Vinsamlegast athugið að þetta efni er eldra en 7 ára.
Hvert er áburðargildið í þínum búfjáráburði?
Fræðsluhornið 15. apríl 2015

Hvert er áburðargildið í þínum búfjáráburði?

Höfundur: Borgar Páll Bragason, RML
Óþarfi er að fjölyrða við bændur um mikilvægi þess að nýta búfjáráburðinn sem best en lykillinn að því er að þekkja vel efnainnihald hans. 
 
Í áburðaráætlanagerð styðjumst við yfirleitt við meðaltalstölur byggðar á rannsóknum, en staðreyndin er sú að mikill munur getur verið á efnainnihaldi búfjáráburðar á milli búa og getur meðaltalið því gefið villandi niðurstöðu. Þá geta niðurstöðurnar gefið til kynna að ástæða sé til að kanna betur næringarefnabúskap jarðarinnar.
 
Ráðgjafarmiðstöð land­búnaðarins hefur nú samið um efnagreiningar á búfjáráburði fyrir bændur. RML mun koma sýnunum í efnagreiningu, túlka niðurstöðurnar ásamt því að skrá þær í Jörð.is.
Þurr búfjáráburður er mjög erfiður til sýnatöku vegna misleitni og þess vegna mælum við frekar með að sýnatakan verði tekin úr upphrærðum skít. Sýnatakan sjálf verður í höndum bænda, enda mikilvægt að sýnatakan eigi sér stað um leið og mykjunni er dælt á völl. Eðli málsins samkvæmt verða niðurstöður greininganna ekki klárar fyrr en eftir að búið er að dreifa mykjunni og nýtist því ekki nema að takmörkuðu leyti í vor. Það má þó endurmeta notkun tilbúins áburðar í ljósi niðurstaðnanna. Það verður ekki fyrr en við áburðaráætlun næsta árs og ára, sem niðurstöðurnar nýtast að fullu en líklegt er að ef samsetning bústofns og afurðir breytast lítið, þá breytist efnainnihald búfjáráburðarins ekki heldur mikið.
Mikilvægt er að sýnið sé sem bestur þverskurður af mykjunni. Þekkt er að þrátt fyrir að búið sé að hræra vel í mykjunni, er tilhneigingin sú að seinasta mykjan verði þéttari en sú sem fyrst kemur. Þess vegna mælum við með að sýnatakan verði með eftirfarandi hætti:
Taka skal sýni 5 sinnum meðan á útdælingu stendur, 5 lítra hverju sinni. Þó ekki úr því allra fyrsta því brunnur getur verið fullur af vatni. Taka þarf sýnin með sem jöfnustu bili og seinasta sýnið tekið úr seinustu tankfylli.
 
Þessum sýnum er síðan hellt saman í kerald og þegar allt er komið er hrært vel og endanlegt sýni tekið í litla fötu eða brúsa, lokað vel og sýnið merkt. Passlegt er að sýnið sé 2 lítrar.
 
Verð fyrir þessa þjónustu eru krónur 18.000 + vsk fyrir hvert sýni.
 
Ráðunautar RML munu taka við sýnunum á öllum starfsstöðvum en einnig má senda sýnið beint á Ráðgjafarmiðstöð landbúnaðarins, Hvanneyrargötu 3, 311 Borgarnes. Sýnin þurfa að vera komin til ráðunauta RML eigi síðar en 20. apríl. /Borgar Páll Bragason
Erfðamengjaúrval í innlendum kornkynbótum
Fræðsluhornið 23. maí 2022

Erfðamengjaúrval í innlendum kornkynbótum

Byggkynbætur voru stundaðar á Íslandi um áratugaskeið, fyrst við Rannsóknastofnu...

Eftirlit með þunga og stærð gripa er vanmetið bústjórnartæki
Fræðsluhornið 23. maí 2022

Eftirlit með þunga og stærð gripa er vanmetið bústjórnartæki

Störf kúabænda eru margþætt, afar fjölbreytt og vissulega mismikilvæg en eitt af...

Tófú er bæði klístrað og hart
Fræðsluhornið 17. maí 2022

Tófú er bæði klístrað og hart

Tófú er unnið úr hleyptum safa í sojabaunum eða sojamjólk eins og sumir vilja ka...

Betri nýting áburðar með hjálp IceCORS leiðréttingarkerfis Landmælinga Íslands
Fræðsluhornið 16. maí 2022

Betri nýting áburðar með hjálp IceCORS leiðréttingarkerfis Landmælinga Íslands

Eins og allir hafa orðið varir við þá hefur áburðarverð hækkað verulega á síðast...

Úrvalsnýting nautanna sem voru fædd 2016
Fræðsluhornið 9. maí 2022

Úrvalsnýting nautanna sem voru fædd 2016

Sú hefð hefur skapast að sýna niðurstöður afkvæmarannsókna á nautum með því að d...

Skráningar á kynbótasýningar þetta vorið
Fræðsluhornið 9. maí 2022

Skráningar á kynbótasýningar þetta vorið

Opnað verður á skráningar á kynbótasýningar nú í byrjun maí og verður það kynnt ...

Nýr sparneytinn Honda HR-V
Fræðsluhornið 9. maí 2022

Nýr sparneytinn Honda HR-V

Fyrir nokkru síðan frumsýndi Askja nýjan Honda HR-V Hybrid-bíl, sjálfskiptan, fr...

Jarðrækt – Sprotinn
Fræðsluhornið 6. maí 2022

Jarðrækt – Sprotinn

Lífið fer hring eftir hring og þannig er aftur komið vor með tilheyrandi viðfang...