Mér leiddist ekki í skipstjórahlutverkinu.
Mér leiddist ekki í skipstjórahlutverkinu.
Mynd / HLJ
Fræðsluhornið 25. maí 2021

Hafsport bauð í skemmtilega bátaprófun

Höfundur: Hjörtur L. Jónsson

Það er ekki oft sem mér er boðið að prófa eitthvað nýtt farartæki, en þegar það gerist segi ég yfirleitt já strax. Ég var eiginlega búinn að segja já áður en Þorvaldur náði að klára boðið um að prófa hraðbát frá Hafsport, þetta var eitthvað spennandi fyrir mig með alla mína tækjadellu.

Auðvelt að sjósetja bátinn fyrir einn mann.

Léttur bátur og auðvelt að sjósetja

Við hittumst seinnipart dags við höfnina í Kópavogi, en Þorvaldur kom með bátinn á kerru. Nafnið á bátnum er Kontra 450 cc og var útbúinn 50 hestafla tvígengisvél sem nær að skila bátnum á allt að 27 hnúta hraða ( sem er um 50 km hraði á klukkustund).

Þorvaldur sá alfarið um sjó­setninguna sem virtist vera mjög auðveld og létt þrátt fyrir að báturinn væri um 460 kg með mótornum, eftir að slakað var á tóginu sem hélt bátnum föstum á kerrunni rann hann á rúllunum auðveldlega í sjóinn.

Áður en við fórum frá landi færði Þorvaldur mér þurrbúning (öryggisfatnað/flotbúning sem er finnskur goritex-galli og kostar 259.000). Þorvaldur þurfti að hjálpa mér að klæða mig í búninginn sem ég fór í yfir fötin sem ég var í, en þegar maður er búinn að læra á „gallann“ er lítið mál að klæða sig í hann án hjálpar.

Öruggur, sterkur með mikið flot

Kontra bátarnir eru með tvöfalda skel (ef gat kemur á ytra byrðið þá flýtur hann á innra byrðinu) og þó að báturinn fyllist af sjó eða vatni þá flýtur hann samt því að í plastefninu er svo mikið flot. Í bátnum sem ég prófaði voru geymslukassar í hliðunum sem hægt er að nota til að sitja á.

Veðrið var frekar gott, en aðeins undiralda, í svona sjólagi vilja litlir bátar velta mikið, en það virtist sama hvernig maður beitti bátnum í ölduna hann hreyfðist nánast ekki neitt.

Við fórum í hringi á mikilli ferð og bjuggum til skarpar öldur, en sama hvað reynt var á stöðugleikann, báturinn einfaldlega haggaðist ekki. Þorvaldur sagði mér að hann hafi verið í þessum báti með 5 félögum sínum við sportköfun og báturinn bar þá vel alla sex ásamt köfunarbúnaðinum (Myndi giska á að það hafi verið nálægt 800 kg farmur).

Þessi bátur er með sex kassa sem eru bæði geymslur og sæti.

Svona útbúinn kostar báturinn um 3,5 milljónir

Þegar við vorum tveir í bátnum sá ég að við fórum hraðast á tæplega 27 hnúta hraða, en þegar ég var einn á bátnum prófaði ég ýmsan hraða, og fannst mér báturinn fara best með mig á hraða á milli 19 og 22 hnútar (35-40 km hraði).

Sætið sem er fyrir þann sem stýrir bátnum er sérhannað til að fjaðra og taka af högg í öldustappi. Báturinn sem prófaður var er sá stærsti af Kontra bátum og heitir 450 cc. Hann kostar án vélar 2.990.000, báturinn sem var prófaður var með 50 hestafla tvígengisvél. Hentugasta vélin í bátinn er 60 hestafla fjórgengisvél. Ýmsa aukahluti er hægt að fá í bátinn og þarf hver og einn að raða eftir sínum hentugleika s.s. sæti eða geymslukassa og fleira.

Fyrir utan Hafsport eru margar stærðir til að skoða.

Margt forvitnilegt til á lager hjá Hafsport

Áður en ég yfirgaf Hafsport sýndi Þorvaldur mér það helsta sem til er af bátum á lager og aukahlutum tengdum bátasporti. Á útisvæði verslunarinnar eru margir bátar, en sá sem prófaður var er þeirra stærstur og mikið seldur til björgunarsveita.

Þarna mátti sjá báta sem ætlaðir eru fyrir ýmsar stærðir véla niður í litla árabáta. Vinsælastur er Kontra 400 sem kostar nálægt 1.000.000 kr. með kerru. en án vélar.

Inni í búðinni var mikið til, utanborðsmótorar, köfunarvörur og ýmis öryggisbúnaður fyrir bátasport ásamt fleiru. Allavega fannst mér nóg til sem hægt var að skoða. Hægt er að fræðast betur um báta frá Hafsport á vefsíðunni www.hafsport.is.

Tími hortensíunnar er runninn upp
Fræðsluhornið 18. júní 2021

Tími hortensíunnar er runninn upp

Sumar garðplöntur eru einfaldlega klassískar. Litir og form garðblóma heilla ræk...

Úlfar hafsins I
Fræðsluhornið 18. júní 2021

Úlfar hafsins I

Háhyrningar eru útbreiddustu spendýr jarðar og finnast í öllum heimsins höfum. H...

Vel blómstrandi tré og runnar
Fræðsluhornið 14. júní 2021

Vel blómstrandi tré og runnar

Fátt vekur meiri kátínu og gleði hjá garð­eig­endum en þessar dá­sam­legu tegund...

Salt jarðarinnar
Fræðsluhornið 11. júní 2021

Salt jarðarinnar

Salt er steinefni sem að mestu er samsett úr natríum og klóri, NaCl, og finnst v...

Árangur skjólbeltaræktunar á Vestfjörðum
Fræðsluhornið 9. júní 2021

Árangur skjólbeltaræktunar á Vestfjörðum

Skjólbelti eru tré og runnar sem nýtt eru til að draga úr vindhraða, skapa skjól...

Subaru Outback LUX 169 hestafla bensínbíll
Fræðsluhornið 9. júní 2021

Subaru Outback LUX 169 hestafla bensínbíll

Laugardaginn 8. maí frumsýndi BL nýjan Subaru Outback og að frumsýningu lokinni ...

Grunnskráningar folalda – gjaldtaka frá árinu 2022
Fræðsluhornið 8. júní 2021

Grunnskráningar folalda – gjaldtaka frá árinu 2022

Fram til þessa hafa hrossarækt­endur ekki þurft að greiða fyrir skráningu á folö...

Félagsmenn BÍ skrái veltu í gegnum Bændatorgið
Fræðsluhornið 4. júní 2021

Félagsmenn BÍ skrái veltu í gegnum Bændatorgið