Vinsamlegast athugið að þetta efni er eldra en 4 ára.
Sagt er að yfirborð eyjanna líti stundum út fyrir að vera á hreyfingu vegna fjölda músa.
Sagt er að yfirborð eyjanna líti stundum út fyrir að vera á hreyfingu vegna fjölda músa.
Fréttir 11. desember 2019

Innrás músanna

Höfundur: Vilmundur Hansen

Vistkerfi Farallon-eyja, sem liggur við norðanverða strönd Kaliforníu, er sagt vera í bráðri hættu vegna mikillar fjölgunar músa. Eyjarnar eru sagðar ríkar af líffræðilegri fjölbreytni en líffræðingar segja að það geti breyst hratt verði ekkert að gert til að hefta fjölgun músanna.

Farallon-eyjar liggja um 48 kílómetra út af borginni San Francisco og þar verpa um 300 þúsund sjófuglar af ýmsum tegundum, auk þess sem selir og sæljón eru algeng á eyjunum.

Líffræðingar sem hafa verið að kanna hegðun hákarla við eyjarnar og far fugla segja að undanfarin ár hafi músum á eyjunni fjölgað gríðarlega og nú sé svo komið að þær ógni öðrum lífverum þar með afráni. Mýsnar á eyjunum eiga sér enga náttúrulega óvini og fjölga sér því hratt.

Éta allt sem að kjafti kemur

Ekki er nóg með að mýsnar éti fræ þeirra plantna sem á eyjunni eru og dragi þannig úr vexti heldur grafa þær holur og taka yfir holur varpfugla og hrekja fuglana á brott.
Sprenging í fjölda

Talið er að mýs hafi borist til eyjanna á seinni hluta nítjándu aldar með sjómönnum sem heimsóttu þær til að safna eggjum. Fjölgun músanna var takmörkuð þar til fyrir nokkrum árum þegar spenging varð í fjölda þeirra og nú er svo komið að þær eru um allt eins og plága. Fjöldi músa á eyjunni er sagður vera sá mesti á hektara í heiminum og varla hægt að þverfóta fyrir þeim og stundum sagt að yfirborð eyjanna líti út fyrir að vera á hreyfingu vegna fjölda þeirra.

Gildrur eða eitur

Að sögn þeirra sem láta sér málið varða verður að gera eitthvað róttækt til að draga úr fjölda músanna áður en þær valda enn meiri skaða á lífríki eyjanna. Langt er frá að allir séu sammála um til hvaða aðgerða eigi að grípa. Fljótlegasta og öruggasta leiðin er sögð að eitra fyrir músunum en aðrir segja að eitrunin muni hafa ófyrirsjáanleg áhrif á annað dýralíf á eyjunum og í sjónum í kringum þær. Andstæðingar eitrunar segja að betra sé að leggja fyrir mýsnar gildrur.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...