Unnsteinn Snorri Snorrason, framkvæmdastjóri Landssamtaka sauðfjárbænda, Kristján Þór Júlíusson, sjávarútvegs- og landbúnaðarráðherra, og Karvel L. Karvelsson, framkvæmdastjóri Ráðgjafarmiðstöðvar landbúnaðarins.
Unnsteinn Snorri Snorrason, framkvæmdastjóri Landssamtaka sauðfjárbænda, Kristján Þór Júlíusson, sjávarútvegs- og landbúnaðarráðherra, og Karvel L. Karvelsson, framkvæmdastjóri Ráðgjafarmiðstöðvar landbúnaðarins.
Mynd / ANR
Fréttir 11. júní 2021

Safna gögnum til að auka arðsemi í sauðfjárbúskap

Höfundur: Tjörvi Bjarnason

Ráðgjafarmiðstöð landbúnaðarins, sauðfjárbændur og atvinnuvegaráðuneytið hafa gert með sér samkomulag um verkefnið „Betri gögn, bætt afkoma“ sem gengur út á að auka rekstrarráðgjöf til sauðfjárbúa og bæta afkomu bænda. Ætlunin er að efla núverandi verkefni Ráðgjafarmiðstöðvarinnar (RML) á sviði afkomuvöktunar sauðfjárbúa verulega og fjórfalda stærð þess á samningstímanum. Gögnin verða nýtt til að auka leiðsögn til þátttakenda um tækifæri til hagræðingar í sínum rekstri í ljósi þeirra gagna sem þeir skila inn. RML mun veita ráðgjöf til þátttakenda á einstaklingsgrunni sem byggir á styrkleikum og veikleikum hvers og eins.

Umtalsverð tækifæri til hagræðingar að mati ráðherra

Kristján Þór Júlíusson, sjávarútvegs- og landbúnaðarráðherra, þakkaði fulltrúum RML og LS fyrir samstarfið og að koma því á fót. „Staðreyndin er sú að gögn frá Ráðgjafarmiðstöð landbúnaðarins sýna að það eru til staðar umtalsverð tækifæri til hagræðingar í íslenskum sauðfjárbúskap. Meginmarkmið þessa samkomulags er að gera bændum kleift að hagræða í sínum rekstri og bæta þannig afkomu þeirra til skemmri og lengri tíma,“ sagði Kristján Þór.

Fáum betri yfirsýn um rekstur sauðfjárbúa

Unnsteinn Snorri Snorrason, framkvæmdastjóri Landssamtaka sauðfjárbænda, sagði bændur hafa miklar væntingar til verkefnisins. „Með aukinni þátttöku bænda munum við fá enn betri yfirsýn yfir rekstur búanna og betri gögn til að vinna með. En verkefnið mun líka nýtast til þess hver og einn bóndi geti borið sig saman við sambærileg bú og þannig greint styrkleika og veikleika í sínum rekstri.“

Mikill breytileiki er í afkomu

Ráðgjafarmiðstöð landbúnaðarins hefur sem áður sagði unnið að verkefninu „afkomuvöktun sauðfjárbúa“ undanfarin ár en það snýr að söfnun og greiningu rekstrargagna frá sauðfjárbúum. Gögnin hafa síðan verið notuð til þess að leiðbeina bændum um sinn rekstur. Niðurstöður verkefnisins sýna að umtalsverð tækifæri eru til staðar til hagræðingar en mikill breytileiki er í afkomu búanna, að mati RML. Samkvæmt samkomulaginu byggir verkefnið á þessari vinnu RML. 

Viðhorfskönnun meðal sauðfjárbænda í undirbúningi

Í fregn á vef atvinnuvegaráðuneytisins segir að verkefnið sé liður í aðgerðaráætlun til eflingar íslensks landbúnaðar sem ráðherra kynnti í febrúar 2021. Þar kemur einnig fram að það standi til að gera viðhorfskönnun meðal sauðfjárbænda til að meta nánar stöðu og horfur í greininni, s.s. viðhorf til núverandi stuðningskerfis, afstöðu til loftslagsmála, vinnuálag við reksturinn og fleira.

Umferðin eykst á Hringvegi
Fréttir 24. júní 2021

Umferðin eykst á Hringvegi

Umferð um Hringveg heldur áfram að aukast. Í nýliðnum maímánuði var hún 8,4% mei...

Skyrsalan hefur sveiflast í takti við þróun Covid-19 faraldursins
Fréttir 24. júní 2021

Skyrsalan hefur sveiflast í takti við þróun Covid-19 faraldursins

Sala á mjólk og sýrðum mjólkur­­vörum dróst saman um 3,5% í maí og hafði þá dreg...

Fjárfestahópur áformar að reka áfram hótel í Bændahöllinni
Fréttir 24. júní 2021

Fjárfestahópur áformar að reka áfram hótel í Bændahöllinni

Fjárfestahópur, sem tengist meðal annars Hótel Óðinsvéum, er í viðræðum við stjó...

Undrajurt Inkanna
Fréttir 23. júní 2021

Undrajurt Inkanna

Flóran hlaðvarpsþáttur Hlöðunnar um helstu nytjaplöntur jarðar, er kominn aftur ...

Einkaviðræður um sölu Bændahallarinnar hafnar
Fréttir 23. júní 2021

Einkaviðræður um sölu Bændahallarinnar hafnar

Sala á Bændahöllinni sem hýst hefur starfsemi Hótel Sögu í 59 ár virðist vera ve...

Gremjufræði, sannleikslitlar ævisögur og falsaðar dagbækur Hitlers meðal efnis í Sögu
Fréttir 21. júní 2021

Gremjufræði, sannleikslitlar ævisögur og falsaðar dagbækur Hitlers meðal efnis í Sögu

Markús Þórhallsson ræðir við Kristínu Svövu Tómasdóttur, ritstjóra, um innihald ...

Nýtt auðkennismerki á íslensku kjöti
Fréttir 21. júní 2021

Nýtt auðkennismerki á íslensku kjöti

Íslenskt gæðanaut er nýtt merki sem Landssamband kúabænda hefur verið að vinna a...

Leiðbeiningar um slátrun í litlum geit- og sauðfjársláturhúsum
Fréttir 18. júní 2021

Leiðbeiningar um slátrun í litlum geit- og sauðfjársláturhúsum

Nýverið undirritaði sjávarútvegs- og landbúnaðarráðherra nýja reglugerð um slátr...