Vinsamlegast athugið að þetta efni er eldra en 4 ára.
Halldóra Kristín Hauksdóttir var kosin ný inn í stjórn Bænda­samtaka Íslands á nýafstöðnu Búnaðarþingi. Hún á ekki langt að sækja áhugann á félagsmálum bænda, en faðir hennar, Haukur Halldórsson, var lengi formaður Stéttarsambands bænda.Mynd / HKr.
Halldóra Kristín Hauksdóttir var kosin ný inn í stjórn Bænda­samtaka Íslands á nýafstöðnu Búnaðarþingi. Hún á ekki langt að sækja áhugann á félagsmálum bænda, en faðir hennar, Haukur Halldórsson, var lengi formaður Stéttarsambands bænda.Mynd / HKr.
Fréttir 5. mars 2020

Nauðsynlegt að bæta ásýnd bænda út á við

Höfundur: Vilmundur Hansen

Halldóra Kristín Hauksdóttir var kosin ný inn í stjórn Bænda­samtaka Íslands á nýafstöðnu Búnaðarþingi. Hún segist lengi hafa haft áhuga á málefnum bænda, ekki síst félagsmálunum, og hún segist hlakka til að takast á við þau nýju og krefjandi verkefni sem stjórnarsetunni fylgja.

Halldóra er Suður-Þingeyingur og alin upp í Sveinbjarnargerði í Svalbarðsstrandarhreppi. Hún starfar sem lögmaður á Fjölskyldusviði hjá Akureyrarbæ og situr í stjórn Byggðastofnunar. Auk þess rekur hún eggjabúið Grænegg ásamt mági sínum og er framleiðslan um 200 tonn af eggjum á ári.

Spennandi áskoranir

„Það eru margar ástæður fyrir því að ég gaf kost á mér í stjórn Bændasamtaka Íslands. Starfinu fylgja áskoranir og auk þess var skorað á mig að gefa kost á mér. Ég hef verið viðloðandi félagsstarf Bændasamtakanna frá því að ég var barn þar sem faðir minn,  Haukur Halldórsson, var formaður Stéttarsambands bænda.

Hagsmunir bænda hafa alltaf verið mér hugleiknir og ég lengi haft sterkar skoðanir á þeim. Þá má nefna að ég skrifaði BA-ritgerð mína í lögfræði um áhrif WTO skuldbindinga á íslenska lagasetningu á sviði landbúnaðar og afleiðingar þeirra fyrir íslenskan landbúnað. Auk þess sem ég starfa í landbúnaðargeiranum og í stjórn Félags eggjabænda og ef eitthvað er hefur áhugi minn á málefnum bænda verið að ágerast,“ segir Halldóra.

Kominn tíma á nýja hugsun

Halldóra segir að vissulega telji hún sig að einhverju marki vera fulltrúa eggja- og kjúklingabænda í stjórninni. „Hins vegar er það lykilatriði í mínum huga að ég sé að starfa fyrir alla bændur á Íslandi og landbúnaðinn í heild og ég mun ekki gera greinarmun á búgreinum í starfi mínu.

Það er kominn tími á nýja hugsun innan Bændasamtakanna og að breyta vörn í sókn og ég vona að kraftar mínir nýtist til þess að byggja samtökin upp að nýju og taka til í félagsstarfinu.

Ég viðurkenni að félagsstarf bænda er mér hugleikið og það sem dró mig að samtökunum. Samvinna er lykilhugtal í mínum huga.“

Bændur eiga að vera stoltir

„Mér finnst einnig kominn tími til að bæta ásýnd bændastéttarinnar út á við. Umræðan í þjóðfélaginu um bændur og landbúnað er oft á villigötum og kominn tími til að við leiðréttum hana og gerum hana nútímalegri. Bændur eiga að vera stoltir af því sem þeir hafa fram að bjóða og vera óhræddir við að sýna það.“

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...