Vinsamlegast athugið að þetta efni er eldra en 7 ára.
Mjólkursamsalan mótmælir ákvörðun Samkeppniseftirlitsins
Fréttir 8. júlí 2016

Mjólkursamsalan mótmælir ákvörðun Samkeppniseftirlitsins

Mjólkursamsalan ehf. (MS) hefur sent frá sér eftirfarandi fréttatilkynningu þar sem segir að MS mótmæli ákvörðun Samkeppniseftirlitsins um meinta misnotkun á markaðsráðandi stöðu sem birt var í gær.

Fyrirtækið hyggst áfrýja ákvörðun eftirlitsins til áfrýjunarnefndar samkeppnismála. Samkvæmt ákvörðuninni sem birt var í dag er MS gert að greiða 480 m.kr. sekt vegna meintrar misnotkunar MS á markaðsráðandi stöðu.

Um er að ræða endurupptöku Samkeppniseftirlitsins á máli frá árinu 2014 en áfrýjunarnefnd samkeppnismála ógilti fyrri ákvörðun eftirlitsins á grundvelli ónógrar rannsóknar í desember 2014 og felldi sekt úr gildi. Þá er fyrirtækinu einnig gert að sæta nánar tilgreindum skilyrðum í starfsemi sinni er lýtur að sölu á hrámjólk en það er ný ákvörðun eftirlitsins. 

MS hefur ávallt lagt ríka áherslu á að starfa í hvívetna í samræmi við samkeppnislög og eiga með reglubundnum hætti samtal við Samkeppniseftirlitið um markaðsfærslur sínar.

Sem fyrr telur MS að niðurstaða Samkeppniseftirlitsins byggi á rangri túlkun á samspili samkeppnislaga og búvörulaga, auk þess sem rangar ályktanir eru dregnar um þau viðskipti sem til rannsóknar voru.

Vegna niðurstöðunnar vill MS árétta nokkra þætti í málinu.

1. Samkvæmt ákvörðun löggjafans er hluti af starfsemi mjólkuriðnaðarins undanþeginn afmörkuðum ákvæðum samkeppnislaga. Markmið þess er að lækka kostnað við framleiðslu mjólkurafurða, til ábata fyrir neytendur. Skipulag starfsemi MS og tengdra aðila hefur grundvallast á þessu. Samkvæmt ákvörðun Samkeppniseftirlitsins telur stjórnvaldið að miðlun MS á hrámjólk hafi fallið utan þess samstarfs sem búvörulög heimila. MS telur þá túlkun ekki standast skoðun og mun æðra stjórnvald nú skera úr um þetta álitaefni.

2. Til þess að hægt sé að tala um að fyrirtækjum sé mismunað í viðskiptum, líkt og MS er gert að sök í nefndu máli, verður að vera um að ræða sambærileg viðskipti en með mismunandi kjörum. Um það var ekki að ræða. Viðskiptin voru annars vegar hrein og skilmálalaus sala á hrámjólk til þriðja aðila og hins vegar miðlun á tilteknu magni hrámjólkur milli samstarfsaðila með skýrum skilmálum um til hvers hráefnið skyldi nýtt og hvert væri hámarksmagn, allt á grundvelli ákvæða búvörulaga. Þetta telur MS ekki unnt að leggja að jöfnu og því hafi ekki verið um mismunun að ræða. Af þeirri ástæðu telur fyrirtækið ljóst að það braut ekki samkeppnislög.

3. Ákvörðun Samkeppniseftirlitsins kveður á um háa sekt, en MS er gert að greiða 440 m.kr. vegna brots gegn 11. gr. samkeppnislaga. Með hliðsjón af atvikum málsins telur MS að fjárhæð sektarinnar sé í engu samræmi við eðli hins meinta brots fyrirtækisins. MS hafði engan ásetning um hið meinta brot. Fyrirtækið hefur ávallt, vegna undanþáguheimildar búvörulaga, lagt ríka áherslu á að starfa í hvívetna í samræmi við samkeppnislög, þegar ákvæði þeirra eiga við, og eiga með reglubundnum hætti samtal við Samkeppniseftirlitið um markaðsfærslur sínar. Hafa ber í huga að með úrskurði áfrýjunarnefndar samkeppnismála, hvar fyrri ákvörðun Samkeppniseftirlitsins var ógilt, var staðfest að Samkeppniseftirlitið hafði sjálft ekki gefið samspili búvörulaga og samkeppnislaga nægilega gaum í rannsókn sinni. Hvernig skuli túlka þær undanþágur sem löggjafinn hefur veitt mjólkuriðnaði frá ákvæðum samkeppnislaga hefur því ekki farist Samkeppniseftirlitinu vel úr hendi. Að þessu leyti er augljóst að hin háa sekt er úr hófi.

4. Þá er MS gerð 40 m.kr. sekt vegna meintrar rangrar upplýsingagjafar. Þessu er harðlega mótmælt. Árétta ber að MS hefur hvorki fyrr né síðar leynt nokkrum þeim upplýsingum eða gögnum sem Samkeppniseftirlitið hefur óskað eftir. Í máli þessu var frá öndverðu upplýst um samstarf MS og KS. Afstaða Samkeppniseftirlitsins í hinu fyrra máli var hins vegar sú að samstarf þetta hefði engin áhrif í málinu og því var það ekki rannsakað til hlítar. Þetta staðfesti áfrýjunarnefnd samkeppnismála með því að ógilda fyrri ákvörðun Samkeppniseftirlitsins. Ályktanir Samkeppniseftirlitsins um þetta eru því ekki á rökum reistar.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...