Vinsamlegast athugið að þetta efni er eldra en 4 ára.
Geitahangikjöt sem var á boðstólunum á uppskeruhátíð verkefnisins um aukið verðmæti geitaafurða.
Geitahangikjöt sem var á boðstólunum á uppskeruhátíð verkefnisins um aukið verðmæti geitaafurða.
Mynd / Guðni Ársæll Indriðason
Fréttir 30. apríl 2019

Geitfjárræktarfélags Íslands stefnir að fjölgun félaga

Höfundur: smh
Aðalfundur Geitfjárræktarfélags Íslands var haldinn 23. mars í Landnámssetrinu í Borgarnesi. Að sögn Önnu Maríu Flygenring formanns er mikil gróska í félaginu. Hún segir að talsvert hafi verið rætt á fundinum um leiðir til að ná til þeirra geitabænda sem ekki eru í félaginu, sem væri nauðsynlegt til að styrkja starfið.
 
Anna María segir að engin breyting verði á stjórn félagsins og áfram sitja þau Guðni Ársæll Indriðason, Anna María Lind Geirsdóttir, Birna Kristín Baldursdóttir og Guðný G. Ívarsdóttir. „Ný stjórn á eftir að funda og skipta með sér verkum, en ég vona að verkaskiptingin verði bara eins og hún er því hún hefur reynst vel,“ segir Anna María.
 
Anna María Flygenring er formaður Geitfjárræktarfélags Íslands. 
 
 
Alþjóðleg skráning og skýrsluhald fyrir íslenska geitfjárkynið
 
Að sögn Önnu Maríu lagði Ólafur Dýrmundsson tillögu fyrir fundinn um skýrsluhaldsforritið Heiðrúnu, sem fundarmenn samþykktu. Þar er stjórn Geitfjárræktarfélags Íslands falið að beita sér fyrir endurskoðun og framþróun Heiðrúnar þannig að það verði bæði aðgengilegt og nýtilegt öllum eigendum íslensku geitarinnar. Við endurskoðunina verði hugað að litaskráningu, bæði á litum og litaafbrigðum – og leitað sérfræðiaðstoðar eftir þörfum. 
 
Þá er í tillögunni þeim tilmælum beint til Bændasamtaka Íslands að skýrsluhaldskerfið skuli þróað á þann veg að það nýtist til alþjóðlegrar skráningar. 
 
Aukið verðmæti geitaafurða
 
Anna María segir að félagið hafi átt í áhugaverðu samstarfi við Matarauð Íslands, sérfræðinga á vegum Matís og Hótel- og matvælaskólann, þar sem verkefnið væri að bæta geitakjötsmat og efla þekkingu kjötvinnslumanna á vinnslu geitakjöts. Tilgangurinn sé að auka verðmæti geitaafurða. „Það var eins konar uppskeruhátíð þessa samstarfs á dögunum í Hótel- og matvælaskólanum, þar sem saman komu aðilar frá þeim sem lögðu til kjöt í rannsóknir Matís á innihaldi geitakjöts, kjötiðnarmenn og fjölmennt lið kokkanema, þjónanema, stjórnar GFFÍ, Matísmanna og verkefnastjóra Matarauðs Íslands. Vel var að verki staðið þar og bornir fram alls kyns réttir, allir úr geitakjöti en ýmsu öðru bætt við eftir hugmyndaflugi nemanna. 
 
Það er mikil lyftistöng fyrir geitabændur að fá þetta upp í hendurnar, því að allt svona er gríðargóð kynning á afurðunum. Allir réttirnir brögðuðust feikna vel. Uppskriftirnar má finna  á vef Matarauðs Íslands (mataraudur.is).“
 

5 myndir:

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...