Vinsamlegast athugið að þetta efni er eldra en 6 ára.
Landbúnaðarráðherra segir tillögurnar verði til endurskoðunar
Mynd / HKr.
Fréttir 11. september 2017

Landbúnaðarráðherra segir tillögurnar verði til endurskoðunar

Höfundur: smh

Þorgerður Katrín Gunnarsdóttir landbúnaðarráðherra kynnti tillögur sínar til að laga slæma stöðu sauðfjárbænda á fundi atvinnuveganefndar Alþingis í morgun. Meginmarkmið tillagnanna er, eins og áður hefur komið fram, meðal annars að fækka fé um 20 prósent og draga úr kjaraskerðingu sauðfjárbænda.

Þorgerður Katrín sagði í viðtali við Ríkisútvarpið eftir fundinni í dag að tillögurnar eigi að beinast að eldri bændum – að þeim sé gert fært að fara út úr greininni með opinberum greiðslum – en gagnrýnt hefur verið að það verði frekar yngri skuldsettari bændur sem muni nýta sér þau úrræði.

„Í samráði við Bændasamtökin þá hafa tillögurnar þróast svona. En ef að menn vilja breyta því að þá er ég meira en reiðubúin í það. Ég tel mikilvægt að við reynum að draga úr framleiðslunni. Ég held að þannig ráðumst við að rótum vandans. En ef að menn eru ekki tilbúnir í þessar tillögur að þá bara förum við og setjum þetta inn í endurskoðunarnefnd búvörusamningsins. Það er ramminn sem að er til staðar og við reynum þá að beina því í þann farveg“, segir Þorgerður Katrín í viðtalinu við Ríkisútvarpið.

Ríkisútvarpið ræddi einnig við þau Lilju Rafneyju Magnúsdóttur og Sigurð Inga Jóhannsson, sem sitja í atvinnunefnd. Lilja Rafney telur að með tillögunum sé verið að höfða til yngri bænda sem hafi áhyggjur sinni skuldastöðu og muni stökkvi á tillögurnar. Það geti haft ákveðna byggðaröskun í för með sér. Sigurður Ingi segir að verið sé að fækka bændum án þess að nokkur umræða um það hafi verið tekin. „Og á þessum fundi fengum við mjög litlar upplýsingar. Okkur er sagt að það sé til greiningarvinna. Við höfum ekki séð hana. Við höfum frétt af skýrslu Byggðastofnunar. Við höfum ekki fengið að sjá hana.

[…]

Tillögur bænda og afurðastöðvanna eru að minnka framleiðsluna, fara í áframhaldandi nýsköpun og allt það. Það er allt jákvætt. En tillögurnar virðast því miður enda þannig að þeir beinast að því beinlínis að fækka bændum og þá helst jafnvel ungum bændum og þeim sem búa í brothættum byggðum. Og það gat varla verið tilgangurinn,“ segir Sigurður Ingi í viðtali við Ríkisútvarpið.

Forsvarsmenn sauðfjárbænda hafa líka gagnrýnt að hætta sé á því að skuldsettir yngri bændur munir nýta sér ákvæði í tillögunum til að losna út úr greininni og að ekki sé tekið beint á birgðavandanum. 

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...