Vinsamlegast athugið að þetta efni er eldra en 7 ára.
Fjórhjóladrifinn rafmagnsbíll með bensínvél að auki
Mynd / HJL
Fræðsluhornið 6. nóvember 2014

Fjórhjóladrifinn rafmagnsbíll með bensínvél að auki

Höfundur: Hjörtur L. Jónsson

Þeir sem lesið hafa reglulega prófanir mínar hér í blaðinu hafa eflaust tekið eftir vantrú minni á rafmagnsbílum. Til að ég hafi trú á rafmagnsbíl þá þarf að mínu mati að vera eitthvað sem tekur við af rafmagninu til að komast áfram þegar rafmagnið er búið.

Til þessa er eini bíllinn sem ég hef prófað sem uppfyllir þessar kröfur mínar Chevrolet Volt, en hann var ekki gallalaus, lágt undir hann og bara eins drifs bíll. Nú er komin á markaðinn nýr  Mitsubishi Outlander PHEV, fjórhjóladrifinn og nokkuð hátt undir hann og hentar því vel íslenskum aðstæðum.

Lengi að hlaða með heimilisrafmagni, en fljótur á hraðhleðslustöð

Þegar ég fékk bílinn í Heklu eftir lokun á laugardegi höfðu margir komið við þar og prófað bílinn (engin furða enda eigulegur bíll), var hann þar af leiðandi ekki með mikið rafmagn til aksturs. Ég keyrði um 15 km og þá var rafmagnið búið og við tók bensínvélin. Um kvöldið mundi ég eftir að í skottinu var hleðslutæki sem má tengja í venjulega rafmagnsinnstungu sem er 10 amper. Eftir klukkutíma hleðslu var aðeins 3 km hleðsla komin inn á rafgeymana. Á sunnudagsmorgni hugðist ég hlaða bílinn á næstu hraðhleðslustöð á Miklubrautinni, en hún var biluð. Í prófunartúr á bílnum seinna um daginn var ekið á Selfoss og stoppað í 14 mínútur á Olís og bíllinn hlaðinn. Eftir 14 mín. hleðslu sagði mælaborðið að á bílnum væri rafmagn fyrir næstu 23 km. Eftir 17,2 km ræsti bensínvélin sig og ég kláraði Þingvallahringinn á bensíni.

Með akreinavara, árekstrarvörn og sjálfvirka hraðastillingu

Að keyra Mitsubishi Outlander PHEV á þjóðvegi fær maður mikla öryggistilfinningu. Hann er með akreinavara (LDW) sem flautar á mann ef maður fer yfir á punktalínuna í kantinum eða á miðlínunni. Ef Mitsubishi Outlander er með hraðastillinn á (cruse control) og bíllinn fyrir framan hægir skyndilega á sér hægir Mitsubishi einnig sjálfkrafa ferðina (ACC) og heldur bilinu á milli bílanna jöfnu. Einnig er sjálfvirkur búnaður sem nefnist árekstrarvörn (FCM) og virkar þannig að ef komið er á of mikilli ferð að gatnamótum þá les búnaðurinn skilti, bíl eða beygju og sjálfkrafa bremsar bíllinn. Þetta kom mér á óvart því að ég hafði hugsað mér að bremsa mjög seint á gatnamótum sem ég kom að, en bíllinn bremsaði á undan mér.

Reykjavík, Akureyri á 4,3 lítrum á hundraðið

Samkvæmt upplýsingum um bílinn á hann að komast allt að 50 km á rafmagninu og þegar það er búið tekur bensínvélin við. Fimmtíu kílómetra hleðsla ætti að duga flestum við daglega notkun í þéttbýli. Ef farnar eru lengri ferðir ætti að vera hægt að spara töluvert bensín ef maður stillir stopp við hraðhleðslustöðvar sem eru komnar á landsbyggðinni. Sem dæmi þá sagði sölumaðurinn í Heklu mér að svona bíll hefði farið frá Reykjavík til Akureyrar og meðaleyðslan hafi verið rúmir 4 lítrar á hundraðið vegna þess að sá sem ók stoppaði bara þar sem hraðhleðslustöðvar voru og hlóð rafmagni inn á rafgeymana á meðan stoppað var. Verðið á Mitsubishi Outlander PHEV rafmagnsbílnum er frá 6.690.000, en Mitsubishi Outlander Intense með bensínmótor er 5.290.000. Eftir þennan prufuakstur er ég aðeins farinn að sjá ljósið í rafknúnum bílum, alla vega var þetta bíll sem ég gæti hugsað mér að eiga.

Helstu mál og upplýsingar:

Þyngd 1.610 kg

Hæð 1.680 kg

Breidd 1.800 mm
 
Lengd 4.492 mm
 
Vél: 2,0 bensín 150 hestöfl
 
Verð frá 6.690.000
 

5 myndir:

Hækkun sýrustigs ræktunarjarðvegs
Fræðsluhornið 4. júlí 2022

Hækkun sýrustigs ræktunarjarðvegs

Lögð hefur verið út tilraun á Hvanneyri með það að markmiði að hækka sýrusti...

Stíllhreinn og sterklegur pallbíll
Fræðsluhornið 30. júní 2022

Stíllhreinn og sterklegur pallbíll

Að þessu sinni var pallbíllinn Isuzu D-Max Lux, sem BL selur, tekinn í reynslu...

Kvígur frá NautÍs
Fræðsluhornið 30. júní 2022

Kvígur frá NautÍs

Uppbygging hreinræktaðrar Angushjarðar hjá Nautgriparæktarmiðstöð Íslands á ...

Angus-holdanaut frá NautÍs fædd 2021
Fræðsluhornið 29. júní 2022

Angus-holdanaut frá NautÍs fædd 2021

Hér er nú kynntur fjórði árgangur Angus-holdanauta frá Nautgriparæktarmiðst...

Fagþing nautgriparæktarinnar í Danmörku – Fyrsti hluti
Fræðsluhornið 29. júní 2022

Fagþing nautgriparæktarinnar í Danmörku – Fyrsti hluti

Nýverið var haldið hið árlega Fagþing Nautgriparæktarinnar í Danmörku, eða „...

Reyniviður
Fræðsluhornið 28. júní 2022

Reyniviður

Reyniviður, Sorbus aucuparia, er um margt sérstætt tré. Til dæmis myndar reyni...

Svartþröstur
Fræðsluhornið 28. júní 2022

Svartþröstur

Svartþröstur er orðinn algengur varpfugl á Suðvesturlandi, einna helst í þét...

Ný og endurbætt spenaeinkun
Fræðsluhornið 27. júní 2022

Ný og endurbætt spenaeinkun

Á síðastliðnu búgreinaþingi Deildar kúabænda var því beint til fagráðs í ...