Vinsamlegast athugið að þetta efni er eldra en 4 ára.
Kort sem sýnir skógarelda í Brasilíu, Bólivíu og Paragvæ samkvæmt gervihnattamynd 13. ágúst síðastliðinn. Mynd / Global Forest Watch
Kort sem sýnir skógarelda í Brasilíu, Bólivíu og Paragvæ samkvæmt gervihnattamynd 13. ágúst síðastliðinn. Mynd / Global Forest Watch
Fréttir 4. september 2019

Amasonskógar brenna sem aldrei fyrr

Höfundur: Vilmundur Hansen

Gervihnattamyndir sýna að fjöldi skógarelda í þeim hluta Amasonskóganna sem eru innan landamæra Brasilíu hefur aldrei verið fleiri en á þessu ári. Aukning í fjölda skógarelda á svæðinu er 84% frá 2018. Skógareldar á öðrum svæðum Amason eru undir meðaltali undanfarinna ára.

Jair Bolsonaro, forseti Brasilíu, hefur verið harðlega gagnrýndur þegar kemur að málefnum sem snúa að Amasonskógunum í kjölfar þess að hann hefur gefið mjög eftir þegar kemur að skógarvinnslu í landinu og veitt leyfi til skógarhöggs á svæðum sem áður voru friðuð. Auk þess sem hann hefur slakað á refsingum þegar kemur að ólöglegu skógarhöggi á friðlandi innfæddra.

Bolsonaro hefur einnig verið gagnrýndur fyrir að reka yfirmann stofunnar sem heldur utan um upplýsingar um stærð skóga í Brasilíu eftir að að sló í brýnu milli þeirra vegna tölfræðiupplýsinga um eyðingu skóga í landinu sem Bolsonaro taldi rangar.

Forsetinn blæs á alla gagnrýni um skógareyðingu í Brasilíu og segir að um eðlilegar skógarnytjar sé að ræða. „Annaðhvort kalla menn mig Kaptein keðjusög eða líkja mér við Neró keisara og segja mig bera ábyrgð á skógareldunum.“ Haft hefur verið eftir forsetanum að umhverfisverndarsinnar beri ábyrgð á eldunum og að þeir hafi kveikt þá til að hefna sín á sér og stjórninni fyrir að draga úr framlögum til umhverfismála.

Hægrimaðurinn Jair Bolsonaro, forseti Brasilíu, hefur verið harðlega gagnrýndur þegar kemur að málefnum sem snúa að Amason­skógunum.

84% aukning elda í Brasilíu

Gagnrýnendur forsetans segja að skógareyðing í Brasilíu hafi aukist gríðarlega eftir að hann tók við embætti í janúar á þessu ári, eða um 84% frá síðasta ári. Til samanburðar sýna gervihnattamyndir að skógareldar á svæðum utan Brasilíu eru undir meðaltali það sem af er árinu.

Myrkur á hádegi

Reykur og mengun frá eldunum er slík að fyrr í mánuðinum varð nánast almyrkt á hádegi í borginni São Paulo sem er í 2.700 kílómetra fjarlægð frá mestu eldunum.

Skógareldar í Amason eru algengir, sérstaklega ef um langvarandi þurrka er að ræða eins og hafa verið í ár. Í ofanálag er vitað að fjöldi eldanna er af manna völdum þar sem markmiðið er að brenna tré til að búa til beitiland fyrir nautgripi og auka kjötframleiðslu.

Viðsnúningur í verndun

Undanfarna áratugi hefur stjórnvöldum í Brasilíu tekist til langs tíma að draga úr skógareyðingu í landinu, meðal annars með því að berjast gegn og herða refsingar við ólöglegu skógarhöggi. Eitt af fyrstu verkum hægrimannsins Bolsonaro og stjórnar hans eftir að hann komst til valda var að auka skógarhögg í landinu og draga úr refsingum við ólöglegu skógarhöggi. Forsetinn hikar ekki við að gangrýna skýrslur, bæði innlendar og alþjóðlegar, sem gagnrýna skógarhögg í landinu og segja þær rangar. Auk þess sem Bolsonaro hefur ekki hikað við að víkja gagnrýnendum sínum úr starfi og ráða viðhlæjendur sína í stöðurnar.

Skógareldar í Amasonskógum Brasilíu í ár eru þeir mestu sem vitað er um. Þar hefur skógurinn verið ruddur á stórum svæðum til að rýma fyrir nautgripa- og sojarækt.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...