Vinsamlegast athugið að þetta efni er eldra en 4 ára.
Gætið þess að lok sé sett strax yfir pottinn um leið og notkun hans lýkur.
Gætið þess að lok sé sett strax yfir pottinn um leið og notkun hans lýkur.
Mynd / TB
Fréttir 31. júlí 2019

Drukknun barna á Íslandi

Höfundur: Herdís Storgaard

Herdís Storgaard.
Mynd: Sebastian S.
Á árunum 1984-1993 drukknuðu eða nærdrukknuðu 48 börn á aldrinum 0-14 ára. Vegna nýrra reglna á sundstöðum hefur þessum slysum fækkað um 55% frá 1994 til dagsins í dag. Athyglisvert er að drukknunum barna hefur fjölgað í öðrum Evrópulöndum á sama tíma.
 
Nærdrukknun er þegar að barn fer í hjarta- og öndunarstopp, er endurlífgað og lifir slysið af heilbrigt eða með skemmdir á heila sökum súrefnisskorts.
 
Drukknun ungbarna
 
Ekkert kemur í stað eftirlits fullorðinna með börnum. Ung börn geta drukknað á innan við 3 mínútum í aðeins 2-5 cm djúpu vatni. Drukknun getur átt sér stað víða, s.s. í sundlaug, baði, setlaug, ám, lækjum og ekki síst pollum. Það getur gerst mjög skyndilega og hljóðlega án hrópa eða busls í vatninu.
 
Ekki má treysta eingöngu á sundkennslubúnað, s.s. armakúta eða sundjakka. Börn á þessum aldri eru forvitin og sífellt á ferðinni. Ef þau lenda í erfiðleikum hafa þau litla möguleika á að bjarga sér m.a. vegna þess að höfuð þeirra er hlutfallslega mjög þungt og stórt miðað við líkamann og því eiga þau erfitt með að lyfta höfðinu upp til að ná andanum. Þungur og fyrirferðarmikill fatnaður gerir þeim erfitt fyrir að koma sér upp og ekki má gleyma að kuldi vatns getur dregið fljótt úr kröftum þeirra. 
 
Forðist að leyfa börnum að nota hringlaga kúta (kleinuhringinn) sem þau hafa um sig miðja því þetta er ekki flotbúnaður heldur leikfang og þessi leikföng eru afar hættuleg þar sem börnin geta runnið niður úr þeim eða ef þeir falla þétt að líkama þeirra þá er hætta á að þeim hvolfi. Þegar það gerist er mjög erfitt fyrir barnið að komast með höfuðið upp úr þar sem kúturinn í raun hindrar það að hluta. 
 
Aðgát á ferðalögum
 
Gætið sérstaklega að ungum börnum á ferðalögum, þá einkum nálægt setlaugum og heitum pottum. Gætið þess að lok sé sett strax yfir pottinn um leið og notkun hans lýkur. Því miður hafa börn komist í hættu þegar þau hafa laumað sér aftur út í pottinn. Á ferðalögum er það algengt að fjölskyldan sé að koma á staði þar sem þau þekkja ekki aðstæður og þess vegna er ekki alltaf vitað af vötnum, lækjum og tjörnum og börnunum oft leyft að fara út að leika sér án þess að umhverfið hafi verið kannað gaumgæfilega. Því miður hefur ferðalagið oft endað  illa við þessar kringumstæður.
 
Nánari upplýsingar um slysavarnir barna er að finna á www.msb.is og á Facebook-síðu verkefnisins Árvekni – slysavarnir barna.
 
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...