Flestar hleðslustöðvar byrja hleðslu hægt og keyra sig svo upp eins og þessar í nýbyggingu í Reykjavík.
Flestar hleðslustöðvar byrja hleðslu hægt og keyra sig svo upp eins og þessar í nýbyggingu í Reykjavík.
Öryggi, heilsa og umhverfi 26. nóvember 2020

Hversu mikið „bras“ er að eiga rafmagnsbíl og fá hleðslu?

Höfundur: Hjörtur L. Jónsson

Ég horfði á fyrstu 5 þætti af sjónvarpsþáttaseríu sem nefnast „Long Way Up“ þar sem leikarinn Ewan McGregor og vinur hans Charley Boorman fara á tveim Harley Davidson Livewire rafmagnsmótorhjólum frá syðsta odda SuðurAmeríku upp til Los Angeles. Með þeim var kvikmyndatökulið á tveim nýjum RIVIAN pallbílum sem gengu líka fyrir rafmagni. Vandræði þeirra félaga við að hlaða mótorhjólin og bílana voru hreint með ólíkindum. Þeir slógu út rafmagni á heilu hóteli, vegna þess að ekki var nægilega mikill straumur á rafkerfinu til að hlaða rafknúin ökutæki.  Þá komu upp ýmis önnur vandamál við að hlaða mótorhjólin og rafmagnsbílana sem fylgdu liðinu. 

Við að horfa á þessa þætti datt mér í hug hvernig hleðslumálum væri háttað fyrir fólk sem ferðast um á rafmagnsbílum hér á landi.  

Ef ljósin dofna eða skerpast er það ekki gott fyrir flest rafmagnstæki

Þeir sem hafa átt heima á Vestfjörðum, eða hafa verið þar í nokkurn tíma, kannast við miklar spennusveiflur í rafmagninu, ljós dofna og skerpast á víxl. Sum rafmagnstæki þoldu þetta ekki og entust óeðlilega stutt á Vestfjörðum. Þeir sem eru að nota rafmagnstæki sem taka mikið rafmagn, s.s. hjólsagir, háþrýstidælur, slípirokka eða hitablásara til upphitunar kannast við þessi rafmagnsvandamál, en slík tæki slá stundum út rafmagni þegar þau eru sett í gang. Þetta á líka við um bílahleðslutæki sem fylgja rafmagnsbílum, þau taka það mikið rafmagn að þegar þeim er stungið í samband þá kemur högg á rafkerfið sem getur skemmt önnur rafmagnstæki eins og t.d. hljómtæki og tölvur.

Rafmagnskló sem ofhitnaði inni í rafmagnsdós.

Ljótar sögur um bruna, rafmagnsleysi og hleðsluvandræði

Ef maður fer á leitarsíður til að finna fréttaflutning af bruna við hleðslu á bílum koma margar fréttir upp. Inn á milli eru sögur af lyfturum sem hafa verið í hleðslu og hafa kveikt í. Oftast eru fréttir af brunum sem urðu við hleðsluna og var orsökin oftast mannleg mistök og vanþekking. Of grannar lagnir og mikið álag, raflagnir of veikar fyrir mikla notkun á rafmagni, framlengingarsnúrur notaðar og fleira sem mátti finna þar að. Ferðalangar á rafmagnsbílum hafa lent í ýmsum vandræðum þegar ferðast er um landið. Í flestum bílum fylgir kapall til að hlaða bílinn með því að stinga í samband í venjulega rafmagnskló og stendur á mörgum af þessum köplum að nóg sé að vera með 10 Ampera lögn. Það er kannski nóg ef ekkert annað er á lögninni. Því er best að stinga svona kapli í 16 A lögn og ekki má í neinum tilfellum nota venjulegar framlengingarsnúrur við hleðslu á rafmagnsbílum. Til að hlaða stórar rafhlöður eins og í bílum þarf að gera hlutina rétt og vera með réttar tengingar og búnað.

Bráðnuð rafmagnsdós, hér var stutt í bruna.

Það verður að hlaða bíla með réttu „græjunum“

Ég er ekki mjög fróður um rafmagn, því leitaði ég til tveggja manna sem vita meira um rafmagn. Þórður Aðalsteinsson vinnur við að selja og setja upp Zaptc hleðslustöðvar fyrir N1, en hann fræddi mig um margt. Hleðsla rafbíla er gríðarlega mikið álag miðað við venjulega heimilisnotkun. Það er ekkert heimilistæki sem líkist orkuþörf rafbíls. Rafbíll er að nota á bilinu 712 kWs á dag. Það er jafn mikið og meðalstórt einbýlishús notar á sólarhring. Hættan er nánast engin ef þetta er gert með viðeigandi búnaði sagði Þórður. 

Félagi minn til margra ára, Ásgeir Örn Rúnarsson, hefur oft verið mér hjálpsamur þegar kemur að rafmagni og rafmagnstækjum og svaraði nokkrum spurningum mínum eins og; af hverju slær út rafmagni þegar sett er í samband? 

Hann segir að útsláttaröryggið í töflu þurfi að vera það sem kallað er „tregt öryggi“ eða með DC vörn. 

„Aldrei á að hlaða með mörgum tenglum inn á sömu grein ef um er að ræða 10 eða 16 Ampera greinar,“ sagði Ásgeir. Hann benti mér á vefsíðu Húsnæðis og mannvirkjastofnunar (á vefsíðunum www.mannvirkjastofnun.is og www.hms.is ) þar sem má fræðast um rafhleðslu á bílum.

Hugað að eldvörnum fyrir jól
Öryggi, heilsa og umhverfi 22. desember 2020

Hugað að eldvörnum fyrir jól

Samfara skammdeginu, ekki síst á aðventu er ekki óalgengt að fólk kveiki á kerta...

Hversu mikið „bras“ er að eiga rafmagnsbíl og fá hleðslu?
Öryggi, heilsa og umhverfi 26. nóvember 2020

Hversu mikið „bras“ er að eiga rafmagnsbíl og fá hleðslu?

Ég horfði á fyrstu 5 þætti af sjónvarpsþáttaseríu sem nefnast „Long Way Up“ þar ...

Stundum sárnar manni hvert eldsneytisskattpeningarnir fara
Öryggi, heilsa og umhverfi 10. nóvember 2020

Stundum sárnar manni hvert eldsneytisskattpeningarnir fara

Það hefur væntanlega ekki farið framhjá neinum umræðan um hættulegt malbik síðan...

Of sjaldan er verðlaunað fyrir það sem vel er gert
Öryggi, heilsa og umhverfi 21. október 2020

Of sjaldan er verðlaunað fyrir það sem vel er gert

Í þessum pistlum hér hefur verið farið úr einu í annað, en oftar en ekki miðast ...

Ánægjulegt að sjá mikla aukningu í notkun öryggisbúnaðar
Öryggi, heilsa og umhverfi 28. september 2020

Ánægjulegt að sjá mikla aukningu í notkun öryggisbúnaðar

Í gegnum árin hef ég verið mikill baráttu­maður þess að fólk noti persónu­hlífar...

Má beita skepnum í vegkanta? NEI, ÞAÐ ER EKKI LEYFILEGT!
Öryggi, heilsa og umhverfi 16. september 2020

Má beita skepnum í vegkanta? NEI, ÞAÐ ER EKKI LEYFILEGT!

Í sumar var undirritaður í hóp með tíu öðrum í skemmtiferð á mótorhjóli um sveit...

Áhættumat erfðablöndunar útskýrt
Öryggi, heilsa og umhverfi 16. september 2020

Áhættumat erfðablöndunar útskýrt

Valdimar Ingi Gunnarsson birti grein um Áhættumat erfðablönd­unar í Bændablaðinu...

Ekki gleyma okkur í gleðinni
Öryggi, heilsa og umhverfi 6. ágúst 2020

Ekki gleyma okkur í gleðinni

Komið hefur fram í þessum pistlum að ég er duglegur að ferðast innanlands. Fyrir...