Vinsamlegast athugið að þetta efni er eldra en 2 ára.
Toyota Proace City Verso.
Toyota Proace City Verso.
Mynd / HLJ
Á faglegum nótum 19. október 2021

Sjö manna Toyota Proace, rúmgóður á góðu verði

Höfundur: Hjörtur L. Jónsson - liklegur@internet.is

Fyrir nokkru síðan keyrði ég á eftir Toyota Proace leigubíl sem mér virtist vera hagnýtur og pláss­mikill bíll og fór í Toyota til að fá að prófa og skoða bílinn nánar. Eftir rúman 300 km akstur var ég nokkuð sáttur við bílinn og tel hann vænlegan kost fyrir þá sem þurfa pláss fyrir marga farþega og mikinn farangur.

Þegar ég settist inn í bílinn fann ég strax að ökumannssætið var að fara vel með mig og keyrði sem leið lá upp í Þjórsárdal í þeim tilgangi að finna hvernig manni líður við að sitja lengi í bílnum.

Eftir því sem kílómetrarnir töldu leið mér betur og betur og greinilegt að þessi bíll er góður sem vinnubíll og í lengri ferðir, hávaðamælingin kom vel út. 1,5 lítra dísilvélin nánast hljóðlaus og bíllinn vel einangraður gagnvart umhverfishljóðum. Á 90 km hraða mældist hávaðinn inni í bíl vera 68,8 db. Fín mæling, en þess ber að geta að bíllinn var á sumardekkjum, en ekki á heilsársdekkjum eins og margir bílar sem umboðin hafa reynsluakstursbíla á.

Uppgefin eyðsla á hundraðið er á bilinu 5,6 til 6,2 á hundraðið við bestu aðstæður, en að loknum 333 km akstri sýndi aksturstölvan að ég hafði verið að eyða 6,6 lítrum á hundraðið.
Á malarvegi heyrðist lítið steinahljóð undir bílnum, fjöðrunin tók vel smærri holur og má keyra hann ansi ákveðið í beygjur á lausri möl án þess að hann missi grip á annaðhvort fram- eða afturhjól, en þegar hann missti grip voru það öll hjólin sem misstu gripið á sama tíma þannig að þyngdin virðist vera nokkuð jöfn á öll hjól.

Farangursrýmið er mikið og öftustu tvö sætin er auðvelt að taka úr bílnum vilji maður enn meira rými.

Vél, skipting og verð

Toyota Proace er framleiddur í samstarfi m.a. með Citroën og Peugeot og eru bílarnir svipaðir í framleiðslu og útliti. Hægt er að fá nokkrar mismunandi stærðir og útfærslur af Toyota Proace, en bíllinn sem var prófaður er sjö manna bíll og nefnist „family +“ (lengri gerðin), er með 1,5 l dísilvél sem skilar 130 hestöflum (mætti alveg vera kraftmeiri þegar kemur að brekkum og íslenskum mótvindi).

Bíllinn er sjálfskiptur með 8 þrepa skiptingu og kostar 6.970.000.

Mikið er lagt upp úr öryggi og er bíllinn m.a. með árekstrarviðvörunarkerfi, umferðarskiltaaðstoð, akreinalesara, sjálfvirkan hraðastilli og blindsvæðisskynjara.
Bíllinn kemur með fullbúið varadekk sem er undir bílnum að aftan. Smá ábending:

Af fenginni reynslu þá vill boltinn sem festir varadekkið ryðga fastur og hef ég snúið svona bolta í sundur við að ná varadekkinu undan, því er gott að setja vel af koppafeiti á boltann og losa reglulega.

Olnbogarými er gott og plássið er fínt í miðjusætunum.

Hugsaður sem fjölnota bíll

Til að bíllinn nýtist á sem hagkvæmastan hátt er hugsað fyrir mörgu, geymsluhólf fyrir smærri hluti eru mörg bæði frammi í bíl og aftur í.

Hægt er að leggja niður sætin þannig að möguleiki er að flytja hluti sem eru allt að 3,5 metra langir. Einnig er auðvelt að taka sætin úr bílnum og val um að miðjuröð sætanna séu 3 stök sæti (hægt að leggja þau öll niður).

Rennihurðirnar á hliðunum virðast við fyrstu sýn vera mjóar og litlar, en eru í raun þægilegar að ganga um og þægilegt að opna.

Fótarými er gott í miðjusætunum, en síðra í öftustu tveim (mæli ekki með þeim fyrir mjög stóra einstaklinga í lengri ferðir).

Stend oft sjálfan mig að því að vera of nálægt næsta bíl, en þá skammaði Proace mig.

Fullbúið 16 tommu varadekk er undir bílnum að aftan.

Lokaorð

Álitlegur bíll til brúks, þægilegur í akstri og rúmgóður, sparneytinn, vel einangraður gagnvart umhverfishljóðum utan frá. Þrátt fyrir ágætis fjöðrun á malarvegum þá mundi ég velja 16 tommu felgurnar undir bílinn til að ná enn meiri fjöðrun út úr dekkjunum á vondum vegum. Fær góðan plús fyrir að vera með fullbúið 16 tommu varadekk.

Helstu mál og upplýsingar:

Þyngd 1.430-1.690 kg

Hæð 1.880 mm

Breidd 1.884 mm

Lengd 4.753mm

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...