Ráðinn í markaðsmál nautakjötsins
Höfundur: TB
Höskuldur Sæmundsson hefur verið ráðinn sem verkefnastjóri hjá Landssambandi kúabænda. Starf hans felst í að greina íslenskan nautakjötsmarkað og vinna við markaðssetningu á íslenskri nautakjötsframleiðslu.
Höskuldur starfaði áður sem vörumerkjastjóri hjá Ölgerðinni, sem kennari í Bjórskólanum og á markaðsdeild Ríkisútvarpsins. Þá vann Höskuldur á yngri árum hjá Mjólkurfélagi Reykjavíkur þar sem hann þjónustaði bændur landsins. Höskuldur er menntaður leikari og lagði stund á meistaranám í markaðsfræði og alþjóðaviðskiptum við HÍ.
Alls sóttu 23 um starfið, 16 karlar og 7 konur. Höskuldur hefur störf eftir verslunarmannahelgi og mun hafa aðsetur í Bændahöllinni.