Smæstu trillur eru ekki stórir vinnustaðir, en í flestum þeirra er hægt að leggja sig í stuttan tíma.
Öryggi, heilsa og umhverfi 12. desember 2019

Vinnan endalausa að tryggja góða heilsu og öryggi

Hjörtur L. Jónsson
Eins og fram hefur komið hér í þessum pistlum hefur oft verið vitnað til írsku vefsíðunnar www.hsa.is, HSA (Helth and Safety Authority), opinber stofnun á Írlandi, stofnuð árið 1989 samkvæmt lögum um öryggi, heilbrigði og velferð á vinnustöðum og er undirdeild ráðherra/ráðuneytis atvinnuvega og nýsköpunar í Írlandi. Stofnunin hefur ýmis hlutverk sem m.a. ber ábyrgð á að tryggja að yfir 2 milljónir írskra starfsmanna ( sjálfstætt starfandi og stærri vinnustaða) séu verndaðir vegna vinnutjóns og vanheilsu. 
 
Hlutverk HSA er að framfylgja lögum um vinnuvernd, stuðla að slysavörnum og veita upplýsingar og ráðgjöf á öllum sviðum, þar með talið smásölu, heilsugæslu, framleiðslu, fiskveiðum, skemmtunum, námuvinnslu, byggingum, landbúnaði og matvælaþjónustu. Margt fræðandi má lesa á vefsíðu þeirra um ýmsa vinnuvermd og forvarnir.
 
Árleg ráðstefna sem skilað  hefur góðum árangri
 
Í síðustu viku boðaði HSA til árlegs fundar 150 manns úr nánast öllum hugsanlegum starfsgreinum til samráðsfundar og hlusta á ýmsa sérfræðinga halda fyrirlestra um framtíðarsýn í írsku atvinnulífi. Að loknum fundi á að greina hugsanlegar hættur á komandi árum frá þessum mismunandi aðilum. Í nokkur ár hefur þessi „rýnisfundur framtíðar“ verið haldinn og gefist vel sérstaklega fyrir landbúnaðinn sem er hættulegasta starfsgreinin á Írlandi. 
 
Á þessari ráðstefnu er farið yfir fyrri árangur úr öllum starfsgreinum og það góða frá hverri starfsgrein er reynt að laga að öðrum í þeirri von að ná árangri í fækkun slysa og aukinni vellíðan. Sérstök áhersla hefur verið lögð á að fækka slysum og bæta vellíðan vinnandi fólks sem er yfir 50 ára, sem er sá hópur vinnandi sem er í mestri hættu á kulnun í starfi og heilsubresti, en einn af hverjum fimm vinnandi á Írlandi er yfir fimmtíu ára.
 
Ótrúlegur árangur ef skoðaðar eru tölulegar staðreyndir HSE
 
Í fréttatilkynningu um ráðstefnuna kom fram að í tilefni af 30 ára afmæli HSE verði gefin út ítarleg skýrsla um HSE og árangur af starfi HSE á 30 ára sögu stofnunarinnar. Miðað við útgefnar skýrslur og efni sem má finna á vefsíðu HSA er nálægt helmingur allra vinnuslysa á Írlandi þegar verið er að vinna landbúnaðarstörf.
 
Þrátt fyrir töluvert mikil slys þá fer ekki á milli mála árangur HSA í forvarnar- og fræðslumálefnum til vinnandi Íra. Á alheimsvísu eru tölur um slasaða og látna oftast miðaðar við 100.000 starfa eða vinnandi manna. Árið 1989 þegar HSA var stofnað var tíðni slasaðra og látinna á Írlandi rúmlega 4 af hverjum 100.000 og voru Írar í efsta sæti yfir slasaða og látna í allri Evrópu, en nú 30 árum síðar er talan komin niður í 2,5 og sitja í fjórða sæti á eftir 1. Frökkum, 2. Belgum og 3. Ítölum.
 
Sumar ráðleggingar HSE virtust við fyrstu sýn vera grín, en einfaldlega virka
 
Við lestur á tillögum til breytinga virkar sumt sem grín og var fyrir mér ágætis skemmtiefni, en hlutir eins og að bjóða upp á hvíldarstað/herbergi, jóga, hlátursjóga á vinnustað, kom í ljós að að þetta bætti vinnustaði og einnig að nauðsynlegt væri fyrir flesta vinnandi að geta lagst út af í 10 til 15 mín. daglega  á vinnudegi, sérstaklega þeim sem væru eldri en 40 ára, að þessir litlu þrír hlutir geri það að starfsmenn haldi betur einbeitingu og þreki út vinnudaginn.
Erlent