Vinsamlegast athugið að þetta efni er eldra en 3 ára.
Rondane poncho
Hannyrðahornið 7. júní 2021

Rondane poncho

Höfundur: Handverkskúnst

Fallegt poncho sem tilvalið er að hafa við hendina í sumar. Prjónað úr DROPS Paris með gatamynstri og garðaprjóni. Ekki skemmir fyrir að garnið fer á 35% afslátt 1.–30. júní nk.

DROPS Design: Mynstur nr w-528

Stærðir: S/M (L/XL) XXL/XXXL

Yfirvídd að neðan: 158 (188) 198 cm

Garn: DROPS PARIS (fæst í Handverkskúnst)
400 (450) 550 gr litur á mynd nr 21, ljós mynta

Prjónar: Hhringprjónn 80 cm, nr 6 – eða þá stærð sem þarf til að 14L og 23 umf í mynstri A.1 verði 10 x 10 cm.
GARÐAPRJÓN (prjónað fram og til baka): Lykkjurnar prjónast slétt í öllum umf.

MYNSTUR: Sjá mynsturteikningu A.1-A.2. Mynsturteikningin sýnir allar umf í mynstri séð frá réttu.

MYNSTUR-1:
Umferð 1 (= rétta): Prjónið slétt.
Umferð 2 (= ranga): Prjónið slétt.
Umferð 3 (= rétta): Prjónið slétt.
Umferð 4 (= ranga): Prjónið 6L garðaprjón, prjónið brugðið þar til 6L eru eftir, 6L garðaprjón.
Umferð 5 (= rétta): Prjónið 6L garðaprjón, *2L slétt saman, sláið uppá prjóninn*, endurtakið frá *-* þar til 7L eru eftir, 1L sl, 6L garðaprjón.
Umferð 6 (= ranga): Prjónið 6L garðaprjón, prjónið brugðið þar til 6L eru eftir, 6L garðaprjón. ATH: Uppslátturinn er ekki prjónaður snúinn, það á að myndast gat.
Umferð 7 (= rétta): Prjónið slétt.
Umferð 8 (= ranga): Prjónið slétt.
Umferð 9 (= rétta): Prjónið slétt.

ÚRTAKA: Öll úrtaka er gerð í hverri umf sem er prjónuð frá réttu (ekki í umf 5 í mynstur-1), þ.e.a.s. að það verða 2 úrtökur á 2 cm sléttprjón, 4 úrtökur í mynstur-1 og 2 úrtökur í 2 cm sléttprjón. Fellið af 1L með því að prjóna 2L slétt saman.

PONCHO:
Stykkið er prjónað fram og til baka á hringprjóna í 2 hlutum og saumað saman í hliðum í lokin.

BAKSTYKKI: Fitjið upp 111 (123) 135 lykkjur með Paris á hringprjóna nr 6. Prjónið GARÐAPRJÓN – sjá útskýringu að ofan þar til stykkið mælist 2 cm. Prjónið nú áfram í sléttprjóni með 6L garðaprjón í hvorri hlið á stykki. Þessar 6L garðaprjón eru prjónaðar í garðaprjóni til loka. Þegar stykkið mælist 4 (6) 8 cm, stillið af að síðasta umf sé frá röngu. Prjónið MYNSTUR-1 - sjá útskýringu að ofan. Prjónið nú sléttprjón þar til stykkið mælist ca 10 (12) 14 cm. Í næstu umf frá réttu er prjónað þannig: Prjónið 6L garðaprjón, A.1B (= 3L) – sjá útskýringu að ofan – yfir næstu 3L, prjónið A.1A (= 12L) þar til 6L eru eftir (= 8 (9) 10 mynstureiningar á breiddina), 6L garðaprjón. Haldið svona áfram þar til stykkið mælist ca 23 (28) 33 cm.

LESIÐ ALLAN KAFLANN ÁÐUR EN PRJÓNAÐ ER ÁFRAM.

Prjónið nú 2 cm sléttprjón. Stillið af að síðasta umf sé frá röngu. Prjónið mynstur-1. Prjónið síðan 2 cm sléttprjón. – JAFNFRAMT í hverri umf frá réttu í þessum kafla er fækkað um 4L jafnt yfir – LESIÐ ÚRTAKA – alls 7 sinnum. ATH: Lykkjum er ekki fækkað í umf 5 í mynstur-1 og ekki í 6L garðaprjón í hvorri hlið. Í næstu umf frá réttu er fækkað um 1 (3) 5 l jafnt yfir = 82 (92) 102 lykkjur eftir á prjóni. Stykkið mælist nú ca 31 (36) 41 cm.

Í næstu umf frá réttu er prjónað þannig: Prjónið 6L garðaprjón, A.2 (= 10L) þar til 6L eru eftir (= 7 (8) 9 mynstureiningar á breiddina), 6L garðaprjón. Þegar A.2 hefur verið prjónað 1 sinni á hæðina er prjónað í sléttprjóni með 6L garðaprjóni í hvorri hlið á stykki þar til stykkið mælist ca 40 (45) 50 cm. Stillið af að síðasta umf sé frá röngu.

LESIÐ ALLAN KAFLANN ÁÐUR EN PRJÓNAÐ ER ÁFRAM!

Prjónið mynstur-1. Prjónið síðan 2 cm í sléttprjóni. Prjónið 6 umf garðaprjón. JAFNFRAMT í hverri umf frá réttu í þessum kafla er fækkað um 5 (6) 7 L jafnt yfir – LESIÐ ÚRTAKA – alls 7 sinnum. ATH: Lykkjum er ekki fækkað í umf 5 í mynstri-1 og ekki í 6L garðaprjón í hvorri hlið. Í næstu umf frá réttu er fækkað um 8L jafnt yfir = 39 (42) 45 lykkjur á prjóni.
Fellið af. Stykkið mælist ca 48 (53) 58 cm.

FRAMSTYKKI:
Fitjið upp og prjónið alveg eins og bakstykki.

FRÁGANGUR:
Saumið hliðarsauma innan við 1 kantlykkju frá hálsi og niður þar til ca 20 cm er eftir að klauf í hvorri hlið.

Prjónakveðja,
mæðgurnar í Handverkskúnst, www.garn.is

Efling byggða á Ströndum
Fréttir 13. maí 2025

Efling byggða á Ströndum

Tillögur til eflingar byggða á Ströndum hafa nýlega verið birtar. Þær byggja á s...

Nýr íshellir til athugunar
Fréttir 12. maí 2025

Nýr íshellir til athugunar

Sveitarstjórn Bláskógabyggðar hefur lagt fram tillögu nýs deiliskipulags sem tek...

Ný lög um Jöfnunarsjóð sveitarfélaga
Fréttir 9. maí 2025

Ný lög um Jöfnunarsjóð sveitarfélaga

Frumvarp hefur verið lagt fram á Alþingi um ný heildarlög um Jöfnunarsjóð sveita...

Háskólasamstæða mikilvæg
Fréttir 9. maí 2025

Háskólasamstæða mikilvæg

Háskóli Íslands og Háskólinn á Hólum verða samstæða frá næstu áramótum og er það...

Störfum í ferðaþjónustu fjölgar en fækkar í landbúnaði
Fréttir 9. maí 2025

Störfum í ferðaþjónustu fjölgar en fækkar í landbúnaði

Ferðaþjónusta í Fljótsdalshreppi hefur eflst mjög undanfarin ár, en landbúnaður ...

Sòl*Kol á Sólheimum og sumarið í vændum
Fréttir 8. maí 2025

Sòl*Kol á Sólheimum og sumarið í vændum

Það er viðeigandi að Sólheimar hafi orðið fyrir valinu við að halda málþing um f...

Lausnir á vandamálum í sauðburði
Fréttir 8. maí 2025

Lausnir á vandamálum í sauðburði

Í allmörg ár hefur verið venja hér í blaðinu að birta skýringarmyndir Þorsteins ...

Rýnt í Bændablaðið í bláu Adríahafinu
Fréttir 7. maí 2025

Rýnt í Bændablaðið í bláu Adríahafinu

Upp úr áramótum fréttist af manni sem lá í Bændablaðinu á Suðurskautslandinu. Nú...