Vinsamlegast athugið að þetta efni er eldra en 3 mánaða.
Fram undan í félagsstarfi Bændasamtaka Íslands 
Mynd / HKr.
Fræðsluhornið 25. janúar 2022

Fram undan í félagsstarfi Bændasamtaka Íslands 

Nýhafið ár er fyrsta heila starfsár Bændasamtaka Íslands í núverandi mynd. Líkt og flestum er kunnugt sameinuðust Bændasamtök Íslands og flest búgreinafélögin sem áttu áður aðild að samtökunum í ný, heilsteypt og sterkari samtök bænda síðastliðið sumar. Óhætt er að segja að fyrstu mánuðir nýrra samtaka hafi verið annasamir enda mikil vinna að byggja nýtt félagskerfi á grunni þess gamla. Þrátt fyrir að þeirri vinnu hafi miðað vel eru enn þónokkur verkefni sem snúa að félagskerfinu fram undan.

Kosning formanns

Kosningu til formanns Bænda­samtakanna var breytt við sameiningu og verður nú framkvæmd með nýju sniði í fyrsta skipti. Nú er kosið með rafrænum hætti þar sem allir félagsmenn eiga kosningarétt í stað einungis fulltrúar á Búnaðarþingi áður. Kosningin fer fram dagana 11.–15. febrúar en frestur til að gefa kost á sér rennur út þann 30. janúar næstkomandi. Kosningin verður, eins og áður sagði, rafræn og þarf rafræn skilríki til að geta greitt atkvæði.

Búgreinaþing

Við samruna búgreinafélaganna og Bændasamtakanna urðu til búgreinadeildir innan samtakanna, en hver deild heldur sinn aðalfund sem kallast Búgreinaþing. Þar hlutast hver grein til um sín málefni, mótar sér stefnu og kýs sér stjórn. Má þannig segja að búgreinaþingin séu ígildi aðalfunda gömlu félaganna eins og þeir voru haldnir áður. Búgreinaþingin verða haldin dagana 3. og 4. mars næstkomandi og verða nánar auglýst síðar.

Á næstu vikum er stefnt að því að fulltrúar búgreinadeildanna fundi með bændum um land allt. Markmið fundanna er að eiga samtal við sína félagsmenn en einnig til að kynna starfsemi nýrra Bændasamtaka og kjósa fulltrúa greinanna inn á Búgreinaþing. Hver búgreinadeild hefur mótað sér sínar eigin reglur hvernig þessir fulltrúar skulu kosnir. Kosningu þessara fulltrúa þarf að vera lokið fyrir 17. febrúar til þess að þeir séu löglegir fulltrúar inn á Búnaðarþing. Einnig þurfa mál sem taka á fyrir á Búgreinaþingi að koma fram fyrir 17. febrúar næstkomandi.

Þessi fundaferð er auðvitað skipulögð með fyrirvara um þróun og útbreiðslu Covid-19 veirunnar og hvernig gildandi samkomutakmarkanir verða á hverjum tíma. Þá óvissu þekkja vitanlega allir, en ef ekki reynist gerlegt vegna sóttvarnarreglna að halda staðarfundi verða haldnir fjarfundir, líkt og reglur Bændasamtakanna kveða á um að sé heimilt. Unnið er að skipulagi beggja kosta og verður fyrirkomulagið kynnt nánar þegar nær dregur og ljósar verður með það hvaða takmarkanir gilda.

Búnaðarþing

Á Búgreinaþingi kýs hver deild sér sína fulltrúa til setu á Búnaðarþingi, sem fram fer dagana 31. mars–1. apríl. Alls eiga 63 fulltrúar sæti á Búnaðarþingi en þar af skipa búgreinar 54 fulltrúa en Búnaðarsambönd og önnur aðildarfélög Bændasamtakanna (Beint frá býli, Ungir bændur og Vor) hina 9. Fjöldi fulltrúa hverrar greinar á Búnaðarþingi ræðst af stöðu félagsgjaldaveltu og fjölda skráðra félagsmanna hverrar greinar eins og hún var um áramót. Á Búnaðarþingi er stjórn Bændasamtakanna kjörin auk þess sem stefnan er sett fyrir samtökin að vinna eftir.

Það er því mikið um að vera í félagsstarfinu á næstu misserum. Undirbúningur er í fullum gangi og verður öllum upplýsingum miðlað bæði hér í Bændablaðinu sem og á síðu Bændasamtakanna bondi.is. Framboð má senda á kjorstjorn@bondi.is

Mikilvægar dagsetningar:

  • 30. janúar – Framboðsfrestur til formanns rennur út
  • 17. febrúar – Kosningar til fulltrúa á Búgreinaþingi lokið
  • 17. febrúar – Mál sem leggja á fram til Búgreinaþings
  • 3. mars - Búgreinaþing hefst
  • 31. mars Búnaðarþing hefst
Betri nýting áburðar með hjálp IceCORS leiðréttingarkerfis Landmælinga Íslands
Fræðsluhornið 16. maí 2022

Betri nýting áburðar með hjálp IceCORS leiðréttingarkerfis Landmælinga Íslands

Eins og allir hafa orðið varir við þá hefur áburðarverð hækkað verulega á síðast...

Úrvalsnýting nautanna sem voru fædd 2016
Fræðsluhornið 9. maí 2022

Úrvalsnýting nautanna sem voru fædd 2016

Sú hefð hefur skapast að sýna niðurstöður afkvæmarannsókna á nautum með því að d...

Skráningar á kynbótasýningar þetta vorið
Fræðsluhornið 9. maí 2022

Skráningar á kynbótasýningar þetta vorið

Opnað verður á skráningar á kynbótasýningar nú í byrjun maí og verður það kynnt ...

Nýr sparneytinn Honda HR-V
Fræðsluhornið 9. maí 2022

Nýr sparneytinn Honda HR-V

Fyrir nokkru síðan frumsýndi Askja nýjan Honda HR-V Hybrid-bíl, sjálfskiptan, fr...

Jarðrækt – Sprotinn
Fræðsluhornið 6. maí 2022

Jarðrækt – Sprotinn

Lífið fer hring eftir hring og þannig er aftur komið vor með tilheyrandi viðfang...

Fyrstu nautin fædd 2017 komin í framhaldsnotkun
Fræðsluhornið 5. maí 2022

Fyrstu nautin fædd 2017 komin í framhaldsnotkun

Nýtt kynbótamat var keyrt núna í mars að loknu uppgjöri skýrslna fyrir febrúar. ...

Mikið af næringarefnum enn ónýtt
Fræðsluhornið 5. maí 2022

Mikið af næringarefnum enn ónýtt

Heildarmagn þeirra næringarefna sem er að finna í lífrænum úrgangi sem fellur ti...

Staða fuglaflensu á Íslandi
Fræðsluhornið 5. maí 2022

Staða fuglaflensu á Íslandi

Í mars 2022 voru fyrirskipaðar hertar varnaraðgerðir til að fyrirbyggja að fugla...