Vinsamlegast athugið að þetta efni er eldra en 8 ára.
Nýr ISUZU D-Max með bættri vél og meiri dráttargetu
Mynd / HLJ
Á faglegum nótum 18. janúar 2016

Nýr ISUZU D-Max með bættri vél og meiri dráttargetu

Höfundur: Hjörtur L. Jónsson
Tvisvar hef ég prófað ISUZU D-Max og ritað um það hér í blaðinu (28.01. 2010 og 08.05.2014). Þegar ég fregnaði að væri komin nýrri og endurbætt útgáfa af D-Max vildi ég prófa muninn á honum og eldri árgerðunum. Hægt er að fá bílinn bæði beinskiptan og sjálfskiptan.
 
Bíllinn sem ég prófaði var LUX útgáfan, með leðursæti og sjálfskiptur. Persónulega mundi ég velja bíl sem væri ekki með leðursæti og beinskipta bílinn með 6 gíra kassanum, en ég hef alltaf verið meira fyrir beinskipta bíla fremur en sjálfskipta þar sem að ég á í vandræðum með sjálfan mig þegar ég keyri sjálfskipta bíla sem felst í því að ég er að keyra of hratt sökum þæginda við akstur þeirra. Neikvæðni mín gagnvart leðursætum er að þau eru einstaklega köld á veturna og að mér finnst ég svitna svo mikið á bakinu í leðursætum á sumrin. 
 
Vélin með meira tog og tvær forþjöppur
 
Nýja vélin er 2,5 lítra 163 hestafla dísilvél sem skilar 400 Newtonmetra (nm) togi við 1.400 til 2.000 snúninga og eyðir samkvæmt bæklingi ekki nema 8,4 lítrum af dísil í blönduðum akstri. Ekki tókst mér að eyða svona litlu í blönduðum akstri í prufuakstrinum með tóman bíl, en ég var að eyða rétt tæpum 9 lítrum á hundraðið á meðalhraðanum 26 á þeim 70 km sem ég ók bílnum. Að mínu mati ekki slæmt þar sem bíllinn er stór, þungur og ekki bestu akstursskilyrði á köldum vetrardegi.
 
Upplagður til að draga þungar kerrur
 
Þessi nýja vél gerir það að nú má bíllinn draga 3.500 kg vagn sem er útbúinn bremsubúnaði (síðasti D-Max sem ég prófaði í maí 2014 mátti bara draga 3.000 kg vagn). Hér virðist vera kominn bíll sem ætti að henta vel til að draga hestakerrur, en þar sem ekki var krókur á bílnum sem ég prófaði gat ég ekki prófað léttleika bílsins með þunga kerru aftan í honum. Pallurinn er stór og samkvæmt minni mælingu var hann 154 cm á breidd, 155 cm langur lokaður og með opinn gaflinn er hann 211 cm. Heildarburðargeta bílsins er rúmt tonn (sama og í síðustu árgerð).
 
Allar endurbætur góðar, en hefði viljað betri sjálfskiptingu
 
Eins og í fyrri bílum er bíllinn svolítið klossaður við þröngar aðstæður þegar hann er í fjórhjóladrifinu s.s. að bakka í stæði, en um leið og tekið er úr fjórhjóladrifinu verður bíllinn mun liprari. Skriðvörnin er mun betri í nýja bílnum en þeim gamla og ekki ósvipuð og í L200 bílnum sem ég prófaði fyrir um mánuði síðan. Um leið og bíllinn fer að snúast í hálku bremsar hann á annað framhjólið til að rétta sig af. Sjálfskiptingin er 5 þrepa (hefði viljað 6 eða 7 þrepa skiptingu), en maður finnur vel þegar bíllinn skiptir um gír í akstri. Hins vegar mundi ég vilja beinskiptan bíl frekar, bæði upp á að draga þungar kerrur og að beinskiptir bílar eyða minna eldsneyti.
 
Verðið er frá 5.790.000 fyrir beinskiptan vinnuþjark
 
Verðið á ISUZU D-Max er mjög gott (hefur lækkað frá 2014), en ódýrasti bíllinn kostar 5.790.000 beinskiptur, 163 hestöfl, með venjulegum áklæðum í innréttingu, en bíllinn sem ég prófaði var sjálfskiptur með leðurinnréttingu og kostar 7.090.000. Einnig var í sýningarsalnum hjá BL breyttur D-Max á 35" dekkjum með húsi og fl. sem er verðlagður á 9.960.000. Bíllinn sem ég prófaði var á 16" felgum, en samkvæmt bæklingi á sá bíll að koma á 17" felgum. Persónulega er ég hrifnari af 16 tommu felgunum þar sem að betri fjöðrun er í þeim bílum, en ekkert mál er að setja beint undir bílinn 32" dekk án þess að breyta neinu.
 
Helstu mál og upplýsingar:
Hæð: 1.795 mm
Breidd: 1.860 mm
Lengd: 5.295 mm
Þyngd: 1.982 kg
 

 

6 myndir:

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...