Vinsamlegast athugið að þetta efni er eldra en 4 ára.
Sveinn Margeirsson, doktor í iðnaðarverkfræði, og Sigurður Björnsson sviðsstjóri hjá Rannís ræða um stuðningsumhverfi græna hagkerfisins.
Sveinn Margeirsson, doktor í iðnaðarverkfræði, og Sigurður Björnsson sviðsstjóri hjá Rannís ræða um stuðningsumhverfi græna hagkerfisins.
Mynd / TB
Fréttir 20. janúar 2020

Víða ratað: Landbúnaðurinn þarf að bera sig eftir björginni

Höfundur: Ritstjórn

Sigurður Björnsson, sviðsstjóri rannsókna- og nýsköpunarsviðs hjá Rannís, er gestur Sveins Margeirssonar í nýjum hlaðvarpsþætti Víða ratað. Meðal þess sem ber á góma eru styrkjaleiðir sem tengjast rannsóknum og nýsköpun í landbúnaði og græna hagkerfinu. „Allir sem hafa áhuga á nýsköpun og vilja stunda nýsköpun geta leitað til okkar,“ segir Sigurður. Hann segir að fyrirtæki í landbúnaði geti eins og önnur sótt um styrki í gegnum Nýsköpunarsjóð námsmanna. Þau geti sem dæmi fengið háskólanema í þriggja mánaða verkefni þar sem nemendur koma inn með nýjar hugmyndir, ýta verkefnum af stað undir leiðsögn reyndara fólks.

Hjá Rannís eru reknir stórir samkeppnissjóðir sem eru opnir vísindamönnum og fleirum sem stunda rannsóknir, fræðistörf eða nýsköpun. Rannsóknasjóður og Tækniþróunarsjóður eru stærstir en þeir veita umsækjendum tæplega 5 milljarða króna í styrki á ári. Einnig eru minni sjóðir innan vébanda Rannís, s.s. Innviðasjóður, Loftslagssjóður, Nýsköpunarsjóður námsmanna, listamannalaun, íþróttasjóður og sjóður fyrir sjálfstætt starfandi fræðimenn og fleiri.

Mörg dæmi um vel heppnuð verkefni innan bláa hagkerfisins

Sigurður nefnir dæmi um fyrirtæki tengd sjávarútvegi sem hafa byggst upp og notið aðkomu Rannís. „Við getum horft til fyrirtækja sem eru mjög öflug á heimsvísu. Marel til dæmis naut mikilla styrkja á sínum tíma úr sjóðum Rannís. Við erum með önnur fyrirtæki eins og Völku og Curio sem hlaut Nýsköpunarverðlaun Íslands árið 2019.“

Þurfum að nýta möguleikana sem bjóðast

Sveinn spurði hvort það væru ekki tækifæri í að nýta þá miklu reynslu og þekkingu sem byggst hefur upp í bláa hagkerfinu [sjávarútvegi og tengdum greinum] og í líftækni til þess að byggja upp græna hagkerfið [náttúra, matvælaframleiðsla, orkubúskapur, sjálfbærni].

„Ég geri ráð fyrir því að bændur og þeir sem tengjast græna hagkerfinu geti lært af því og náð árangri. Hvort við verðum fremst í heimi veit ég ekkert um – en við höfum möguleika hér og við eigum að reyna að nýta þá. Það hljóta að vera tækifæri í því en auðvitað þurfa þeir sem eru í græna hagkerfinu að keyra það áfram sjálfir. Það er ekki okkar að benda á tækifærin. Þeir sem eru í hagkerfinu eru þeir sem þurfa að stíga upp og nýta sér þau,“ segir Sigurður og bætir við að hér sé öflugt stuðningsumhverfi fyrir rannsóknir og nýsköpun þó auðvitað vilji menn alltaf meiri fjármuni í málaflokkinn.

Þátturinn Víða ratað er hýstur undir merkjum Hlöðunnar, hlaðvarps Bændablaðsins, á öllum helstu streymisveitum. Hægt er að hlusta á hlaðvarpsþáttinn hér undir.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...