Vinsamlegast athugið að þetta efni er eldra en 4 mánaða.
Síðustu 10 ár hefur banaslysum í umferðinni fækkað verulega þrátt fyrir mikla fjölgun ökutækja í umferðinni, náði að fara niður í 3 banaslys 2014 sem var metár.
Síðustu 10 ár hefur banaslysum í umferðinni fækkað verulega þrátt fyrir mikla fjölgun ökutækja í umferðinni, náði að fara niður í 3 banaslys 2014 sem var metár.
Öryggi, heilsa og umhverfi 22. febrúar 2022

Þegar við stöndum saman er árangurinn oft góður

Höfundur: Hjörtur L. Jónsson - liklegur@internet.is

Í byrjun árs hér í þessum pistlum hef ég nokkrum sinnum vitnað til góðs árangurs í forvörnum bæði á Írlandi og í Englandi við landbúnað. Of sjaldan hef ég verið að vitna í góðan árangur hér heima í ýmsum forvörnum, en ef betur er skoðað þá má læra margt gott og segja frá árangursríku forvarnarstarfi hér heima, við erum að standa okkur svo vel á mörgum stöðum að eftir er tekið víða erlendis og gætum eflaust hjálpast betur að í forvörnum með samhentu átaki.

Það vakti mikla athygli erlendis samhugur og samstaða Íslendinga þegar á annað þúsund manns komu að leit að flugvél sem týndist við Þingvallavatn fyrir síðustu helgi. Þó svo að flug sé einhver öruggasti ferðamáti í heiminum þá verða alltaf slys í flugi, en flugslys eru einhver mest rannsökuðu slys sem til eru í heiminum í þeim tilgangi að forðast þau.

Slysavarnaskóli sjómanna eitt besta dæmi Íslands í forvörnum

Hilmar Snorrason, skólastjóri Slysavarnaskóla sjómanna.

Árið 1985 var Slysavarnaskóli sjómanna stofnaður, byrjaði smátt með lítið fjármagn, en efldist með hverju árinu sem skólinn var rekinn. Samkvæmt minni talningu hefur átta sinnum komið heilt ár þar sem allir sjómenn komu heim úr sjóferðum. Fyrir góðan árangur Slysavarnaskólans var Hilmar Snorrason sæmdur Stórriddarakrossi af forseta Íslands, orðu sem hann átti fyllilega skilið að fá fyrir frábært starf sem skólastjóri Slysavarna- skóla sjómanna.

Lykillinn að lágri slysatíðni til sjós er að aldrei er slakað á vaktinni í forvörnum til sjós og sem dæmi um það er að janúar var kynnt nýtt átak í slysavörnum til sjós sem nefnist: Tólf hnútar, átak sem vert verður að fylgjast með í framtíðinni.

Umferð gangandi og bíla hefur breyst mikið

Annað dæmi um góðan árangur í forvörnum er sú fræðsla og forvarnir sem unnin er af Samgöngustofu í umferð á landi. Umferðarráð var stofnað 1969 og hóf forvarnir fyrir umferð á landi, en markviss skráning umferðarslysa hófst 1966. Fyrir um 20-30 árum var algengt að banaslys í umferðinni á hverju ári væru á bilinu 15-25 á hverju ári.

Síðustu 10 ár hefur banaslysum í umferðinni fækkað verulega þrátt fyrir mikla fjölgun ökutækja í umferðinni, náði að fara niður í 3 banaslys 2014 sem var metár, en það þarf að fara allt aftur til ársins 1936 þar sem 2 létust í umferðarslysum það ár.

Síðustu 10 ár hefur umferðin árlega tekið frá þremur til 18 líf árlega, en ljósi punkturinn er að síðustu þrjú ár hafa innan við 10 látist í umferðinni árlega (2019 6, 2020 8, 2021 4). Eflaust má þakka færri slysum síðustu þrjú ár minni umferð, betri ökutækjum og betri vegum, en ekki má vanmeta fræðslu og umferðaráróður í fjölmiðlum. 

Fólk virðist óþreyjufullt í biðinni eftir „Covid-frelsinu“

Það er sama hvað við mig er sagt varðandi „Covid-umræðuna“ að Íslendingar eru að standa sig best af öllum í forvörnum gagnvart Covid-19. Það eru ekki margar þjóðir sem geta státað af annarri eins tölfræði og Íslendingar af smituðum á móti látnum í þessum heimsfaraldri. Þrátt fyrir sóttvarnareglur þá hafa margar aðrar þjóðir verið með boð og bönn sem eru mun strangari en hér á landi, samanber útgöngubann, lokuð landamæri o.fl. Ef tölulegar staðreyndir eru skoðaðar þá benda fyrstu niðurstöður hjá Íslenskri erfðagreiningu til þess að yfir 100 þúsund manns hafi fengið Covid á Íslandi.

Nú þegar Covid-faraldurinn er líklegast að líða undir lok er niðurstaðan að dánartíðni á Íslandi, sem hlutfall af greindum smitum, er ein sú lægsta í þróuðum ríkjum, þar sem smit eru yfirleitt greind.

Dánartíðni á Íslandi var 128 á hverja milljón íbúa. Í Noregi 273. Í Finnlandi 364. Í Danmörku var hún 650. Í Þýskalandi 1.422. Í Svíþjóð, 1.548, og í Bandaríkjunum 2.711. Sláandi tölur, en almennri bólusetningu Íslendinga er þakkaður þessi árangur fyrst og fremst ásamt  almennri þátttöku og hlýðni landsmanna í að fara eftir tilmælum um sóttvarnir og bólusetningu.

Að ofantöldu er greinilegt að við Íslendingar erum „best“ þegar við stöndum saman og það er því dapurt þegar fólk sem ég vil kalla „veikt“ getur ekki beðið í nokkra daga í viðbót eftir frelsinu og talar niður ráðleggingar okkar færasta fagfólks með „huglausu hávaða hundsgelti“ sem er ekkert annað en það sem oft er kallað „heimskutuð“.

Að fara aðeins hægar í umferðinni er sumum erfitt
Öryggi, heilsa og umhverfi 7. júní 2022

Að fara aðeins hægar í umferðinni er sumum erfitt

Það er viss ánægja að keyra í lok maí framhjá bílflökunum fyrir ofan Draugahlíð ...

Fegrum umhverfið, umgengni við landið mætti vera betri
Öryggi, heilsa og umhverfi 5. maí 2022

Fegrum umhverfið, umgengni við landið mætti vera betri

Fyrstu daga apríl mátti sjá í ýmsum bæjarfélögum vélsópa þrífa með kantsteinum, ...

Árlegur vordekkjapistill
Öryggi, heilsa og umhverfi 13. apríl 2022

Árlegur vordekkjapistill

Í gegnum árin hef ég verið nei­kvæður út í stórar felgur og lág dekk undir bílum...

Skelfilegt ástand á mörgum malbikuðum vegum
Öryggi, heilsa og umhverfi 16. mars 2022

Skelfilegt ástand á mörgum malbikuðum vegum

Þeir sem hafa það að atvinnu að selja og gera við hjólbarða eru inni í miðju árl...

Vindkæling er lúmskari en margan grunar
Öryggi, heilsa og umhverfi 8. mars 2022

Vindkæling er lúmskari en margan grunar

Með hækkandi sól og lengri dagsbirtu er gaman að stunda ýmiss konar útivist. All...

Þegar við stöndum saman er árangurinn oft góður
Öryggi, heilsa og umhverfi 22. febrúar 2022

Þegar við stöndum saman er árangurinn oft góður

Í byrjun árs hér í þessum pistlum hef ég nokkrum sinnum vitnað til góðs árangurs...

Erfitt að sleppa
Öryggi, heilsa og umhverfi 31. janúar 2022

Erfitt að sleppa

Í síðasta pistli hér skrifaði ég um hvernig ég reyndi að sleppa við að smitast a...

Of mikið af neikvæðum fréttum
Öryggi, heilsa og umhverfi 20. janúar 2022

Of mikið af neikvæðum fréttum

Í byrjun árs hafa Íslendingar almennt verið bjartsýnir og jákvæðir fyrir komandi...