Vinsamlegast athugið að þetta efni er eldra en 5 ára.
Ræða möguleg orkuskipti í dráttarvélatækni
Fræðsluhornið 21. mars 2017

Ræða möguleg orkuskipti í dráttarvélatækni

Í Bretlandi eru bændur farnir að velta töluvert fyrir sér hvort rafknúnar dráttarvélar, eða drifnar á annan vistvænan hátt, muni geta leyst dísilknúnu vélarnar af hólmi á næstu árum.
 
Bresku bændasamtökin „National Farmers Union (NFU)“ hafa ýtt undir umræðu um hvernig megi losna við kolefnismengun bæði frá landbúnaðartækjum og við flutninga á landbúnaðarvörum. Þar á bæ velta menn mjög vöngum yfir því hvaða tækni muni verða ofan á hvað þetta varðar á næstu tíu til tuttugu árum.  
 
Stór verkefni
 
Það er ekki að ástæðulausu að NFU gengst fyrir opinni umræðu um þessi mál. Á hverju ári eru seldar um 10–15 þúsund nýjar dráttarvélar í Bretlandi auk alls konar tengibúnaðar. Stöðugt er verið að innleiða tækninýjungar í þessum geira og þar á meðal tölvustýrðar dráttarvélar án ökumanna. Einnig margvíslegan skynjarabúnað til að reyna að hámarka notagildi tækjanna. Meira að segja gamli góði Land Rover Definder jeppinn er nefndur í þessu sambandi, en þar hafa menn verið að að skoða leiðir til að gera hann vistvænni, annaðhvort með rafmótorum eða sem tvinnbíl. Hugsunin er að framleiða vistvænt tæki til nota í dreifbýlinu sem jafnframt geti orðið ódýrari í rekstri. 
 
Þyngsli rafgeyma vandamál
 
Vandinn við rafvæðingu dráttarvéla er hversu mikil þyngsli og fyrirferð hefur verið í rafgeymum sem til þarf. Slíkar dráttarvélar yrðu strax til vandræða á túnum og ökrum sökum þungans, en þetta kann þó að vera að breytast. Þótt Daimler Benz hafi kynnt til sögunnar léttbyggðan Fuso-trukk sem kemst 100 km á einni rafhleðslu, þá er allt annað að aka slíkum tækjum á steyptum og malbikuðum vegum en á gljúpum túnum. Þá hefur líka verið kynnt frumútgáfa af Mercedes-Benz Urban eTruck. Hann er 26 tonn og á að komast 200 km á einni hleðslu. Er hann hugsaður til flutninga inn í borgir. 
 
Í Norður- Dakóta í Bandaríkjunum hefur fyrirtækið Autonomous Tractor Corporation kynnt til sögunnar dísilrafmagns (eDrive) tvinndráttarvél. Í þeim er rafskipting og drif og rafmótorar við hvert hjól. Þessar vélar er til með ýmist 200 eða 400 hestafla drifbúnaði. Fullyrt er að þeir séu léttari en dráttarvélar með hefðbundnum vélbúnaði. Svipaður drifbúnaður hefur verið fáanlegur í jarðvinnuvélar frá Caterpillar, Komatsu og John Deere. Í raun eru þetta rafdrifnar vinnuvélar með dísilknúna ljósavél um borð. New Holland kynnti hins vegar vetnisknúna dráttarvél til sögunnar á síðasta ári. 
 
Vegna umræðu um rafvæðingu dráttarvéla var mikil eftirvænting við að John Deere kynnti hreina rafdrifna dráttarvél með rafgeymum á SIMA landbúnaðarsýningunni „Paris International Agribusiness Show“ í París sem fram fór 26. febrúar til 2. mars. 
Betri nýting áburðar með hjálp IceCORS leiðréttingarkerfis Landmælinga Íslands
Fræðsluhornið 16. maí 2022

Betri nýting áburðar með hjálp IceCORS leiðréttingarkerfis Landmælinga Íslands

Eins og allir hafa orðið varir við þá hefur áburðarverð hækkað verulega á síðast...

Úrvalsnýting nautanna sem voru fædd 2016
Fræðsluhornið 9. maí 2022

Úrvalsnýting nautanna sem voru fædd 2016

Sú hefð hefur skapast að sýna niðurstöður afkvæmarannsókna á nautum með því að d...

Skráningar á kynbótasýningar þetta vorið
Fræðsluhornið 9. maí 2022

Skráningar á kynbótasýningar þetta vorið

Opnað verður á skráningar á kynbótasýningar nú í byrjun maí og verður það kynnt ...

Nýr sparneytinn Honda HR-V
Fræðsluhornið 9. maí 2022

Nýr sparneytinn Honda HR-V

Fyrir nokkru síðan frumsýndi Askja nýjan Honda HR-V Hybrid-bíl, sjálfskiptan, fr...

Jarðrækt – Sprotinn
Fræðsluhornið 6. maí 2022

Jarðrækt – Sprotinn

Lífið fer hring eftir hring og þannig er aftur komið vor með tilheyrandi viðfang...

Fyrstu nautin fædd 2017 komin í framhaldsnotkun
Fræðsluhornið 5. maí 2022

Fyrstu nautin fædd 2017 komin í framhaldsnotkun

Nýtt kynbótamat var keyrt núna í mars að loknu uppgjöri skýrslna fyrir febrúar. ...

Mikið af næringarefnum enn ónýtt
Fræðsluhornið 5. maí 2022

Mikið af næringarefnum enn ónýtt

Heildarmagn þeirra næringarefna sem er að finna í lífrænum úrgangi sem fellur ti...

Staða fuglaflensu á Íslandi
Fræðsluhornið 5. maí 2022

Staða fuglaflensu á Íslandi

Í mars 2022 voru fyrirskipaðar hertar varnaraðgerðir til að fyrirbyggja að fugla...