Vinsamlegast athugið að þetta efni er eldra en 4 ára.
Merki UMASH, Upper Midwest Agricultural Safety and Health Center.
Merki UMASH, Upper Midwest Agricultural Safety and Health Center.
Öryggi, heilsa og umhverfi 28. mars 2018

Það sem kom fyrir mig getur hugsanlega komið fyrir þig

Höfundur: Hjörtur L. Jónsson
Í 4. blaði Bændablaðsins 2018 var sagt frá slysavarnaskóla í Írlandi fyrir bændur sem er nýjung á Írlandi til að sporna við slysum. Fyrir nokkrum árum voru gerð myndbönd í samvinnu við HSE á Írlandi þar sem írskir bændur sögðu frá reynslu sinni um slys sem þeir höfðu lent í og voru þessi myndbönd aðgengileg á vef HSE og Youtube. 
 
Yfirleitt voru þetta átakanlegar sögur um mjög alvarleg slys sem viðkomandi fólk hafði lent í. Í byrjun árs 2018 tóku sig saman fjögur stór samtök og fyrirtæki í Bandaríkjunum og stofnuðu með sér samstarf sem felst í að birta frásagnir og gera myndbönd um reynslu fólks í bandaríkjunum sem hefur lent í alvarlegum slysum við störf sín í landbúnaði.
 
Segjum frá - við viljum ekki að þetta henti neinn annan
 
Verkefnið nefnist á ensku: Telling the Story Project og er með einkunarorðunum: We don’t want this to happen to anyone else (í minni þýðingu: Segjum frá - við viljum ekki að þetta henti neinn annan). Verkefnið er samstarf fjögurra samtaka og fyrirtækja, stjórnað og fjármagnað af þjóðhagsstofnun um vinnuverndarmál, landbúnað, skógrækt og veiðistofnun í um 10 ríkjum Bandaríkjanna 
(NORA Agriculture, Forestry and Fishing Council NIOSH AgFF). Slóð inn á vefsíðu verkefnisins er: www.http://tellingthestoryproject.org . 
 
Fimm öflugir samstarfsaðilar með mikla reynslu og þekkingu
 
Miðstöð fyrir landbúnaðaröryggi og heilsuvernd (Center for Agricultural Safety Health - CS-CASH) var stofnað árið 2011 og er í Háskólanum í Nebraska, Medical Center College of Public Health í Omaha. CS-CASH þjónar sjö ríkjum innan Bandaríkjanna og stundar fyrst og fremst rannsóknir á öndunarfærasjúkdómum, hefur eftirlit með meiðslum, gefur ráðgjöf og vinnur að forvörnum.
The Great Plains Center for Agricultural Health (GPCAH) er í University of Iowa College of Public Health í Iowa City. Var stofnað árið 1990, GPCAH er á landsvísu viðurkennd uppbyggileg stofnun um vinnuvemdarmál og forvarnir.
 
Öryggis- og heilsugæslustöð Upper West Midwest (UMASH), sem er í Minneapolis og stofnuð árið 2011. Þetta er þverfagleg samstarfsstofnun fimm rannsókna- og heilbrigðisstofnana með víðtæka þekkingu á heilsufari bænda og landbúnaðarslysum. Þær eru: Háskólinn í Minnesota, heilbrigðis- og háskólasviði, landbúnaðarlyf, miðstöðin Marshfield Clinic og Minnesota Department of Health.
 
National Farm Medicine Center (NFMC) var stofnað árið 1981 til að bregðast við heilsufarsvandamálum hjá bændum sem komu til Marshfield Clinic í Marshfield, Wisconsin. Miðstöðin einbeitir sér að rannsóknum í dreifbýli og leggur mikla áherslu á börn á bændabýlum.
 
Að deila óhöppum og segja frá er vanmetin forvörn
 
Frá því að þessu áhugaverða verkefni var hleypt af stokkunum hefur það vakið mikla athygli og hefur verkefnið verið kynnt á mjög mörgum vefmiðlum sem tengjast landbúnaði. Hafa verið settir inn tenglar sem vísa beint á vefsíðuna Telling the Story Project og á fjölmargar vefsíður bæði innan og utan Bandaríkjanna. 
 
Allt frá því að ég byrjaði að skrifa þessa litlu forvarnarpistla hér í Bændablaðið hefur mig langað að fá sögur þeirra sem hafa lent í slysum til að byggja á forvarnir og forvarnarskrif. 
 
Ef þú hefur lent í slysi er nokkuð öruggt að einhver annar getur lent í eins slysi. Með því að deila og segja frá slysinu er mikill möguleiki á að frásögnin geti orðið til þess að forða slysi hjá öðrum.

5 myndir:

Að fara aðeins hægar í umferðinni er sumum erfitt
Öryggi, heilsa og umhverfi 7. júní 2022

Að fara aðeins hægar í umferðinni er sumum erfitt

Það er viss ánægja að keyra í lok maí framhjá bílflökunum fyrir ofan Draugahlíð ...

Fegrum umhverfið, umgengni við landið mætti vera betri
Öryggi, heilsa og umhverfi 5. maí 2022

Fegrum umhverfið, umgengni við landið mætti vera betri

Fyrstu daga apríl mátti sjá í ýmsum bæjarfélögum vélsópa þrífa með kantsteinum, ...

Árlegur vordekkjapistill
Öryggi, heilsa og umhverfi 13. apríl 2022

Árlegur vordekkjapistill

Í gegnum árin hef ég verið nei­kvæður út í stórar felgur og lág dekk undir bílum...

Skelfilegt ástand á mörgum malbikuðum vegum
Öryggi, heilsa og umhverfi 16. mars 2022

Skelfilegt ástand á mörgum malbikuðum vegum

Þeir sem hafa það að atvinnu að selja og gera við hjólbarða eru inni í miðju árl...

Vindkæling er lúmskari en margan grunar
Öryggi, heilsa og umhverfi 8. mars 2022

Vindkæling er lúmskari en margan grunar

Með hækkandi sól og lengri dagsbirtu er gaman að stunda ýmiss konar útivist. All...

Þegar við stöndum saman er árangurinn oft góður
Öryggi, heilsa og umhverfi 22. febrúar 2022

Þegar við stöndum saman er árangurinn oft góður

Í byrjun árs hér í þessum pistlum hef ég nokkrum sinnum vitnað til góðs árangurs...

Erfitt að sleppa
Öryggi, heilsa og umhverfi 31. janúar 2022

Erfitt að sleppa

Í síðasta pistli hér skrifaði ég um hvernig ég reyndi að sleppa við að smitast a...

Of mikið af neikvæðum fréttum
Öryggi, heilsa og umhverfi 20. janúar 2022

Of mikið af neikvæðum fréttum

Í byrjun árs hafa Íslendingar almennt verið bjartsýnir og jákvæðir fyrir komandi...