Vinsamlegast athugið að þetta efni er eldra en 11 mánaða.
 Skrautepli. Malus 'Makamik'.
Skrautepli. Malus 'Makamik'.
Mynd / Guðríður Helgadóttir
Fræðsluhornið 14. júní 2021

Vel blómstrandi tré og runnar

Höfundur: Guðríður Helgadóttir

Fátt vekur meiri kátínu og gleði hjá garð­eig­endum en þessar dá­sam­legu tegundir plant­na sem blómstra eld­snemma á vorin, færa sólþyrstum og ná­fölum landsmönnum vor­ið á silfurfati með blóm­skrúði sínu, sann­færa lýðinn um að heitir sumar­dagar séu rétt hand­an við hornið.

Með hlýnandi veður­fari hefur fjöldi vorblómstr­andi tegunda trjáa og runna farið vaxandi á undanförnum árum og heilmikið úrval af þessum gleðigjöfum í gróðrarstöðvum. Þarna má telja ávaxtatré eins og epli, perur, plómur og kirsiber; skrautlegar blómasprengjur eins og rósakirsi og skrautepli ýmiss konar; töfratré með sín bleiku eða hvítu blóm sem birtast áður en plantan laufgast, að ógleymdum berjarunnum og ýmsum toppum (Lonicera) sem blómstra um svipað leyti og plönturnar laufgast.

Rósakirsi. Prunus nipponica var. kurilensis 'Rosea'.

Eftir þessa fyrstu blómabylgju koma svo geislasópur, baunatré og gullregn, broddar (Berberis) og reyniviðir og fast á hæla þeirra fylgja hvítblómstrandi kvistir, sýrenur og jafnvel runnamura. Allar þessar snemmblómstrandi tegundir undirbúa blómgun sína með myndun blómbruma árið áður.
Veðurfar síðasta sumars hefur því verulega áhrif á blómgun þessa sumars, ef síðasta sumar er hlýtt og gott gefur það von um góða blómgun núna. Hins vegar eru þessar tegundir viðkvæmar fyrir næturfrosti þegar blómgunin er komin af stað. Þeir sem hafa sambönd við veðurmáttarvöldin ættu því að semja við þau um hlýtt og bjart vor með hæfilegri vætu, langvarandi þurrkar eru ekki hvetjandi fyrir blómþroskann. Einnig er mikilvægt að velja svona glæsilegum blómplöntum heppilegan vaxtarstað, sólríkan, má vera skjólgóður, jarðvegurinn heppilegur fyrir þarfir plöntunnar og síðast en ekki síst gott rými til að hægt sé að dást að drottningunni frá sem flestum hliðum.

Erfðamengjaúrval í innlendum kornkynbótum
Fræðsluhornið 23. maí 2022

Erfðamengjaúrval í innlendum kornkynbótum

Byggkynbætur voru stundaðar á Íslandi um áratugaskeið, fyrst við Rannsóknastofnu...

Eftirlit með þunga og stærð gripa er vanmetið bústjórnartæki
Fræðsluhornið 23. maí 2022

Eftirlit með þunga og stærð gripa er vanmetið bústjórnartæki

Störf kúabænda eru margþætt, afar fjölbreytt og vissulega mismikilvæg en eitt af...

Tófú er bæði klístrað og hart
Fræðsluhornið 17. maí 2022

Tófú er bæði klístrað og hart

Tófú er unnið úr hleyptum safa í sojabaunum eða sojamjólk eins og sumir vilja ka...

Betri nýting áburðar með hjálp IceCORS leiðréttingarkerfis Landmælinga Íslands
Fræðsluhornið 16. maí 2022

Betri nýting áburðar með hjálp IceCORS leiðréttingarkerfis Landmælinga Íslands

Eins og allir hafa orðið varir við þá hefur áburðarverð hækkað verulega á síðast...

Úrvalsnýting nautanna sem voru fædd 2016
Fræðsluhornið 9. maí 2022

Úrvalsnýting nautanna sem voru fædd 2016

Sú hefð hefur skapast að sýna niðurstöður afkvæmarannsókna á nautum með því að d...

Skráningar á kynbótasýningar þetta vorið
Fræðsluhornið 9. maí 2022

Skráningar á kynbótasýningar þetta vorið

Opnað verður á skráningar á kynbótasýningar nú í byrjun maí og verður það kynnt ...

Nýr sparneytinn Honda HR-V
Fræðsluhornið 9. maí 2022

Nýr sparneytinn Honda HR-V

Fyrir nokkru síðan frumsýndi Askja nýjan Honda HR-V Hybrid-bíl, sjálfskiptan, fr...

Jarðrækt – Sprotinn
Fræðsluhornið 6. maí 2022

Jarðrækt – Sprotinn

Lífið fer hring eftir hring og þannig er aftur komið vor með tilheyrandi viðfang...