Vinsamlegast athugið að þetta efni er eldra en 4 ára.
Lækur
Mynd / Steinar Guðjónsson
Bóndinn 10. mars 2022

Lækur

„Við hófum búskap á Læk á fardögum vorið 2014. Bjuggum á Selfossi og þurftum að keyra á milli fyrstu tvö árin. Rífa þurfti gamla bæinn og byggja nýtt hús og fluttum við inn í júní 2016,“ segja ábúendurnir á Læk í Flóahreppi.

„Töluverðar breytingar fyrir unglingana okkar að flytja í sveit en allt hefur þetta lánast vel hingað til. Lækur vel staðsettur, stutt í þjónustu og annað er sækja þarf í kaupstaðinn.“

Býli: Lækur.

Staðsett í sveit: Tilheyrði áður Hraungerðishreppi hinum forna, en nú Flóahreppur.

Ábúendur: Ágúst Guðjónsson og Margrét Drífa Guðmundsdóttir.

Fjölskyldustærð (og gæludýra): Börnin eru Ásdís, f. 1999, Brynhildur, f. 2000, Helena, f. 2002, Katrín, f. 2005 og Benóný, f. 2008.

Stærð jarðar? 220 hektarar. 

Gerð bús? Kúabú.

Feðgar á baki.

Fjöldi búfjár og tegundir? Um 100 nautgripir, þar af um 50 mjólkurkýr, 10 hestar, fjóskettirnir Rósa, Gæfa og Grettir músafangarar. Höfðinginn okkar, hann Lappi. Svo stendur til að yngja upp hænsnastofninn með vorinu.

Hvernig gengur hefðbundinn vinnudagur fyrir sig á bænum? Dagurinn byrjar í mjaltabásnum og lýkur þar. Svo taka við gjafir og hin ýmsu verk sem þarf að sinna. Ágúst sinnir svo ýmsum störfum er tengjast félagsmálum bænda og Margrét Drífa kennir í Setrinu, sérdeild Suðurlands, þrjá daga í viku. 

Skemmtilegustu/leiðinlegustu bústörfin? Gaman þegar hey­skapur gengur vel og allt komið heim. Leiðinlegast er að þurfa að eiga við veikindi hjá skepnunum.

Frúnni finnst afleitt að standa í því að reka kvígur inn að hausti en í seinni tíð fer bóndinn glaður í það verkefni einn síns liðs, ríðandi á hesti og kemur kvígunum inn átakalaust. Í fyrra var hesthúsið gert upp og þjálfun og tamningar hrossa hafa því fengið meiri tíma en áður. Gaman að geta stundað útreiðar allt árið, ekki bara á sumrin.

Hvernig sjáið þið búskapinn fyrir ykkur á jörðinni eftir fimm ár? Það verður vonandi svipuð staða og hjá okkur í dag. Stefnum á að halda áfram uppbyggingu og viðhaldi, bæta umhverfið og vinnuaðstöðu – góðir hlutir gerast hægt.

Hvar teljið þið að helstu tækifærin séu í framleiðslu íslenskra búvara? Kraftmikil vöruþróun er undirstaða velgengni í nútímasamfélagi. Þar á landbúnaðurinn talsvert inni þó að ákveðin vitundarvakning hafi orðið síðustu misserin. Íslenskir bændur framleiða úrvals hráefni sem þarf að koma betur á framfæri við neytendur. 

Hvað er alltaf til í ísskápnum? Ostur, smjör, skyr, egg, rabarbarasulta, lýsi.

Hver er vinsælasti maturinn á heimilinu? Lambakjöt og nautakjöt er líklega vinsælast, eldað og borið fram á ýmsan máta.

Eftirminnilegasta atvikið við bústörfin? Þegar kvígur voru reknar inn fyrsta haustið okkar. Þær voru nú ekki alveg samvinnufúsar, ýmislegt gekk á og hefði verið gott efni í stuttmynd.

Einu sinni var Ágúst klæddur í pollagalla, stígvél, allt teipað saman og sendur ofan í haughús. Verkefnið var að ná í glænýjan síma sem ein dóttirin missti niður við myndatökur í fjósinu. En sem betur fer var nýlega búið að tæma haughúsið þannig að verkefnið gekk vel og ótrúlegt að síminn skyldi finnast á kafi í skít, var í lagi en lyktaði vel í rúma viku.

Aukin framleiðsla í september
Fréttir 6. nóvember 2026

Aukin framleiðsla í september

Framleiðsla á kindakjöti jókst um þrjú prósent í septembermánuði miðað við í fyr...

Sértækur byggðakvóti hefur jákvæðari ávinning
Fréttir 6. nóvember 2026

Sértækur byggðakvóti hefur jákvæðari ávinning

Íslenskur sjávarútvegur hefur tekið stórkostlegum breytingum á síðustu áratugum,...

Viðhorf almennings til sauðfjárbúskapar
Fréttir 6. nóvember 2026

Viðhorf almennings til sauðfjárbúskapar

Könnun á viðhorfi almennings til sauðfjárræktar stendur nú yfir. Hún er hluti af...

Verð heldur áfram að hækka
Fréttir 6. nóvember 2026

Verð heldur áfram að hækka

Á tilboðsmarkaði með greiðslumark mjólkur 2. nóvember hélt jafnvægisverð áfram a...

Fjölbreyttur hrútakostur með verndandi arfgerðir
Fréttir 6. nóvember 2026

Fjölbreyttur hrútakostur með verndandi arfgerðir

Von er á nýrri prentaðri Hrútaskrá 16. nóvember, þar sem sauðfjárbændum verður k...

Hringferðin hafin
Fréttir 5. nóvember 2026

Hringferðin hafin

Fyrsti fundurinn í árlegri hringferð Bændasamtaka Íslands var vel sóttur. Ferðin...

Áætlun fyrir álft í bígerð
Fréttir 5. nóvember 2026

Áætlun fyrir álft í bígerð

Álftir valda bændum tjóni árlega þar sem þær borða og skemma korn á ökrum. Bændu...

Leiðir til úrbóta í gegnum landbúnaðinn
Fréttir 5. nóvember 2026

Leiðir til úrbóta í gegnum landbúnaðinn

Loftslagsdagurinn var haldinn í fimmta sinn í Norðurljósasal Hörpu 28. október. ...