildistaka um áramót lykilatriði

Ég hef áhyggjur af því hvernig umræðan virðist vera að þróast. Einhverjir tala jafnvel um hálfklárað verk, en ég get ekki litið svo á. Veigamiklar og nauðsynlegar breytingar eru staðfestar í samkomulaginu, breytingar sem ég met að verði að taka gildi um áramót, annars er óvissa greinarinnar orðin nokkuð mikil enn og aftur. Ef að endurskoðaður samningur hefur ekki tekið gildi um áramótin þá heldur núgildandi samningur áfram. Það þýðir að viðskipti með greiðslumark verða engin enda hefur ríkið einungis innlausnarskyldu út árið 2019. Því skil ég ekki hvernig einstaka kúabændur geta lagt til að endurskoðun verði ekki kláruð fyrr en í maí á næsta ári, líkt og getið er um í aðsendri grein í Bændablaðinu nú fyrir stuttu. Því er ég algjörlega ósammála.

Ég sé heldur ekki hvað er slæmt við að verðlagsmálin verði eins og þau eru þar til starfshópur um þau hefur skilað af sér í maí. Verðlagsmálin eru okkur það mikilvæg að óábyrgt væri að ana að breytingum breytinganna vegna. Við kúabændur fáum að kjósa um þær niðurstöður starfshópsins og það mætti jafnvel líta svo á að þetta sé betra fyrirkomulag. Með þessu fáum við að taka afstöðu til einstakra atriða samkomulagsins.

Ég fagna því að samkomulagið sé komið fram og mun styðja það í atkvæðagreiðslu. Með gildistöku endurskoðunarinnar verður loks eytt þeirri óvissu sem kúabændur hafa búið við undanfarin ár, allt frá því ritað var undir að afleggja ætti kvótakerfið í samningum 2016.

Fagfundur og afmælisráðstefna
Skoðun 11. mars 2024

Fagfundur og afmælisráðstefna

Tveir viðburðir tengdir sauðfjárrækt haldnir dagana 21. -22. mars næstkomandi.

Er framtíðin lægra verð fyrir minni gæði?
Skoðun 15. febrúar 2024

Er framtíðin lægra verð fyrir minni gæði?

Við sem neytendur gerum miklar kröfur til innlendrar matvælaframleiðslu og við t...

Heilsársvegur yfir Öxi er skynsamleg fjárfesting
Skoðun 16. nóvember 2023

Heilsársvegur yfir Öxi er skynsamleg fjárfesting

Tilhneiging stjórnmálamanna er að líta á fjármagn sem veitt er í samgöngur sem k...

Óvissutímar
Skoðun 16. nóvember 2023

Óvissutímar

Á óvissutímum með eldgos yfirvofandi, þegar þetta er skrifað, er hægt að fullyrð...

Hinn glæsilegi árangur
Skoðun 14. nóvember 2023

Hinn glæsilegi árangur

Mér líður satt að segja hálf hjárænulega að setjast við skriftir um þrasið og ós...

Dagur sauðkindarinnar
Skoðun 13. nóvember 2023

Dagur sauðkindarinnar

Dagur sauðkindarinnar í Rangárvallasýslu var haldinn í reiðhöllinni Skeiðvangi á...

Áhættumatið og aðför að íslenskum hagsmunum
Skoðun 1. ágúst 2023

Áhættumatið og aðför að íslenskum hagsmunum

Í fréttatilkynningu Hafrannsóknastofnunar og í grein Ragnars Jóhannssonar, ranns...

Landbúnaðurinn og aðstoð við Úkraínu
Skoðun 8. júní 2023

Landbúnaðurinn og aðstoð við Úkraínu

Við lifum á óstöðugustu og hættulegustu tímum síðan síðari heimsstyrjöldinni lau...