Vinsamlegast athugið að þetta efni er eldra en 1 árs.
Rafmagnsfjórhjól frá Tékklandi
Mynd / HLJ
Fræðsluhornið 9. nóvember 2020

Rafmagnsfjórhjól frá Tékklandi

Höfundur: Hjörtur L. Jónsson

Ég var farinn að skammast mín fyrir að hafa lítið verið að skrifa um ökutæki fyrir þá sem hafa fyrsta ökuprófið, þ.e.a.s. „skellinöðrupróf“, og heitir á fagmáli, ökuréttindi fyrir létt bifhjól. R.A.G. Inportexport hefur hafið innflutning á rafmagnsfjórhjólum sem eru með götuskráningu fyrir 15 ára og eldri. 

Tæknivætt rafmagnsfjórhjól með innbyggðri þjófavörn sem lætur vita með miklum óhljóðum ef hjólið er snert af óviðkomandi.

Ódýrt, vistvænt og án nokkurra gjalda

Eins og önnur vistvæn farartæki eru nánast engin gjöld á hjólunum og er því verðið ekki nema 650.000 (enginn virðisaukaskattur á hjólinu). Uppgefin vegalengd frá framleiðanda á fullhlöðnu hjólinu er 62 km, en í þeim kulda sem við búum við gæti ég trúað að hægt sé að ná á bilinu 4045 km. 

Ég prófaði hjólið sem er innsiglað við 45 km hraðamörk á góðum innanbæjarrúnti í Reykjavík. Ég verð að viðurkenna að mér leið ekkert vel á stofnbrautunum þar sem bílarnir keyra á 8090 að öllu jöfnu og ég í botni á litlu fjórhjóli, samt leiddist mér ekkert rúnturinn. 

Alls keyrði ég 25 km með allt í botni og lítið sem ekkert eftir af hleðslunni eftir mitt aksturslag sem var allt í botni allan tímann. Eftir að hafa lesið leiðbeiningarnar sá ég að ef ég hefði verið aðeins rólegri á gjöfinni hefði ég komist helmingi lengra. Samkvæmt bæklingi nær maður lengst á 35 km hraða sé ökumaðurinn og hleðsla ekki yfir 70 kg.

Fínar farangursgrindur eru á hjólinu.

Hentar eflaust mörgum notendum vel fyrir annað en leik

Í huganum við prufuaksturinn varð mér hugsað til þess að eflaust væri þetta gott sem golfbíll ef sett væri upp festing fyrir settið aftan á hjólið því að það má bera töluverðan þunga. Einnig mætti nota þetta til að þjónusta göngustíga og á þeim stöðum þar sem fólk vill ekki mikinn hávaða í þjóðgörðum og á stöðum sem þola ekki mikið rask né hávaða. Einnig varð mér hugsað til sumarbústaðahverfa, að vera með svona hljóðlátt hjól í sumarhúsabyggð þar sem fólk leitar eftir kyrrð og ró þá ætti þetta hjól ekki að raska rónni. 

Dekkin eru á 10 tommu felgum, frekar fínmunstruð og markaði ekki í grasið heima hjá mér þegar ég keyrði upp á það til að setja hjólið inn í sendibílinn minn. Þrátt fyrir að hafa reynt að spóla á grasinu, það markaði ekki í né skemmdi. 

Svo hljóðlátt var hjólið að þegar ég keyrði inn botnlangann heim til mín þá stóð nágranni minn úti á tröppum og sneri í mig baki og hrökk við þegar ég gusaði úr pollinum næstum á hann fyrir framan tröppurnar hans. Hann einfaldlega heyrði ekkert í mér þegar ég var að koma.

Skipt er áfram og afturábak með takka á stýri, en kemur bara í mælaborð þegar sett er í bakkgír.

Helstu tölur

Hjólið heitir HECHT og er skráð 2,2 kílówött sem er um 2,9 hestöfl. Það er innsiglað á 45 kílómetra hraða að hámarki. Fjórhjólið er eldsnöggt að ná hámarkshraða, og fyrir þá sem vilja fara hraðar þá er örugglega einhvers staðar í hjólinu innsigli, en hvar veit ég ekki, enda fannst mér þessi hraði nóg fyrir gamlan mann eins og mig. 

Málin á hjólinu eru lengd 184 x b. 116 x h. 110 cm. Uppgefin drægni er 62 km við bestu aðstæður. Það tekur 815 tíma að fullhlaða hjólið (tók mig um 7 tíma að hlaða hjólið eftir minn akstur). Fjöðrun er stutt og frekar stíf og greinilega hugsuð fyrir malbik, en að fenginni reynslu úr mótorhjólaheiminum eru þessir litlu demparar alltaf frekar stífir fyrstu 20100 km en mýkjast eftir það.

Loftþrýstingurinn í dekkjunum var 14 psi. þegar ég fékk hjólið til prufu, en endaði í 7 psi. sem fór mun betur með mig sem ökumann.

Hámarksþyngd hjólsins með ökumanni og farangri er 371 kg. Samkvæmt upplýsingum frá tryggingarfélaginu Sjóvá kostar um 30.000 að tryggja hjólið bæði í kaskó og skyldutryggingu. Nánari upplýsingar má finna um hjólið og innflytjandann á vefsíðunni www.rag.is eða á síðu framleiðanda www.hecht.cz.

Skálabremsur að framan, en diska að aftan.

,,Auðveldara að ásaka en útskýra“
Fræðsluhornið 21. september 2022

,,Auðveldara að ásaka en útskýra“

Öðru hvoru eru skrifaðar greinar eða fréttir sagðar af því að íslensk sjáva...

Hekl er hæstmóðins
Fræðsluhornið 16. september 2022

Hekl er hæstmóðins

Nú hefur komið skemmtilega á daginn að heklaður fatnaður hefur víða hlotið na...

Glókollur
Fræðsluhornið 14. september 2022

Glókollur

Glókollur er minnsti fugl Evrópu en fullorðinn fugl er um 9 cm að lengd og veg...

44,3% efnahagslögsögunnar kortlögð
Fræðsluhornið 13. september 2022

44,3% efnahagslögsögunnar kortlögð

Rannsóknaskipið Árni Frið­ riksson kortlagði í ágúst alls um 8.964 ferkílo...

Ungbændur í Evrópuferð - síðari hluti
Fræðsluhornið 12. september 2022

Ungbændur í Evrópuferð - síðari hluti

Í lok júní héldu 24 nýútskrifaðir búfræðingar frá Hvanneyri í útskrift...

Aygo hefur tekið vaxtarkipp
Fræðsluhornið 12. september 2022

Aygo hefur tekið vaxtarkipp

Að þessu sinni var einn af nýjustu bílunum frá Toyota tekinn í prufuakstur. ...

Stökkar skeljar & mjúkir vafningar
Fræðsluhornið 9. september 2022

Stökkar skeljar & mjúkir vafningar

Hefðbundnir mexíkóskir réttir eiga sér aldagamla sögu og rætur að rekja til...

Starfsemi RML - Þriðji hluti
Fræðsluhornið 6. september 2022

Starfsemi RML - Þriðji hluti

Í þessum þriðja hluta greina um starfsemi RML mun ég gera rekstrar- og umhverf...