Vinsamlegast athugið að þetta efni er eldra en 3 ára.
33 tommu breyttur Jeep Grand Cherokee Trailhawk.
33 tommu breyttur Jeep Grand Cherokee Trailhawk.
Mynd / HLJ
Fræðsluhornið 9. janúar 2019

Jeep Grand Cherokee Trailhawk á 33 tommum

Höfundur: Hjörtur L. Jónsson
Á landbúnaðarsýningunni í Laugardal í haust var Ís-Band með nokkra eigulega bíla til sýnis. Þar á meðal var Jeep Grand Cherokee Trailhawk sem seldist strax eftir sýninguna áður en ég náði að prófa hann, en þeir í Ís-Band útbjuggu annan svipaðan og lánuðu mér til prufuaksturs eina helgi.
 
Það verður einfaldlega að viðurkennast að ég hef ekki keyrt svona skemmtilegan bíl á vondum vegum lengi og möguleikarnir sem þessi breyting býður upp á er vel heppnuð. 
 
Hátt undir bílinn án þess að hann sé hækkaður á loftpúðunum.
 
Loftpúðafjöðrunin virkar skemmtilega á möl og í slóðaakstri
 
Grunnverðið á Jeep Grand Cherokee Trailhawk er 12.690.000, en þessi bíll var 33 tommu breyttur og með auka króka að framan, með stigbretti ásamt fleiru og kostar þessi breyting um 830.000. Breytingin er hverrar krónu virði, bíllinn verður eigulegri, betri á malarvegum og á torfærum slóðum. 
 
Malarvegurinn sem ég prófaði bílinn á var frekar ósléttur og var hreint unaður að keyra bílinn á ósléttum veginum. Loftpúðafjöðrunin hreinlega virtist „gleypa“ allar ójöfnur og maður virtist hreinlega svífa í þriggja feta hæð. Út frá malarveginum var enn verri slóði með töluverðum hrygg í miðjunni sem var ekki vandamál þar sem hægt er að hækka bílinn upp um nokkra sentímetra með loftpúðunum (ekki ósvipað og margir vörubílar sem hægt er að hækka á loftpúðunum). Snilldar útbúnaður og frábær fjöðrun fyrir torfæra vegi og vegslóða.
 
Öryggi og þægindi sama hvar litið er
 
Að keyra Jeep Grand Cherokee Trailhawk er hreinn unaður, sætin er hægt að stilla á marga vegu, sætishitari og kæling eru í framsætunum og í aftursætum er sætishitari og sérstök miðstöð fyrir aftursætisfarþega sem þeir geta stjórnað. 
 
Hiti í stýri, 7 tommu upplýsinga­skjár í mælaborði, brekkuhaldari, hátt og lágt drif (læst mismunadrif að aftan), hlífðarpönnur undir vél kössum og eldsneytistank, Bi-Xenon framljós, sem þarf reyndar að muna að kveikja á til að fá afturljósin á til að vera löglegur í íslenskri umferð. Upphitaðir hliðarspeglar, USB og AUX tengi (bæði fram í og aftur í), fjarlægðaskynjarar að framan og aftan, sjálfvirkur radarvari, blindhornsvörn í hliðarspeglum ásamt fleiru sem gerir bílinn í alla staði eigulegan.
Með svona kraftmikla vél á ekki að horfa í eyðslu
 
Margir hugsa um eyðslu þegar verið er að versla ökutæki, en með þessa 3000 cc. dísilvél sem skilar 250 hestöflum finnst mér eyðslan vera aukaatriði.
 
Fyrstu 20 km ók ég innanbæjar og var ég ekkert að hlífa bílnum og enn síður að keyra sparakstur og var mín eyðsla samkvæmt aksturstölvunni nálægt 16-17 l á hundraðið. Næst var það jafn akstur í um 50 km á um 90 km hraða og var þá eyðslan ekki nema rúmir 9 lítrar á hundraðið. Ekki mikið miðað við aksturslag á bíl sem er á 33” dekkjum. 
 
Uppgefin meðaleyðsla á óbreyttum bíl er 7 lítrar á hundraðið í blönduðum akstri. Dráttargeta er uppgefin frá 2800 upp í 3300 kg. Það fer eftir gerðum, en Jeep Grand Cherokee bílarnir eru fimm og með mismunandi drifbúnaði. 
 
Hæð undir lægsta punkt er minnst 22 cm, en svo er hægt að hækka bílinn á loftpúðunum um nálægt 10 cm.
 
Prufuaksturinn um 150 km
 
Alls ók ég bílnum nálægt 150 km og sama hvað var prófað þá var alltaf gott að keyra bílinn, sætin þægileg og fótapláss gott. Á malarveginum heyrðist nánast ekkert malarhljóð undir bílnum og hann var þýður og mjúkur á holóttum malarveginum. 
 
Á bundnu slitlagi fann maður ekki að þessi bíll væri 33” breyttur og þurfti ég að passa mig á að fara ekki of hratt þar sem að bíllinn virtist vera á minni ferð en raun var og margoft stóð ég mig að því að aka á „hárri“ þriggja stafa tölu þegar ég hélt mig vera á löglegum hraða.
Einhver eigulegasti jeppi sem ég hef prófað lengi
 
Það verður að viðurkennast að þessi bíll er einhver sá skemmtilegasti jeppi sem ég hef prófað lengi og mjög fátt sem ég náði að finna að honum annað en að maður þarf alltaf að muna að kveikja ljósin til að fá afturljósin á bílinn svo að maður verði löglegur í umferð. Satt best að segja langar mig í einn svona. Eins og áður segir er hægt að fá fimm mismunandi Jeep Grand Cherokee  á verði frá 10.660.000 upp í 15.770.000, en bíllinn sem prófaður var kostar með breytingunni nálægt 13.500.000, en nánari upplýsingar má nálgast hjá sölumönnum Ís-band.
 
Helstu mál og upplýsingar:
 
Þyngd 2.315 kg
Hæð 1.790mm
Breidd 1.940 mm
Lengd 4.830 mm
 

 

7 myndir:

Geymsla heyfengs í turnum
Fræðsluhornið 27. september 2022

Geymsla heyfengs í turnum

Heyturnar eru ekki nýjung fyrir Íslendinga en segja má að blómatíð þeirra h...

Ein mest selda dráttarvél landsins
Fræðsluhornið 26. september 2022

Ein mest selda dráttarvél landsins

Claas Arion 470 sem Vélfang selur er millistór traktor á íslenskan mælikvarð...

Um sýni úr heyjum, jarðvegi og búfjáráburði
Fræðsluhornið 26. september 2022

Um sýni úr heyjum, jarðvegi og búfjáráburði

Að gera góða áburðaráætlun getur verið kúnst og reynist stundum talsvert van...

,,Auðveldara að ásaka en útskýra“
Fræðsluhornið 21. september 2022

,,Auðveldara að ásaka en útskýra“

Öðru hvoru eru skrifaðar greinar eða fréttir sagðar af því að íslensk sjáva...

Hekl er hæstmóðins
Fræðsluhornið 16. september 2022

Hekl er hæstmóðins

Nú hefur komið skemmtilega á daginn að heklaður fatnaður hefur víða hlotið na...

Glókollur
Fræðsluhornið 14. september 2022

Glókollur

Glókollur er minnsti fugl Evrópu en fullorðinn fugl er um 9 cm að lengd og veg...

44,3% efnahagslögsögunnar kortlögð
Fræðsluhornið 13. september 2022

44,3% efnahagslögsögunnar kortlögð

Rannsóknaskipið Árni Frið­ riksson kortlagði í ágúst alls um 8.964 ferkílo...

Ungbændur í Evrópuferð - síðari hluti
Fræðsluhornið 12. september 2022

Ungbændur í Evrópuferð - síðari hluti

Í lok júní héldu 24 nýútskrifaðir búfræðingar frá Hvanneyri í útskrift...