Vinsamlegast athugið að þetta efni er eldra en 6 ára.
Ágúst Andrésson, formaður Landssamtaka sláturleyfishafa, í pontu á fundi sauðfjárbænda.
Ágúst Andrésson, formaður Landssamtaka sláturleyfishafa, í pontu á fundi sauðfjárbænda.
Mynd / smh
Fréttir 30. október 2017

Bæta þarf tækjabúnað og gera úrvinnslu skilvirkari

Höfundur: smh
Bæta þarf tækjabúnað sláturhúsa til að hægt verði að auka skilvirkni og hagræða í rekstri þeirra.
 
Þetta kom fram á fundi Lands­samtaka sauðfjár­bænda 19. september síðastliðinn á Hótel Sögu. Ágúst Andrésson, formaður Landssamtaka sláturleyfishafa, flutti framsögu sem gestur fundarins. Síðan var orðið gefið laust þar sem bændum gafst færi á að leggja fyrirspurnir fyrir Ágúst. Nokkrir bændur tóku til máls og var meðal annars spurt um málefni tengd afurðaverði til bænda, markaðsmál afurðastöðvanna og rekstur sláturhúsanna. Í svörum hans komu fram nokkur atriði sem hægt væri að bæta í starfsemi sláturhúsanna. 
 
Þungur rekstur afurðastöðvanna 
 
Ágúst tók undir með bændum, að framkomið almennt afurðaverð gengi hreinlega ekki upp fyrir þá rekstrarlega séð. Það væri rétt sem bent hefði verið á, að 650 krónur á kílóið væri það lágmarksverð sem sláturleyfis­hafar þyrftu að geta boðið. Það væri hins vegar ljóst að rekstur afurðastöðvanna hefði verið mjög þungur af ýmsum ástæðum. Launahækkanir og kostn­aðarsamt starfsmannahald væru einn liður í þeim vanda. 
 
Framþróun tæknibúnaðar sláturhúsa
 
Hann sagðist hafa fundað með fulltrúum frá Marel um hvernig stíga mætti næstu skref í framþróun á tæknibúnaði sláturhúsanna. Flestar afurðastöðvarnar hefðu á undanförnum misserum uppfært sinn búnað að hluta til, en þegar kæmi að úrvinnslunni væri enn hætt að bæta ýmislegt. Áður hefði verið kappkostað að slátra öllu eins hratt og hægt væri og frysta nánast jafnóðum skrokkana heila, þannig að ekki gafst tími til að afgreiða pantanir. Þróunin nú væri sú að æskilegt væri að hægt sé að skera og vinna sem mest í sölueiningar, daginn eftir slátrun. Sláturhúsin þyrftu að laga sig betur að slíkum vinnubrögðum með úrbeiningarlínur og skurðarvélar. Ekki hafi náðst að fylgja eftir þróuninni hjá þeim sláturhúsum sem væru komin hvað lengst að þessu leyti. 
 
Ágúst sagði að rekstrarkostnaður sláturhúsanna hefði aukist ár frá ári. Launakostnaður hefði hækkað og svo væri mikil samkeppni um húsnæði fyrir það vinnuafl sem kæmi til tímabundinna starfa í sláturhúsum. Ef tækist að fækka þessu starfsfólki myndi það þýða hagræðingu í rekstri. 
 
Fundur Landssamtaka sauðfjárbænda.
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...